Zakari 7:14 - A SƐB-SÕW

¹⁴ Ɩ̃ diw bɛ na yaarɩ, a nɩ-bʋʋrɛ za bɛ na bɛ tɩ bãw a sɔgɔ. A bɛ pùorí a, bɛ bɛr'ɩ tẽw na sãw ʋ za a. Nɩr za bɛ tɩ cere a be ɩ, ɛ́ nɩr za bɛ tɩ yire a be waar ɛ. A bɛ tẽw na tɩ ɩ tẽ-nʋ̃ɔ̀ a, bɛ ɩ na ʋ lɩɛbɩ wɛja-kpalɛ.»

Zakari 7:14 ပူးပေါင်းရင်းမြစ်များ

2 Bibie za yel-manɩ 36:21

À ŋá n'a a ƴɛ̀rʋ a Sore na tɩ ƴãw a ʋ ƴɛ̀r-manɛ Zeremi ƴɛ̀r a tɩ tu: «Bɛ na zawr'ɩ a tẽw bɛr tɩ maalɩ yome lɩz'a ata nɩ pie, ɛ́ gù a ʋ pɩ̃ɛnʋ daar tɩ baarɩ. A yome á ŋá na lɩɛr'ɩ a pɩ̃ɛnʋ voru al za bɛ na bɛ tu a.»

Sɛb-sõw yielu 58:9

Bɛ ɩ mɛ̃ a wel na mɩ́ vure ɛ́ bɛrɛ kʋ̃ɔ-saalʋ tɩ kpi n a, mɛ̃ a bi-cur-bɛra a, bɛ ta nyɛ̃ a mʋ̃tɔ̃w cãà ɛ.

Ɩzayi 17:13

A nɩ-bʋʋrɛ damnʋ ɩ na mɛ̃ a kʋ̃ɔ-bɛrɛ damnʋ a. Ɛcɛ a Sore tanɛ bɛ na bɛ zɔrɛ zãánɛ. Bɛ diw bɛ na mɛ̃ ùr tan pʋɔ sɛsɛb na diw a, mɛ̃ pupun bie sɛsɛb-pɩl na ɓáw cen nɩ a.

Ɩzayi 21:1

Ƴɛ̀rʋ na ƴɛ̀r a «Wɛja-kpalɛ na pɩɛlɩ a kʋ̃ɔ-kpɛ̃ɛ a» ƴãw a. Mɛ̃ a lɛ a sɛsɛb-pɩlɛ na mɩ́ fu n fãw tɔl a Negɛɛvʋ tẽw a, a dɔ̃ sob yi n a wɛja-kpalɛ pʋɔ waar, tẽw na ɩrɛ dɛ̃bɩ̃ɛ a.

Ɩzayi 60:15

A nɩbɛ tɩ zawrɩ fʋ na bɛr, bɛ bɛ tɩ nɔnɛ fʋ ɛ, ɛ́ nɩr za bɛ tɩ tuur yire a fʋ zie ɩ. Ƴɛrɛŋa a, ɩ̃ na maalɩ fʋ na fʋ vɩɛl kʋralɛ, mɩ́ ƴãw a nɩbɛ cɩlɛ yome yome za.

Ɩzayi 66:15

A Sore sɩrɩ n'ɩ ŋan: vũu pʋɔ n'a ʋ waar, a ʋ zɛbr-torkori ɩ na mɛ̃ sɛsɛb-pɩl a. Ʋ waar'a k'ʋʋ wa wul a ʋ suur na bɛ tɛr dɩ̃ɛnʋ a, ɛ́ fuw a nɩbɛ nɩ vũu-zɛlɛ.

Zeremi 12:10

Dʋ̃-cɩ̃ɩnbɛ yaga sãw nɩ a ɩ̃ divɛ̃ tɩɩr púo bɛr, bɛ nɛb nɛb'ɩ a ɩ̃ púo nɩ gbɛ́ɛ, ɩ a po-vla ŋa lɩɛbɩ zi-kpalɛ na ɩrɛ nɩbaalʋ a.

Zeremi 23:19

A Sore saa-sɛsɛb tarɛ na, a ʋ suur ìre na. Sɛsɛb-pɩl kãw lɩɛbɛ na, ʋ lore nɩ a nɩ-faar zurú.

Zeremi 30:23

A Sore saa-sɛsɛb tarɛ na, a ʋ suur ìr'a. Sɛsɛb na fure lɩɛbɛ nɩ fãw a lo n a nɩ-faar zurú.

Zeremi 36:19

Lɛ n'a a tõ-tõ-bi-bɛrɛ tɩ yel a Barukɩ: «Cen tɩ sɔwlɩ, a Zeremi mɩ̀ a lɛ. Nɩr za, ʋ ta bãw a nyɩ beba zie ɩ.»

Zeremi 44:6

Lɛ n'a a ɩ̃ suur, a ɩ̃ su-yãyaar tɩ ìr mɛ̃ vũu a, dɩ a Zuda tẽ-bɛrɛ nɩ a Zerizalɛm tẽw sɛ́ɛ. A lɩɛb'ɩ ziir nɩr na bɛ cãà kpɩɛr a, mɛ̃ a lɛ bɛ na na tʋ̃ɔ́ nyɛ̃ a dɩ̃a a.”»

Zeremi 5:15

A Sore yere na: Ɩsɩrayɛl nɩbɛ ɛ, ɩ̃ na ɩ na nɩ-bʋʋr-yoru na yi zi-zãána a wa a nyɩ ƴãw. Nɩ-bʋʋrɛ nɩr na kʋ̃ tʋ̃ɔ́ zɛb tʋ̃ɔ́ a nɛbɛ, nɩ-bʋʋrɛ na be koro kãw za a, nɩ-bʋʋrɛ nyɩ na bɛ wone a ƴɛ̀rʋ, ɛ́ bɛ mɩ́ bãw a ƴɛ̀r-bie pɛr a nɛbɛ.

Zeremi 52:30

A ʋ yome lɩzɛr'ɩ ata sob daar a, a sojarɩ na gùre a nãà a nɩ-kpɛ̃ɛ, Nebuzaradan, tɩ lɛb'a ƴãw bɛ diw a Zuda tẽw nɩbɛ kɔbr ayopõi dɔwlɩ lɩz'a ayi nɩ anũu (745) cen nɩ. Bɛ za ɓã taa ɩ nɩbɛ túr anaar dɔwlɩ kɔbr ayʋɔb (4 600).

Ezekɩɛl 12:19

Fʋ na yel'ɩ a tẽw nɩbɛ: “A Sore Naaŋmɩn ƴɛ̀rʋ n'ɩ ŋá: A Zerizalɛm nɩbɛ na kpɩɛr a Ɩsɩrayɛl tẽw a na dɩrɛ na ɛ́ nyúur pʋl-vʋ̃ɔ nɩ kpɩɛrʋ pʋɔ. Bʋ̃ʋ n'ʋ vɛ̃, bɛ na sãw nɩ a bɛ tẽw bɛr, a bɛlɩ dem na kpɩɛr a ʋ pʋɔ a na paalɩ ʋ nɩ po-to-fãw-ɩb tɛwr a ƴãw.

Ezekɩɛl 22:15

Ɩ̃ na diw nyɩ na yaarɩ nɩ-bʋʋr-yoru nɩ tẽ-yoru pʋɔ. Ɩ̃ na ɩ na a nyɩ ɩ-dɛgɛ za nʋɔr kʋ.

Ezekɩɛl 5:10

A tẽ-kpɛ̃ɛ pʋɔ a, a dɔwrbɛ na 'wɔbr'ɩ a bɛ bibiir, ɛ́ a bibiir 'wɔbr a bɛ dɔwrbɛ. Ɩ̃ na dɔwrɩ nyɩ na ɛ́ diw a bɛl na na cãà vʋʋrɛ a yaarɩ a ziir za.

A naaŋmɩn-ƴèr-manɛ Oze sɛbɛ 9:17

A ɩ̃ Naaŋmɩn na zawrɩ bɛ na bɛr, bɛ na bɛ bɛr wõ ʋ a ƴãw. Lɛ n'a bɛ na bɔrɛ yʋ̀ɔr a nɩ-bʋʋr-yoru pʋɔ.

Zowɛl 2:3

A sãsowe niŋé a, vũu nyɔw na dɩrɛ, ɛ́ a sãsowe pùorí a ɩ vũu-zɛlɛ na dɩrɛ pelempelem a. A na bɛ tɩ tɔl sɛr a, a tẽw tɩ ɩ na mɛ̃ Edɛn tẽw zaadɛ̃ a, ɛ́ a na wa tɔl baarɩ a, ʋ ɩ n wɛja-kpalɛ faa faa. A bɛ jɩɩrɩ bom za bɛr ɛ.

Levitɩ mɩnɛ 26:22

Ɩ̃ na ƴãw na wɛ-dʋn wa a nyɩ ƴãw, wa kʋ a nyɩ bibiir, kʋ a nyɩ dʋn pàw pɛr, ɛ́ baarɩ nyɩ, bɛ bɛ mɩ́ cãà nyɛ̃ nɩr sɔ́r zu ɛ.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Amɔsɩ 1:14

ɩ̃ na ƴãw nɩ vũu a Araba tẽw, ʋʋ na dɩ n a ʋ yir-vɩɛlɩ vɩɛlɩ za, zɛbr bibir zɛbr cɛlsɩ pʋɔ nɩ saa-sɛsɛb pʋɔ.

Nahum 1:3

A Sore suur bɛ páwr ɛ, ɛ́ a ʋ kpɛnʋ bɛ dɩ vuo ɩ, ɛcɛ ʋ bɛ bɛrɛ a sãwna sob dɔwrʋ ɛ. Ʋlɛ wa tɔlɛ a, saa sɛsɛb-kpɛ̃ɛ mɩ́ cɛ̀r a. Zũzuwe n'ɩ a uuru a ʋ gbɛ́ɛ na ɩrɛ a ìre a.

Habakukɩ 3:14

A bɛ pime n'a fʋ mɩ́ lɛb ŋmɛlɩ puo nɩ a dɔ̃ dem nɩ-bɛrɛ zuru. Bɛ tɩ dãwnɛ nɩ taa waar mɛ̃ saa-sɛsɛb a, kɛ́ bɛ wa diw tɩ yaarɩ. Bɛ ŋmɩɛr'ɩ nʋ̃ɔ̀ cɛlsɩ a ɩ mɛ̃ bɛ sɔwl'a tĩ kʋrɛ a nɩbɛ bɛ na zɛb tʋ̃ɔ́ a.

Sofoni 3:6

A Sore yere na: «Ɩ̃ ɩ na nɩ-bʋʋrɛ bɛ cãà be ɩ, a zɛbr-yir-kpɛn na piw bɛ tɛr a, ɩ̃ da a na lɔb, ɩ̃ ɩ na a bɛ sɛ́ɛ gã zawlɛ: nɩr za bɛ tuur tɔlɛ ɩ! A bɛ tẽ-bɛrɛ ŋmɛr ŋmɛr'a gã: nɩr za bɛ cãà kpɩɛr a ɩ.

Zakari 2:6

Ɩ̃ tɩ sowr'ʋ na: «Nyɩnɛ na fʋ cere?» Ʋ sɔw mɛ̃: «Zerizalɛm'a, k'ɩ̃ɩ tɩ manɩ a ʋ wogo nɩ a ʋ yɛ̀lʋ.»

Zakari 8:1

A Sore, a Kpɛnʋ-za-sob, tɩ ƴɛ̀r'ɩ ƴɛ̀rʋ ŋa kʋ̀ m:

Zakari 9:14

A Sore na sãá nɩ a ʋ nɩ-bʋʋrɛ zu-sɔw. A ʋ pĩi na cen na mɛ̃ saa na nyɩwrɩ a. A Sore Naaŋmɩn na pɛbl'ɩ a wɩ́ɛ, ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.

Wulu-ayi-sob 4:27

A Sore na diw nyɩ na yaarɩ a nɩ-bʋʋr-yoru pʋɔ. Nɩbɛ blãlɛ tɛwr'a na cɛ a nyɩ pʋɔ, a ten al pʋɔ ʋ na na diw nyɩ cen nɩ a gbãgbaalʋ pʋɔ a.