Zakari 8:22 - A SƐB-SÕW

²² Sɩza n'a, nɩ-bʋʋr-yaga nɩ ten na tɛr fãw a na wa n a Zerizalɛm, wa bɔbr kɛ́ bɛ be a ɩ̃ zie, ɛ́ zɛlɛ mɛ̃ nɩ a bɛ puoru.

Zakari 8:22 ပူးပေါင်းရင်းမြစ်များ

Sɛb-sõw yielu 68:30

A fʋ Yir do na gãw a Zerizalɛm yie, ɛ́ be n'a a na-mɩnɛ waar'ɩ a bome wa kʋ̀rɛ fʋ.

Ɩzayi 2:2

Daar waar'a na ta, a Ŋmɩn-yir-kpɛ̃ɛ tãw na wɩɛr tɩ àr a tan nyʋɔrɩ́, ɛ́ kɛrɩ do gãw a tãli. Lɛ n'a a nɩ-bʋʋrɛ za na darɛ taa cere a ʋ zu.

Ɩzayi 2:3

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na tɩ wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Ɩzayi 25:7

A be n'a ʋ na ír a kuor pɛn na pàw a nɩ-bʋʋrɛ za a bɛr, a kũuni gãw na pàw a ten za a.

Ɩzayi 49:22

À ŋá n'a a Sore Naaŋmɩn yere: «Ɩ̃ na kabr'ɩ a nɩ-bʋʋr-yoru, ɩ̃ na zɛw nɩ a ɩ̃ bãwfʋ a bɛ ƴãw. Bɛ na kɔ̃gbɔwlɩ nɩ a fʋ bidɛbr lɛb wa n, ɛ́ dúori a fʋ pɔwyaar baw lɛb wa n.

Ɩzayi 49:6

Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».

Ɩzayi 55:5

Ɩsɩrayɛl i, a fʋ̃ʋ mɩ̀, fʋ na bʋɔl'ɩ nɩ-bʋʋrɛ fʋ na bɛ bãw a, ɛ́ a nɩbɛ bɛ ŋa na bɛ tɩ bãw fʋ a, na zɔ na wa a fʋ zie. Mãa zũú n'a bɛ na wa, mãa, a Sore fʋ Naaŋmɩn, a Ɩsɩrayɛl Naaŋmɩn na ɩ sõw a, na ƴãw fʋ a.»

Ɩzayi 66:23

À ŋá n'a, cuw-paala za nɩ pɩ̃ɛnʋ-bibir za, a nɩbɛ za na mɩ́ wa wa gbĩ dume a ɩ̃ niŋé.

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Mise 4:2

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Mise 4:3

Ʋ na mɩ́ dɩ n a ƴɛ̀rʋ kʋ̀ nɩ-bʋʋr-yaga na tɛr taw-taa a, ʋ na mɩ́ bãw nɩ yele kʋ̀ ten na tɛr fãw a, alɛ saa zãá a. A na mɩ́ de nɩ a zɛbr-sɔ-bɛrɛ zuw maal'ɩ kue, ɛ́ de a kafine maal'ɩ sɔ̀rʋ. Tẽw kãw kʋ̃ mɩ́ lɛb ŋmãa nɩ tẽw kãw zɛbr ɛ, nɩr kʋ̃ lɛb cãà zanɛ zɛbr zɛbrʋ ɛ.

A naaŋmɩn-ƴɛ̀r-manɛ Aaze sɛbɛ 2:7

Ɩ̃ na dam'ɩ a nɩ-bʋʋr-yoru za, ɛ́ a bɛ na-bome na wa n yaga a ka, ɩ̃ɩ na kʋ̀ n vɩɛlʋ yaga a yir-kpɛ̃ɛ ŋa. A mãa Sore, a Kpɛnʋ-za-sob'ʋ yere.

Zakari 14:16

A lɛn daar a, a nɩ-bʋʋrɛ bɛl na zɛb'ɩ a Zerizalɛm a, a bɛ nɩbɛ na cɛ a na mɩ́ do n a Zerizalɛm yũon za, tɩ puori a Sore, a Kpɛnʋ-za-sob, ɛ́ maalɩ a Pɛn-sɛwr cuw.

Zakari 8:21

Tẽ-kpɛ̃ɛ ŋa nɩbɛ na mɩ́ yel'ɩ tẽ-kpɛ̃ɛ ŋa dem: “Nyɩ wa, tɩ cere na kɛ́ tɩ tɩ puori a Sore, a Kpɛnʋ-za-sob, ɛ́ bɔbr kɛ́ tɩ be a ʋ zie.” Bɛ na sɔw na: “Tɩ mɩ̀ cere na.”

Galasi 3:8

A Sɛb-sõw na tɩ bãw kɛ́ Naaŋmɩn na ɩ n a nɩ-bʋʋr-yoru bɛ ɩ nɩ-mɩn a bɛ naaŋmɩn-sàw-deb zũú a, ʋ tɩ de nɩ niwn yel a yel-vla ŋa kʋ̀ a Abraham: «A nɩ-bʋʋrɛ za na páw nɩ maalʋ a fʋ zũú.»

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»

Yel-wula 21:24

A ten ten nɩbɛ za na cere nɩ a ʋ cãà pʋɔ, ɛ́ a tẽw zu na-mɩnɛ wa n a bɛ na-bome a be.