«Ɩ̃ yere na kʋ̀rɛ nyɩ, a mʋta-tuo nyɩ na mɩ́ tɛr, a yũon cuwr anaar sob, anũu sob, ayopõi sob nɩ a pie sob a, a na lɩɛb'ɩ cuw-bɛrɛ na tɛr cɩlʋ, nɩ nʋ̃ɔ̀ a, a Zuda nɩbɛ ƴãw.» «Ɛcɛ, nyɩ bɔbr a yel-mɩŋa nɩ a ƴã-ɓaarʋ gãw bom za!»
À ŋá n'a a Sore, a Kpɛnʋ-za-sob, yere: «Nyɩ ƴãw fãw! Nyɩ̀ wone nɩ a ƴɛrɛŋa, a ƴɛ̀rʋ á ŋá ɩ̃ na tɩ dãw ƴãw a ƴɛ̀r-manbɛ ƴɛ̀r, a lɛn daar bɛ na tɩ lɔb a yir-kpɛ̃ɛ pɛr, a ʋ mɛb ƴãw a.
A tɩ car'ɩ na kɛ́ Zifʋ bɛ mɩnɛ kãw na nɔ̃w a puoru a, mɩ̀ tɩ be n a Zerizalɛm be. A nɩ-bʋʋrɛ bɛl za na tɩ be a tẽ-daa zu a, a bɛl pʋɔ n'a bɛ tɩ yi kɛ́ wa.
Bɛ tɩ ƴãw nɩ fãw jɛlɛ kɛ́ bɛ bãw debor daar'a, nɩ yele abobe n'a a Kɩrɩta Vʋʋrʋ na be a bɛ pʋɔ a, tɩ bɔbr k'ʋʋ yel, a lɛn daar ʋ na tɩ de niwn yel a tuo na gùre a Kɩrɩta a yele, nɩ a yúor-vɩɛlʋ-danʋ ʋ na na páw a tuo wob pùorí a.