Zakari 8:20 - A SƐB-SÕW

²⁰ À ŋá n'a a Sore, a Kpɛnʋ-za-sob, yere: «Nɩ-bʋʋr-yoru, tẽ-bɛrɛ yaga nɩbɛ na lɛb'a waar a Zerizalɛm.

Zakari 8:20 ပူးပေါင်းရင်းမြစ်များ

1 Na-mɩnɛ 8:41

«Bɛlɛ wa ƴɛ̀rɛ a fʋ yúor na ɩ kpɛ̃ɛ a ƴɛ̀rʋ a, nɩ a fʋ kpɛnʋ nɩ a fʋ fãw tome ƴɛ̀rʋ a, a nɩ-bʋʋr-yoru tɛɛ za na wõ a na. A lɛ a, sãan na bɛ pʋɔ a fʋ nɩ-bʋʋrɛ Ɩsɩrayɛl pʋɔ a, wa yi tẽ-zãána kãw wa k'ʋʋ wa puori fʋ a Ŋmɩn-yir-kpɛ̃ɛ ŋa pʋɔ a,

1 Na-mɩnɛ 8:43

a fʋ̃ʋ a, Sore e, be a salom zu fʋ na kpɩɛr a, ɛ́ bɛr wõ a sãan ŋa puoru, ɛ́ kʋ̀ ʋ a ʋlɩ bom nɛ ʋ na zɛlɛ a. À ŋá n'a a tẽw zu nɩ-bʋʋrɛ za na bãw fʋ. Bɛ na zɔrɛ fʋ na, mɛ̃ a lɛ a fʋ nɩ-bʋʋrɛ Ɩsɩrayɛl na zɔrɛ fʋ a. Bɛ mɩ̀ na bãw na kɛ́ fʋ̃ʋ sɩrɩ so a Ŋmɩn-yir-kpɛ̃ɛ ŋa ɩ̃ na ŋmãa a.»

Sɛb-sõw yielu 102:22

Lɛ n'a bɛ na íre a Sore yúor a Sɩyɔ̃ tẽw pʋɔ, bɛ na yiele danɛ nɩ ʋ a Zerizalɛm tẽw pʋɔ,

Sɛb-sõw yielu 22:27

A bãbàalbɛ na dɩ na tɩw. Bɛlɩ dem na bɔbr a Sore a, bɛ danɛ ʋ ɛ́ tɛr nyɔ-vʋʋr-wogo!

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Sɛb-sõw yielu 89:9

Sore Naaŋmɩn Kpɛnʋ-za-sob i, ãa n'ʋ ŋmɛ̃ mɛ̃ a fʋ̃ʋ a? Fãw nɩ fʋ na ŋmɛ̃ fʋ ŋmɛ̃a a viir'a koli fʋ.

Ɩzayi 11:10

A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.

Ɩzayi 45:14

À ŋá n'a a Sore yere: «Ɩsɩrayɛl i, a Eziptɩ tẽw dem tome tɔnɛ, a Etiopi tẽw dem yɛ-yɛrbɛ libie, a Seva tẽw dem, a nɩ-jarmam jarmam bɛ ŋa, a za na tɔl'ɩ a fʋ zie, ɛ́ fʋ̃ʋ na so a. A nɩbɛ bɛ ŋa na tuur fʋ na, ƴãw bamɛ. Bɛ na gbĩ n dume a fʋ niŋé, ɛ́ puori à ŋá a fʋ zie: “Fʋ zie yõ n'a a Naaŋmɩn be, kãw bɛ lɛb ka be ɩ.”»

Ɩzayi 49:6

Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

A naaŋmɩn-ƴèr-manɛ Oze sɛbɛ 2:23

A ʋlɩ bibir nɛ a, a Sore n'ʋ yere, ɩ̃ na maal'ɩ a salom pʋ-tɩɛrʋ, ɛ́ a salom maalɩ a tẽsɔw pʋ-tɩɛrʋ.

Amɔsɩ 9:12

Lɛ n'a a Ɩsɩrayɛl nɩbɛ na so a Edɔm tẽw na cɛ a, nɩ a nɩ-bʋʋr-yoru ten al za ɩ̃ na so a. A Sore n'ʋ yere à à ŋá, ʋl na na tu à à ŋá ʋ na yel a.»

Mise 4:3

Ʋ na mɩ́ dɩ n a ƴɛ̀rʋ kʋ̀ nɩ-bʋʋr-yaga na tɛr taw-taa a, ʋ na mɩ́ bãw nɩ yele kʋ̀ ten na tɛr fãw a, alɛ saa zãá a. A na mɩ́ de nɩ a zɛbr-sɔ-bɛrɛ zuw maal'ɩ kue, ɛ́ de a kafine maal'ɩ sɔ̀rʋ. Tẽw kãw kʋ̃ mɩ́ lɛb ŋmãa nɩ tẽw kãw zɛbr ɛ, nɩr kʋ̃ lɛb cãà zanɛ zɛbr zɛbrʋ ɛ.

Zakari 2:11

Alɛ! Zerizalɛm nɩbɛ bɛ na diw cen nɩ a Babɩlɔn a, nyɩ paw fɔ̃w zɔ cɩ̃ɛ.»

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Matie 8:11

Ɩ̃ yere na kʋ̀rɛ nyɩ, nɩ-yaga na yi n saa-pɛrɩ́ nɩ mʋ̃tɔ̃w-kpɛb-lowr wa lãw nɩ a Abraham nɩ a Ɩzaakɩ nɩ a Zakɔb a tẽ-vla Naalʋ cuw dɩb pʋɔ,

Nɩ-toni 15:14

A Sɩmɩ̃ɔ lɛb'a manɩ kʋ̀ tɩ a ƴɛrɛŋa, a lɛ a pɛr-tib daar, a Naaŋmɩn na kaa a nɩ-bʋʋr-yoru zie, ɛ́ kaa ír nɩ-bʋʋrɛ a bɛ pʋɔ kɛ́ bɛ ɩ a ʋ nɩbɛ a.

Nɩ-toni 15:18

ʋl na ɩ bɛ bãw a ʋ pʋ-tɩɛrʋ yele a koro za a.”

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»