Zakari 8:12 - A SƐB-SÕW

¹² Ɩ̃ na ƴãw nɩ ƴã-ɓaarʋ a tẽw zu: a divɛ̃ tɩɩr na mɩ́ wɔ̃ na, a tẽsɔw bʋ̃-kʋ́ɔrɩ na mɩ́ maal'a, sa-bɛrɛ na yi n a salom zu lo. Ɩ̃ na kʋ̀ n a maalʋ á ŋá za, a ɩ̃ nɩ-bʋʋrɛ nɩbɛ bɛl na cɛ a.

Zakari 8:12 ပူးပေါင်းရင်းမြစ်များ

Yele-za-pɛr-tib 26:12

A Ɩzaakɩ tɩ kɔ na bʋ̀r a tẽw pʋɔ a ʋlɩ yũon nɛ, ɛ́ cɛ̀ gb'aa kʋba (100) dɔwlɩ. A Sore tɩ maal'ʋ na.

Yele-za-pɛr-tib 27:28

A Naaŋmɩn, ʋ ɩ a ɓɩɛlʋ lore a fʋ ƴãw, ʋ kʋ̀ b zi-kʋ́ɔrɩ na tɛr pʋɔrʋ a, nɩ ble nɩ divɛ̃ yaga za!

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

Sɛb-sõw yielu 72:3

Tan i, nyɩ wa n a ƴã-ɓaarʋ wa kʋ̀ a nɩbɛ, tãli i, nyɩ wa n a mɩnʋ wa kʋ̀ bɛ!

Sɛb-sõw yielu 85:12

A yel-mɩŋa na bul'a yi a tẽw, ɛ́ a mɩnʋ yi a salom zu siw.

Zʋkpaɩ 19:12

A nãà suur ɩ na mɛ̃ gbẽw ùoru a, ɛcɛ a ʋ nɔ̃wfʋ ɩb ɩ na mɛ̃ ɓɩɛlʋ na mɩ́ siw mʋ̃ɔ zu a.

Ɩzayi 30:23

A Sore na kʋ̀ nyɩ nɩ a saa a bʋ̃-bʋʋrɛ nyɩ na bʋ̀r a ƴãw. A bʋ̃-dɩrɩ a tẽsɔw na na kʋ̀ nyɩ a na ʋr'a ɛ́ nʋmɛ nʋmɛ. A ʋlɩ bibir nɛ a, a dʋn na 'wɔbr'ɩ mʋ̃ɔ mʋ̃ɔ 'wɔbrʋ ziir na yɛlmɛ yɛlmɛ a pʋɔ.

Ɩzayi 61:7

A Sore yere na: «Bɛ ƴãw nyɩ nɩ vĩ ɛ́ lɛb ƴãw. A nyɩ bom tɩ n'ɩ a zʋm-faar faar a nɩbɛ na tɩ tʋʋr nyɩ a. Alɛ n'a so nyɩ na páw bom gb'a ayi a bɛ tẽw pʋɔ, ɛ́ vʋʋrɛ nɩ nʋ̃ɔ̀ na bɛ tɛr baarʋ a.

Zeremi 31:12

Bɛ na lɔb'ɩ nʋ̃ɔ̀ cɛlsɩ ta n a Sɩyɔ̃ tãw zu. A bɛ niŋe na caal'ɩ a za a Sore bʋ̃-vɩɛlɩ niŋé: a ble, a divɛ̃-paala, a kãá-paala, píir, bʋʋr nɩ nĩi. Bɛ na ɩ na mɛ̃ zaadɛ̃ bɛ na cɔ̀r vla vla a, ɛ́ a bɛ fãw kʋ̃ lɛb siwri towtow ɛ.

Ezekɩɛl 34:28

A sãanbɛ kʋ̃ lɛb fa bɛ ɩ, a wɛ-dʋn kʋ̃ lɛb 'wɔb bɛ ɩ. Bɛ na vʋʋrɛ nɩ nɩ ƴã-ɓaarʋ, ɛ́ nɩr za kʋ̃ lɛb ɩ bɛ bɛ maw ɛ.

Ezekɩɛl 36:12

Ɩsɩrayɛl nɩbɛ, ɩ̃ nɩ-bʋʋrɛ ɛ, ɩ̃ na ɩ na nyɩ cere a ziir za a tẽw pʋɔ. Nyɩ na so ʋ na, ʋ na ɩ n a nyɩ sób, ʋʋ kʋ̃ lɛb kʋ a nyɩ bibiir towtow ɛ.

Ezekɩɛl 36:30

Ɩ̃ na ɩ na a nyɩ tɩɩr wɔ̃ wɔmɛ yaga, ɛ́ a nyɩ póru bʋ̃-dieri ʋr. Lɛ n'a nyɩ kʋ̃ lɛb bãw a kɔ̃ vĩ a nɩ-bʋʋr-yoru niŋé ɩ.

Ezekɩɛl 36:9

Sɩza, ɩ̃ na ƴɛ̀r'a kpɛ nyɩ, ɩ̃ na ƴãw nɩ fãw a nyɩ tẽsɔw lɛb bãw kɔ ɛ́ bʋ̀r.

A naaŋmɩn-ƴèr-manɛ Oze sɛbɛ 13:3

Lɛ so, bɛ na tɔl'a mɛ̃ biɓaara ulu a, mɛ̃ biɓaara ɓɩɛlʋ na zore a, mɛ̃ sàwr sɛsɛb-pɩl na ɓáw cen zãá nɩ a ble vab gbãgbala a. Bɛ na ɩ na mɛ̃ zʋ̀ʋ́r na yire vʋɔrɩ́ a.

A naaŋmɩn-ƴèr-manɛ Oze sɛbɛ 14:5

À ŋá n'a a Sore yere: «A Ɩsɩrayɛl na zawrɩ mɛ̃ bɛr a, ɩ̃ na sanɩ nɩ a ʋ sãwna ŋa, ɩ̃ na nɔnɛ ʋ na bɛ dɩ vuo ɩ, a ɩ̃ suur kʋ̃ cãà ìr a ʋ ƴãw ɛ.

Zowɛl 2:19

ɛ́ sɔw a bɛ puoru à ŋá: «Ɩ̃ na lɛb'a kʋ̀ nyɩ a ble, a divɛ̃ nɩ a kãá. Nyɩ na tɩ tɩw a na. Ɩ̃ kʋ̃ lɛb sàw towtow nyɩ ɩ nɩ-ɩ-laarɩ a nɩ-bʋʋr-yoru sɔgɔ ɩ.

Zowɛl 2:22

Nyɩɩm wɛ-dʋn ɩ, nyɩ ta zɔrɛ dɛ̃bɩ̃ɛ ɩ! A dɩlãpʋɔ mʋ̃ɔ lɛb'a sɔb tĩtĩ, a tɩɩr wɔnɛ na, a kãkã-tɩɩr nɩ a divɛ̃ tɩɩr wɔ̃ n zorkporo.

Levitɩ mɩnɛ 26:3

«Nyɩmɛ wa tuur a ɩ̃ wulu a, nyɩmɛ wa tɛr a ɩ̃ nɛ-ƴãwnɩ vla ɛ́ sàwr a a,

Sofoni 3:13

A Ɩsɩrayɛl nɩbɛ na cɛ a kʋ̃ cãà ɩrɛ ɩ-faar ɛ, bɛ kʋ̃ cãà ŋmarɛ ziri ɛ. Bɛlʋ ƴɛ̀rʋ kʋ̃ lɛb yi a bɛ nɛ̃ɛ́ ɩ. Bɛ na mɩ́ ɓãá nɩ ƴãw dɩrɛ ɛ́ gúre, ɛ́ nɩr bɛ damnɛ bɛ ɩ.»

A naaŋmɩn-ƴɛ̀r-manɛ Aaze sɛbɛ 1:10

Alɛ n'a so sa-bir za bɛ lo ɩ, ɛ́ bom za bɛ bul ɛ.

A naaŋmɩn-ƴɛ̀r-manɛ Aaze sɛbɛ 2:18

Nyɩ cɛlɛ be vla nyɛ̃ a ʋlɩ bom nɛ na na ɩ, a na dɛ tĩ a dɩ̃a a. A bibir ŋa bɛ na sʋ̃ɔ́ a ɩ̃ yir-kpɛ̃ɛ pɛr a, ɩ n a cuwr piwaɩ sob bibie lɩzɛr'ɩ anaar sob, nyɩ bãwnɩ ʋ vla.

A naaŋmɩn-ƴɛ̀r-manɛ Aaze sɛbɛ 2:19

Bʋ̃-bir cãà nɩ a bowrí i? A divɛ̃ tɩɩr tɛɛ za, a kãkã-tɩɩr, nɩ a girenadɩ tɩɩr, nɩ a olivʋ tɩɩr bɛ wɔ̃ wɔm za ɩ. Ɛcɛ a na dɛ tĩ a dɩ̃a bibir a, ɩ̃ na maalɩ nyɩ na.»

Zakari 8:6

A Sore, a Kpɛnʋ-za-sob, yere na: a yel ŋa sãá nɩ a Ɩsɩrayɛl nɩbɛ na cɛ a zie mɛ̃ ʋ kʋ̃ tʋ̃ɔ́ a, ɛcɛ a mãa Sore, a Kpɛnʋ-za-sob, ɩ̃ na tʋ̃ɔ́ na yel k'ʋʋ kʋ̃ tʋ̃ɔ́ bɩɩ?

Malasɩ 3:11

Ɩ̃ na tanɩ nɩ a sãsowe bɛr, a ta lɛ 'wɔb a nyɩ bʋ̃-kʋ́ɔrɩ ɛ, a ta ɩ a nyɩ divɛ̃ tɩɩr a bɛ wɔnɛ ɩ. Mãa n'ʋ yere à à ŋá kʋ̀rɛ nyɩ, mãa, a Sore kpɛnʋ-za-sob.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

1 Korɛ̃tɩ 3:21

A na ɩ à ŋá a, nɩr za taa wa zɛwr ʋ tʋɔra nɩsaalbɛ ƴãw ɛ. Nyɩmɛ sɩrɩ so bom za:

Wulu-ayi-sob 32:2

A ɩ̃ wulu, a cire, mɛ̃ saa na waar ƴãwn tɩɩr a, a ɩ̃ ƴɛ̀rʋ, a ƴɛ̀r pàw a ziir mɛ̃ ɓɩɛlʋ na lo pàw mʋ̃ɔ a.

Wulu-ayi-sob 33:13

A Zuzɛb bʋʋrɛ ƴãw a, a Moyiir tɩ yel'a: «A Sore maal'ɩ a bɛ tẽsɔwr: a páwr'ɩ a salom ɓɩɛlʋ, nɩ a kʋ̃ɔ na bùle yire a tẽsɔw pʋ̃ɔmɩ za a.

Wulu-ayi-sob 33:28

A Ɩsɩrayɛl nɩbɛ kpɩɛr'ɩ a tẽw, bom bɛ damnɛ bɛ ɩ. A Zakɔb bidɛbr sɔwl'ɩ tẽw pʋɔ, ble nɩ divɛ̃ tɩɩr na búle a, ɓɩɛlʋ na lore a be a zũú.

Zakɩ 3:18

Bɛlɩ dem na mɩ́ ɩrɛ a ƴã-ɓaarʋ ɩb a, a ƴã-ɓaarʋ pʋɔ n'a bɛ mɩ́ bʋ̀r, ɛ́ a wɔmɛ bɛ na mɩ́ wa de a, alɛ n'ɩ a mɩnʋ.