Zakari 7:13 - A SƐB-SÕW

¹³ ɛ́ yel: «Bɛ na zawrɩ na bɛr wõ m a lɛn daar ɩ̃ na tɩ yel kɛ́ bɛ sàw a nʋɔr a, ɩ̃ mɩ̀ tɩ zawr'a na sɔw bɛ, a lɛn daar bɛ na tɩ yel k'ɩ̃ɩ faa bɛ a.

Zakari 7:13 ပူးပေါင်းရင်းမြစ်များ

Zʋkpaɩ 21:13

Nɩr wa fur a ʋ tobe a lɛn daar a bãbàal na kone bʋɔlɛ a, ʋ mɩ̀ kʋ̃ páw sɔwfʋ a lɛn daar ʋlɛ mɩ́ wa bʋɔlɛ a ɩ.

Zʋkpaɩ 28:9

Nɩr na fùr a ʋ tobe a wulu bɛr-wob ƴãw a, a ʋ puoru tɔr za ɩ n bʋ̃-faa na bɛ maal'ɩ wob a.

Ɩzayi 1:15

Nyɩ na mɩ́ wa yɛ́r a nuru a puoru ƴãw a, ɩ̃ mɩ́ pàw nɩ a ɩ̃ mimie. Nyɩmɛ saa nɔnɛ nyɩɩm puore suwle taa, ɩ̃ bɛ bɛrɛ wone ɩ: a nyɩ nuru ɩ n zɩ̃ɩ tɛwr.

Ɩzayi 50:2

Bʋ̃ʋ n'ʋ so ɩ̃ wa bɛ nyɛ̃ nɩr za? Bʋ̃ʋ n'ʋ so ɩ̃ bʋɔlɩ nɩr bɛ sɔw? A ɩ̃ kpãkpãw nɔ̃w ɩ n ŋmãa zuo a nyɩ faafʋ ƴãw bɩɩ? Ɩ̃ nɔ̃w bɛ tɛr fãw na ɩ nyɩ so nyɩ tʋɔra bɩɩ? Ɩ̃ mɩ́ tanɩ nɩ tanʋ tɛwr ɩ a kʋ̃ɔ-kpɛ̃ɛ ʋ ko, ɛ́ ɩ a mamɛ a lɩɛbɩ wɛja-kpalɩ. Lɛ n'a a kʋ̃ɔ na bɛ mɩ́ ka be a, a zʋ́mɛ́ mɩ́ kpi kʋ̃ɔ-nyúur pʋ̃ɔ́.

Zeremi 11:10

Bɛ lɛb'a lo a bɛ sãàkʋm-kore na tɩ zawrɩ na bɛr wõ a ɩ̃ ƴɛ̀rʋ a yel-bebe pʋɔ. Bɛ tu n ŋmɩn-yoru pùor maalɛ a. A Ɩsɩrayɛl nɩbɛ nɩ a Zuda nɩbɛ sãw nɩ a wõ-taa ɩ̃ na tɩ maal'ɩ a bɛ sãàkʋm-kore a bɛr.

Zeremi 11:11

À na ɩ à ŋá a, à ŋá n'a a Sore yere: Ɩ̃ na ɩ na faa bɛ na kʋ̃ tʋ̃ɔ́ yi a ʋ pʋɔ a wa a bɛ zu. Bɛ na kõ na bʋɔlɩ mɛ̃, ɩ̃ɩ kʋ̃ bɛr wõ bɛ ɩ.

Zeremi 11:14

Ɛ́ a fʋ̃ʋ Zeremi a, taa zɛlɛ bom kãw za a nɩbɛ bɛ ŋa ƴãw ɛ, taa ɩrɛ kɛ̀ puoru bɩɩ yãayãa zɛlʋ kãw za dúor waar a ɩ̃ zie a bɛ ƴãw ɛ. Bʋ̃ʋ n'ʋ vɛ̃, ɩ̃ kʋ̃ bɛr wõ bɛ a lɛn daar bɛ nãà wa be a bɛ kpɩɛrʋ pʋɔ ɛ́ bʋɔlɛ mɛ̃ a ɩ.»

Zeremi 14:12

Bɛlɛ saa tɛr mʋta-tuo a, ɩ̃ kʋ̃ bɛr wõ a bɛ yãayãa zɛlʋ ɛ. Bɛlɛ saa maalɩ nyɩw-a-za-bagɛ, tɩr'ɩ de-kʋ̀b bome kʋ̀ m a, à á ŋá za kʋ̃ pɛlɩ a ɩ̃ pʋɔ ɩ. Ɛcɛ zɛbr, kɔ̃ nɩ jɛ̀lmɛ̃ bàalʋ n'a ɩ̃ na kʋ n bɛ pàw pɛr.»

Zeremi 14:2

«A Zuda nɩbɛ be n wahala pʋɔ, a ʋ tẽ-bɛrɛ fãw siwre na. Bɛ be n pʋ-sãwna kpɛ̃ɛ pʋɔ, bɛ zɩ̃ n tẽw, a Zerizalɛm cɛlsɩ dúor'ɩ saa.

Zeremi 7:27

A fʋ̃ʋ Zeremi, fʋ na tɩ yel'ɩ à á ŋá za kʋ̀ bɛ, ɛ́ bɛ kʋ̃ bɛr wõ ɩ. Fʋ na tɩ bʋɔlɩ bɛ na, ɛ́ bɛ kʋ̃ sàw ɛ.

A Lãw-mʋɔlɛ 3:44

Fʋ sɔwlɩ nɩ zũzuwr pʋɔ, k'aa tɩ puoru ta ta b ɛ.

Ezekɩɛl 14:3

«Fʋ̃ʋ nɩsaal bie e, bɛrɛ wone! A nɩbɛ bɛ ŋa ƴãw nɩ a bɛ ŋmɩn-bɛlɛbɛlɛ a bɛ socir pʋɔ. Bɛ bɔbr'ɩ kʋralɛ a bom nɛ na mɩ́ ɩ bɛ lo a yel-bier pʋɔ a. Ɩ̃ na bɛr'a bɛ tɛr sowru a ɩ̃ zie e?

Ezekɩɛl 20:3

«A fʋ̃ʋ, nɩsaal bie, ƴɛ̀r a ƴɛ̀rʋ ŋa kʋ̀ a Ɩsɩrayɛl nɩ-kore a ɩ̃ yúor ƴãw: Nyɩ wa na kɛ́ nyɩ wa bãw a bom nɛ ɩ̃ na bɔbr a! Lɛ bɛ n'a ɩ? A na ɩ lɛ a, ɩ̃ pɔ n nɩ a ɩ̃ nyɔ-vʋʋrʋ, ɩ̃ kʋ̃ sàw nyɩ tɛr sowru a ɩ̃ zie ɩ, a mãa Sore Naaŋmɩn n'ʋ yel!

Ezekɩɛl 8:18

A mãa mɩ̀ a, ɩ̃ mɩ̀ na ɩrɛ na nɩ su-tʋlʋ kpãkpã. Ɩ̃ kʋ̃ tɛr'ɩ bɛ mimi-baalʋ ɛ, ɩ̃ kʋ̃ zɔ nɩbaalʋ ɛ. Bɛlɛ saa cɩɩrɛ bʋɔlɛ mɛ̃ a, ɩ̃ kʋ̃ bɛr wõ bɛ ɩ.»

Mise 3:4

Lɛ so, bɛlɛ wa kone bʋɔlɛ a Sore a, ʋ kʋ̃ sɔw bɛ ɩ, ʋ kʋ̃ ŋmɛlɩ kaa bɛ a lɛn daar ɛ, a yel-faar bɛ na maalɩ a ƴãw.

Luka 13:25

«A yir sob wa ìr pàw a pan baar'a, nyɩmɛ wa be a yẽw ɛ́ kpàwrɛ a pan yere nɩ: “Sore e, yuo tɩ”, ʋ na sɔw nyɩ na: “Ɩ̃ bɛ bãw nyɩ yib zie ɩ.”

Zakɩ 4:3

Nyɩ mɩ́ zɛlɩ na ɛ́ bɛ páw ɛ, a nyɩ tɩɛrʋ na bɛ vɩɛl a ƴãw: nyɩ na mɩ́ zɛlɛ a nyɩ nʋ̃ɔ̀ wob tɛwr ƴãw a.