14 Nyɛ̃ a lɛ a Sore, a Kpɛnʋ-za-sob, na yere a: «A lɛ ɩ̃ na tɩ yel k'ɩ̃ɩ na ɩ na a kpɛ nyɩ, a nyɩ sãàkʋm-kore na tɩ ɩ k'ɩ̃ nyɛ̃ suur a ƴãw a, ɩ̃ bɛ lɛb bɛr ɛ.
ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.
A mãa, a Sore, ɩ̃ bãw nɩ a yele al ɩ̃ na tɩɛrɛ a nyɩ ƴãw a, ɩ̃ɩ yere na kʋ̀rɛ nyɩ: kpɩɛrʋ yele bɛ n'a ɩ̃ tɩɛrɛ ɩ, nʋ̃ɔ̀ yele n'a. Ɩ̃ bɔbr'a k'ɩ̃ɩ kʋ̀ nyɩ nɩdaar nyɩ na na ƴãw a nyɩ tɩɛrʋ a ʋ ƴãw a.
Wa tɩ tɔ ka a, ɩ̃ tɩ àr'ɩ a bɛ ƴãw k'ɩ̃ɩ vɔ̃ bɛr, k'ɩ̃ɩ ŋmɛ lɔb, k'ɩ̃ɩ da lɔb, k'ɩ̃ɩ sãw bɛr, k'ɩ̃ɩ ɩ a kpɛ. Ɛcɛ ƴɛrɛŋa a, ɩ̃ na lɩɛb'a cɔw bɛ, k'ɩ̃ɩ lɛb mɛ ɛ́ lɛb sɛl, a Sore n'ʋ yere.
Nyɛ̃ a lɛ a Sore na cãà lɛb yere a: «Mɛ̃ a lɛ ɩ̃ na ɩ a kpɩɛrʋ kpɛ̃ɛ ŋa wa a Zuda tẽw nɩbɛ zu a, lɛ mɩ̀ n'a ɩ̃ na ɩ a nʋ̃ɔ̀ al za ɩ̃ na ƴɛ̀r a bɛ ƴãw a, wa a bɛ zu.
Alɛ so a tẽw be a wahala pʋɔ, ɛ́ a saa-zu, a lige pàw a salom. Bʋ̃ʋ n'ʋ vɛ̃, ɩ̃ yel'ɩ a lɛ ɩ̃ na tɩ yel k'ɩ̃ɩ na ɩ na a, ɩ̃ kʋ̃ lɩɛbɩ bɛr ɛ, ɛ́ ɩ̃ kʋ̃ lɛb pùor ɛ.
A Sore tɩ ƴãw na k'ʋʋ yel a Ɩsɩrayɛl nɩbɛ: «A mãa Sore, ɩ̃ nyɛ̃ nɩ nɩ a nyɩ sãàkʋm-kore suur tɩ pi kɔkɛɛ. Ɛcɛ nyɩ lɛb wa a ɩ̃ zie, a mãa Sore Kpɛnʋ-za-sob, ɩ̃ɩ na lɛb'a wa a nyɩ zie, mãa n'ʋ yere.
Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»