Zakari 8:13 - A SƐB-SÕW

¹³ Zuda nɩ Ɩsɩrayɛl naalʋ ten i, a nɩ-bʋʋr-yoru sɔgɔ a, nyɩ tɩ ɩ n nɩ-bʋʋrɛ bɛ na ŋmɛ ƴãw a bãwfʋ. Ɛcɛ ƴɛrɛŋa a, ɩ̃ faarɛ nyɩ na, nyɩ na ɩ n nɩ-bʋʋrɛ na nyɛ̃ maalʋ a bãwfʋ. Nyɩ ta cãà zɔrɛ dɛ̃bɩ̃ɛ ɩ! Nyɩ ƴãw fãw!»

Zakari 8:13 ပူးပေါင်းရင်းမြစ်များ

Yele-za-pɛr-tib 26:4

Ɩ̃ na ɩ n a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie a, ɩ̃ɩ na kʋ̀ bɛ nɩ a ziir á ŋá za. Ɩ̃ na maal'ɩ a nɩ-bʋʋrɛ za a bɛ zũú.

Sɛb-sõw yielu 44:16

Kʋralɛ n'a ɩ̃ mɩ́ nyɛ̃ a ɩ̃ yúor na sãw, ɛ́ a vĩ bɛ sàw ɩ̃ na dʋɔ a zu a,

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Sɛb-sõw yielu 79:4

A tɩ sɩman dem tʋʋr tɩ na, a bɛlɩ dem na kpɩɛr viiri koli tɩ a kpɔwrɛ tɩ na ɛ́ ɩrɛ tɩ laar.

Ɩzayi 43:28

Lɛ n'a ɩ̃ ír a nɩ-bɛrɛ ɩ̃ na tɩ ƴãw a bɛr a nɩ-kpɛ̃ɛnʋ pʋɔ. Ɩ̃ bɛr'ɩ a Zakɔb nɩbɛ kɛ́ bɛ sãw bɛ bɛr, ɛ́ bɛr a Ɩsɩrayɛl nɩbɛ kʋ̀ a bɛ dɔ̃ dem bɛ tʋʋr bɛ.

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Zeremi 25:18

Ɩ̃ tɩ tĩ nɩ nɩ a Zerizalɛm nɩ a Zuda tẽ-bɛrɛ, a na-mɩnɛ nɩ a bɛ tõ-tõ-bi-bɛrɛ. Ɩ̃ tɩ ɩ na a tẽ-bɛrɛ á ŋá lɩɛbɩ deboru, zie na kpɛ faa bɛ mɩ́ nyɛ̃ ŋmɛ pʋl-vʋ̃ɔ cɛlsɩ, ɛ́ a ŋmɛ-ƴãw pʋɔ bɛ mɩ́ de a man nɩ a. Alɛ n'a ɩrɛ a dɩ̃a.

Zeremi 26:6

Nyɩmɛ bɛ wa bɛrɛ wone a, ɩ̃ na ŋmɛr'ɩ a Ŋmɩn-yir-kpɛ̃ɛ ŋa bɛr mɛ̃ a lɛ ɩ̃ na ŋmɛr a Silo tẽw Ŋmɩn-yir-kpɛ̃ɛ bɛr a. Ɛ́ a tẽw zu nɩ-bʋʋrɛ za sɔgɔ a, ɩ̃ na ɩ na a Zerizalɛm ɩ a tẽw bɛ na na mɩ́ ŋmɛ ƴãw man nɩ a.”»

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 33:24

«Fʋ bɛ wõ a lɛ a nɩbɛ na yere a ɩ? Bɛ na yere k'ɩ̃ɩ zawr'ɩ a Ɩsɩrayɛl nɩ a Zuda bɛr, a yie ayi á ŋá ɩ̃ na tɩ kaa ír a. Bɛ na ƴɛ̀rɛ à à ŋá a, bɛ jewre nɩ a ɩ̃ nɩbɛ. Bɛl zie a, bɛ bɛ cãà ɩ nɩ-bʋʋrɛ mɩ̀ ɛ.

Zeremi 42:18

A Zeremi tɩ cãà na yel: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Mɛ̃ a lɛ a ɩ̃ su-tʋlʋ na tɩ ìr a Zerizalɛm nɩbɛ ƴãw a, lɛ mɩ̀ n'a ɩ̃ na bɛr a ɩ̃ su-tʋlʋ ʋ ìr a nyɩ ƴãw, nyɩmɛ wa cen a Eziptɩ tẽw a. Lɛ n'a bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna ƴɛ̀rʋ, bɩɩ bɛlɛ wa bɔbr kɛ́ bɛ ƴãw nɩr vĩ a, nyɩmɛ nɛbɛ bɛ na mɩ́ de man nɩ. Ɛ́ nyɩ kʋ̃ lɛb nyɛ̃ a tẽw ŋa towtow ɛ.”»

Zeremi 44:12

Ɩ̃ na de nɩ a Zuda nɩbɛ na cãà cɛ vʋʋrɛ a, a bɛl na zɔ wa a Eziptɩ tẽw wa kpɩɛr a naayir a, ɛ́ bɛ na kpi n bɛ za. A tẽw ŋa pʋɔ n'a bɛ na kpi a zɛbr-sɔ-kpɛ̃ɛ nɩ a kɔ̃ kũu, a pʋrmɛ nɩ a bɛrɛ. Ʋ̃ʋ, à ŋá n'a bɛ na kpi, ɛ́ bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna, bɩɩ bom na ɩrɛ nɩr vĩ a ƴɛ̀rʋ a, bɛlɛ nɛbɛ bɛ na mɩ́ de man nɩ.

Zeremi 44:22

A Sore bɛ tɩ tʋ̃ɔ́ nyɔw ʋ tʋɔra a nyɩ ɩ-faa nɩ a yele nyɩ na maalɩ a bɛ maal'ɩ wob a ƴãw ɛ. Alɛ n'a so a nyɩ tẽw lɩɛbɩ debuo, zie na kpɛ faa bɛ cãà tɛr nɩr a, ɛ́ bɛ mɩ́ ŋmɛ ƴãw man nɩ ʋ a. A nɩbɛ za na tʋ̃ɔ́ na cãà nyɛ̃ a, a dɩ̃a.

A Lãw-mʋɔlɛ 4:15

Bɛlɛ wa waar a, a nɩbɛ mɩ́ cɩɩrɛ na: «Nyɩ taw zãá! Bɛ ɩ n nɩ-dɛgɛ! Nyɩ taw zãá! Nyɩ taw zãá! Nyɩ taa tʋɔr bɛ ɩ!» Bɛ zɔrɛ na ɛ́ bɛ bãw ʋlɩ zie nɛ bɛ na na cen a ɩ. Ɛcɛ a nɩ-bʋʋr-yoru yere na: «Bɛ kʋ̃ tʋ̃ɔ́ be a tɩ zie ka ɩ.»

Ezekɩɛl 34:26

Ɩ̃ na bɛr a na a vʋʋrɛ pɩɛlɩ a ɩ̃ tãw-sõw. Ɩ̃ na mɩ́ ɩ n a saa wa a ʋ daar, ɛ́ a kʋ̃ɔ á ŋá na mɩ́ maalɩ a nɩ vla.

Ezekɩɛl 37:11

A Sore tɩ lɛb'a yel mɛ̃: «Nɩsaal bie e, a kɔbɛ á ŋá a, a Ɩsɩrayɛl yir dem za nɛbɛ. Bɛl mɩŋa mɩ́ yere na: “A tɩ kɔbɛ ko na pɛlɩ, a tɩ tɩɛrʋ wɛ na, tɩ kpi na.”

Ezekɩɛl 5:15

Ɩ̃ na tu n a lɛ ɩ̃ na dɩ a ƴɛ̀rʋ bin a fʋ ƴãw nɩ su-tʋlʋ a, ɩ̃ɩ na yel fʋ nɩ yaga. Lɛ n'a a nɩ-bʋʋrɛ na be a kõkowe ƴãw a na de a tẽ-kpɛ̃ɛ ŋa ʋ ɩ bʋ̃-ɩ-laara nɩ zʋmɛ bom. Ɛcɛ a tẽ-kpɛ̃ɛ ŋa mɩ̀ na ɩ n kpaalʋ nɩ dɛ̃bɩ̃-kpɛ̃ɛ bom a bɛ zie. A mãa Sore n'ʋ ƴɛ̀rɛ a nyɩ zie.

Mise 5:7

A Ɩsɩrayɛl nɩbɛ na cɛ nɩ-bʋʋr-yoru viiri koli a, na kpɛmɛ na mɛ̃ gbẽw wɛ-dʋn sɔgɔ a, mɛ̃ gbẽw-pɔl píir sɔgɔ a. Be za ʋ na mɩ́ tɔlɛ a, ʋ mɩ́ nyɔwr'ɩ a bome tawr ŋmarɛ, ɛ́ nɩr kʋ̃ tʋ̃ɔ́ faa a, a ʋ zie ɩ.

Sofoni 3:16

A ʋlɩ bibir nɛ a, bɛ na yel'ɩ a Zerizalɛm à ŋá: «Sɩyɔ̃ tẽw i, ta zɔrɛ dɛ̃bɩ̃ɛ ɩ, taa bàlɛ tɩɛrɛ bɛrɛ ɩ!

Sofoni 3:20

A lɛn daar a, ɩ̃ na lɛb'a tɛr nyɩ wa n, a lɛn daar a, ɩ̃ na lɛb'a ɓã nyɩ taa. A nyɩ mimié n'a ɩ̃ na lɩɛbɩ a nyɩ yele. Lɛ n'a a nyɩ yúor na yi, ɩ̃ɩ ɩ nyɩ nyɛrɛ ƴãwfʋ a tẽw zu nɩ-bʋʋrɛ za pʋɔ.» A Sore n'ʋ yel.

A naaŋmɩn-ƴɛ̀r-manɛ Aaze sɛbɛ 2:19

Bʋ̃-bir cãà nɩ a bowrí i? A divɛ̃ tɩɩr tɛɛ za, a kãkã-tɩɩr, nɩ a girenadɩ tɩɩr, nɩ a olivʋ tɩɩr bɛ wɔ̃ wɔm za ɩ. Ɛcɛ a na dɛ tĩ a dɩ̃a bibir a, ɩ̃ na maalɩ nyɩ na.»

A naaŋmɩn-ƴɛ̀r-manɛ Aaze sɛbɛ 2:5

Mɛ̃ a lɛ ɩ̃ na tɩ maal'ɩ nyɩ a wõ-taa, a nyɩ Eziptɩ tẽw yib daar a, nɩ a ɩ̃ Vʋʋrʋ na be a nyɩ sɔgɔ a ƴãw a: nyɩ ta zɔrɛ bom za ɩ!

Zakari 14:11

A nɩbɛ na kpɩɛr'ɩ a tẽw, bɛ kʋ̃ lɛb ŋmɛr ʋ bɛr ɛ, ɛ́ a nɩbɛ na ɓãá nɩ ƴãw kpɩɛr a be.

Zakari 8:15

Ƴɛrɛŋa a, ɩ̃ nɩ̃ɛ na yel k'ɩ̃ɩ na maalɩ nyɩ na, Zerizalɛm tẽw dem, nɩ Zuda naalʋ-tẽw za dem i. Nyɩ ta cãà zɔrɛ dɛ̃bɩ̃ɛ ɩ.

Zakari 8:9

À ŋá n'a a Sore, a Kpɛnʋ-za-sob, yere: «Nyɩ ƴãw fãw! Nyɩ̀ wone nɩ a ƴɛrɛŋa, a ƴɛ̀rʋ á ŋá ɩ̃ na tɩ dãw ƴãw a ƴɛ̀r-manbɛ ƴɛ̀r, a lɛn daar bɛ na tɩ lɔb a yir-kpɛ̃ɛ pɛr, a ʋ mɛb ƴãw a.

Zakari 9:13

Ɩ̃ na de nɩ Zuda ʋ ɩ a zɛbr tam, Efarayim n'ʋ na ɩ a pĩi. Sɩyɔ̃ i, ɩ̃ na ƴãw na a fʋ bibiir cen tɩ ŋmãa nɩ a Yavan bibiir zɛbr. Ɩ̃ na de bɛ na bɛ ɩ mɛ̃ gãdaa zɛbr-sɔ-kpɛ̃ɛ a.»

1 Korɛ̃tɩ 16:13

Nyɩ bɛr gʋ̃ɔ, nyɩ kpɛmɛ a sàw-deb pʋɔ, nyɩ ɩ dɛbr, nyɩ tɛr fãw.

Galasi 3:14

À ŋá n'a a ɩ, k'aa maalʋ a Naaŋmɩn na yel k'ʋʋ na kʋ̀ n a Abraham a, mɩ̀ ta a nɩ-bʋʋr-yoru a Yeezu Kɩrɩta ƴãw, ɛ́ a sàw-deb zũú, tɩ za páw a Vʋʋrʋ a Naaŋmɩn na yel k'ʋʋ na tɩr'a a.

Wulu-ayi-sob 26:19

Lɛ n'a, a Sore nyɩ Naaŋmɩn bɔbr'a kɛ́ nyɩ de niwn a nɩ-bʋʋrɛ za ʋ na ír a ƴãw: nɩbɛ na nyɛrɛ ƴãwfʋ, tɛr yúor nɩ vɩɛlʋ zuo bɛ a. Ʋ bɔbr'a kɛ́ nyɩ ɩ nɩ-bʋʋr-sõw a ʋ zie, mɛ̃ a lɛ ʋ na yel a.

Wulu-ayi-sob 28:37

A nɩ-bʋʋrɛ bɛl za pʋɔ a Sore na na tɛr nyɩ cen nɩ a, a na tɩ ɩ n nɔ-ɓãan a bɛ zie, a yel na ta nyɩ a ƴãw. Bɛ na ɩrɛ nyɩ na laar ɛ́ tʋʋr nyɩ.