Zakari 8:16 - A SƐB-SÕW

¹⁶ Nyɩ nyɛ̃ a lɛ a na fɛr kɛ́ nyɩ ɩrɛ a: Nyɩ yere a yel-mɩŋa kʋ̀rɛ taa. A nyɩ ƴɛ̀rʋ-dɩb ziir a, nyɩ mɩ́ dɩ a ƴɛ̀rʋ a tu yel-mɩŋa, ɛ́ wa n ƴã-ɓaarʋ!

Zakari 8:16 ပူးပေါင်းရင်းမြစ်များ

Sɛb-sõw yielu 15:2

— Sob nɛ na bɛ tɛr sãwna bɛ yere a n'ʋ, ʋ tuur'ɩ yel-mɩnʋ, ɛ́ yere a ʋ pʋɔ yel-mɩŋa.

Sɛb-sõw yielu 34:15

Ʋ dɛrɛ a faa, ɛ́ maalɛ a vla, ʋ su zu bɔbr a ƴã-ɓaarʋ.

Zʋkpaɩ 12:17

Sob nɛ na yere yel-mɩŋa a mɩ́ sõw nɩ a mɩnʋ ʋ sãá, ɛcɛ a dãsɩ-ziri sob mɩ́ sõw nɩ a ziri.

Zʋkpaɩ 12:19

Ƴɛ̀rʋ na ɩ yel-mɩŋa a mɩ́ ɩ ʋ nɩ kʋralɛ, ɛ́ ziri bɛ cɛlɛ ɩ.

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Zeremi 22:3

À ŋá n'a a Sore yere: nyɩ ɩrɛ a lɛ-na-tu-sɔr-a, ɛ́ tuur a mɩnʋ. Nyɩ ta dɔwrɛ ɛ́ ta ɩrɛ a kpɩɛr a nʋʋrɩ, a bi-kpebe nɩ a pɔw-kɔbɛ ɩ. Nyɩ ta cãà kʋrɛ nɩbɛ na bɛ tɛr sãwna a, a zie ŋa pʋɔ ɩ.

Ezekɩɛl 18:8

A nɩr ŋa mɩ́ pɛ̃w nɩ a ʋ libie bɛ bɔbr'ɩ dɔwlɛ ɩ, ʋ bɛ íre tɔnɛ kãw za ɩ. Ʋ mɩ́ ír'ɩ nũu yel na bɛ tu mɩnʋ a pʋɔ, ɛ́ mɩ́ dɩ a ƴɛ̀rʋ tu n a yel-mɩŋa.

Ezekɩɛl 45:9

À ŋá n'a a Sore Naaŋmɩn yere: «Ɩsɩrayɛl na-mɩnɛ ɛ, a man nɩ lɛ! Nyɩ bɛr a po-to-fãw-ɩb nɩ a bome fab. Nyɩ sàwr a lɛ-na-tu-sɔr-a nɩ a mɩnʋ, nyɩ bɛr a ɩ̃ nɩ-bʋʋrɛ na-bome zub lɛ! A mãa Sore Naaŋmɩn n'ʋ ƴãw a nʋɔr kʋ̀ nyɩ!

Levitɩ mɩnɛ 19:11

«Nyɩ taa zure ɩ, nyɩ taa ŋmaarɛ ziri ɛ, nyɩ taa bɛ̀lɛ a nyɩ tɔ sob ɛ.

Amɔsɩ 5:15

Nyɩ hɩ̃ɛn a faa, nyɩ nɔnɛ a vla, nyɩ ɩ a yel-na-tu-sɔr-a lɛb be a ƴɛ̀rʋ-dɩb zie, a mɩnɛ kãw, a Sore, a Naaŋmɩn kpɛnʋ-za-sob, nãà zɔ n a Zuzɛb bʋʋrɛ bɛl na cɛ a nɩbaalʋ.

Amɔsɩ 5:24

Ɛcɛ nyɩ ɩ a yel-na-tu-sɔr-a gbɔlɛ mɛ̃ kʋ̃ɔ a, ɛ́ a mɩnʋ gbɔlɛ mɛ̃ bàa na bɛ sɩrɛ a.

Mise 6:12

A tẽw ŋa tɛra dem tɛr'ɩ po-to-fãw-ɩb yaga za, a ʋ nɩbɛ ŋmarɛ nɩ ziri bɛ̀lɛ nɩ a bɛ taabɛ.

Mise 6:8

Nɩsaal i, a Sore ɩ na fʋ bãw a ʋlɩ bom nɛ na vɩɛl a, nɩ a ʋlɩ bom nɛ ʋ na bɔbr a fʋ zie a: bom za bɛ n'ʋ, a bɛ ɩ kɛ́ fʋ tuur a yel-mɩnʋ, kɛ́ fʋ tɛr nɔ̃wfʋ ɩ-ɩrɩ, ɛ́ tɛr fʋ tʋɔra-siwru a fʋ Naaŋmɩn zie ɩ.

Sofoni 3:13

A Ɩsɩrayɛl nɩbɛ na cɛ a kʋ̃ cãà ɩrɛ ɩ-faar ɛ, bɛ kʋ̃ cãà ŋmarɛ ziri ɛ. Bɛlʋ ƴɛ̀rʋ kʋ̃ lɛb yi a bɛ nɛ̃ɛ́ ɩ. Bɛ na mɩ́ ɓãá nɩ ƴãw dɩrɛ ɛ́ gúre, ɛ́ nɩr bɛ damnɛ bɛ ɩ.»

Zakari 8:19

«Ɩ̃ yere na kʋ̀rɛ nyɩ, a mʋta-tuo nyɩ na mɩ́ tɛr, a yũon cuwr anaar sob, anũu sob, ayopõi sob nɩ a pie sob a, a na lɩɛb'ɩ cuw-bɛrɛ na tɛr cɩlʋ, nɩ nʋ̃ɔ̀ a, a Zuda nɩbɛ ƴãw.» «Ɛcɛ, nyɩ bɔbr a yel-mɩŋa nɩ a ƴã-ɓaarʋ gãw bom za!»

Zakari 8:3

Alɛ n'a so, mãa n'ʋ yere: ɩ̃ lɛbr'a waar a Zerizalɛm, ɩ̃ lɛb'a kpɩɛr a Sɩyɔ̃ tẽw. Bɛ na bʋɔlɛ nɩ a Zerizalɛm kɛ́ “Tẽ-kpɛ̃ɛ na bɛ lɛb pùor a”, ɛ́ a Sɩyɔ̃ tãw ɩ̃ na so a, yúor na dɩ na kɛ́ “Tãw-sõw”.

Matie 5:9

Zu-nʋ̃ɔ̀ dem'ɩ a bɛlɩ dem na tone ƴã-ɓaarʋ tome a, bɛ na bʋɔlɛ bɛ nɩ Naaŋmɩn bibiir.

Efɛɛzɩ 4:17

A na ɩ à ŋá a, bom ŋa n'ʋ ɩ̃ yere kʋ̀rɛ nyɩ lãwnɩ kpaalʋ a Sore yúor ƴãw: nyɩ ta cãà ɩrɛ mɛ̃ a nɩ-bʋʋr-yoru na tuur a bɛ tɩɛr-zawlɛ a ɩ.

Efɛɛzɩ 4:25

A na ɩ à ŋá a, nyɩ bɛr a ziri: ŋa za mɩ́ yel a yel-mɩŋa kʋ̀ a ʋ tɔ sob, tɩ za na ɩ ƴã-gã-been ɓɛrmɛ a ƴãw.

1 Tesalonikɩ 4:6

A yel ŋa ƴãw a, nɩr za taa wa sãwnɛ a ʋ yɛb bɩɩ nɛbr ʋ ɛ, bʋ̃ʋ n'ʋ vɛ̃, mɛ̃ a lɛ tɩ na yel kʋ̀ nyɩ ɛ́ kpãa nyɩ a, a Sore na dɔwr'ɩ a bɛlɩ dem na ɩrɛ a ɩ-faar á ŋá taabɛ a.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»