Zakari 7:12 - A SƐB-SÕW

¹² Bɛ ɩ na a bɛ socie a kpawlɩ mɛ̃ kʋsɛ-nyɩla kãw bɛ na bʋɔlɛ dɩamã a. A Sore, a Kpɛnʋ-za-sob wulu nɩ a ʋ ƴɛ̀rʋ, a ʋ Vʋʋrʋ na tɩ ƴãw a koro za ƴɛ̀r-manbɛ yel kʋ̀ bɛ a, bɛ bɛ tɩ sàw de ɩ. Lɛ n'a a Sore, a Kpɛnʋ-za-sob, tɩ nyɛ̃ suur bɛ dɩ vuo ɩ,

Zakari 7:12 ပူးပေါင်းရင်းမြစ်များ

2 Bibie za yel-manɩ 36:13

Ʋ mɔ̃ mɩ̀ wa ìr'a gaarɩ a Nabikodonozɔɔr zu, ʋl na tɩ ƴãw ʋ kõ nʋɔr a Sore yúor ƴãw a. Ʋ tɩ kpãa nɩ tobr zawrɩ a Sore, a Ɩsɩrayɛl Naaŋmɩn zie lɛb waa kʋra kʋra.

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

A Zɔb sɛbɛ 9:4

Yã-bãwfʋ za nãà nɩ fãw za sob, ãa n'ʋ ga bawr a ʋ zu ɛ́ bɛ nyɛ̃ a?

Sɛb-sõw yielu 50:17

fʋ̃ʋ na bɛ bɔbr kɛ́ bɛ wule fʋ, ɛ́ mɩ́ de a ɩ̃ ƴɛ̀rʋ sɔ kpaar a?

Eziptɩ tẽw yib 7:13

A na saa ɩ à à ŋá a, a Faarawɔ̃ tɩ cãà na kpãa tobr, bɛ bɛr wõ a Moyiir nɩ a Aarɔ̃ ƴɛ̀rʋ ɛ, mɛ̃ a lɛ a Sore na tɩ yel a.

Ɩzayi 46:12

Nyɩ bɛrɛ wone a ɩ̃ ƴɛ̀rʋ, nyɩɩm zu-kpɛn dem i, nyɩɩm na zãá nɩ a mɩnʋ a!

Ɩzayi 48:4

Ɩ̃ bãw nyɩ na nyɩ ɩ nɩ-bʋʋr-gaarɩ. Nyɩ bɛ wone ƴɛ̀rʋ ɛ, ɛ́ a nyɩ zuru kpɛmɛ.

Ɩzayi 6:10

Ɩ a nɩ-bʋʋrɛ bɛ ŋa socie a kpawlɩ, ɩ a bɛ tobe a wõw, ɛ́ a bɛ mimie zɔ̃w. Ta sàw a bɛ mimie nyɛrɛ ɩ, a bɛ tobe wone ɩ, a bɛ socie bãw a pɛr ɛ. Bɛ ta tʋ̃ɔ́ lɩɛbɩ a bɛ ɩb, ɛ́ sanɩ ɛ.»

Ɩzayi 65:12

A na ɩ à ŋá a, ɩ̃ na bɛr nyɩ na kʋ̀ a nyɩ dɔ̃ dem. Nyɩ na gbĩ n dume bɛ ŋmaarɩ nyɩ a kɔkɛɛ. Bʋ̃ʋ n'ʋ vɛ̃, ɩ̃ bʋɔl'a, ɛ́ nyɩ bɛ sɔw ɛ. Ɩ̃ ƴɛ̀r'a, ɛ́ nyɩ bɛ bɛr wõ ɩ. Nyɩ ɩ n a lɛ na bɛ vɩɛl a a ɩ̃ zie, nyɩ kaa na ír a bom nɛ na bɛ pɛlɩ a ɩ̃ pʋɔ a.

Zeremi 17:1

«A Zuda nɩbɛ sãwna sɛb'a nɩ kur-nɔ-cɩlʋ bɩɩ kʋsɛ-bi-nyɩla kãw bɛ na bʋɔlɛ dɩamã a nɔ-cɩlʋ. Ʋ sɛb'ɩ a bɛ socie pʋɔ nɩ a bɛ bàwr-maal-kube ɩ́lɛ́ zu.

Zeremi 17:23

Bɛl a, bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tãa nɩ kpaar, bɛ bɛ tɩ bɔbr kɛ́ bɛ bɛr wõ ɛ́ de a wulu ɛ.

Zeremi 26:19

A Zuda tẽw nãà Ezekɩasɩ nɩ a ʋ nɩbɛ tɩ kʋ n a Mise bɩɩ? Bɛ nɩ̃ɛ bɛ tɩ tɛr ƴãwfʋ a Sore zie, ɛ́ bɔbr kɛ́ bɛ ɩrɛ a pɛlɩ a ʋ pʋɔ ɩ? Lɛ n'a a Sore tɩ lɛb bɛr a kpɩɛrʋ ʋ na tɩ yel a bɛ ƴãw a. Ɛcɛ a tɩɩm a, tɩmɛ wa ƴãw a nɩr ŋa a kũu dɔwrʋ a, tɩmɛ nɛbɛ na mal tɩ mɩŋa yaga za.»

Zeremi 42:21

Dɩ̃a a, ɩ̃ yel'ɩ a Sore tɩ Naaŋmɩn sɔwfʋ kʋ̀ nyɩ. Ɛcɛ nyɩ bɛ bɛrɛ wone bom kãw za a Sore na tõ m k'ɩ̃ɩ yel kʋ̀ nyɩ a ɩ.

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Ezekɩɛl 11:19

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ tɩɛr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Ezekɩɛl 14:5

A ɩ̃ sɔwfʋ na dam'ɩ a Ɩsɩrayɛl nɩbɛ yaga, bɛl na jɛ m bɛr a bɛ ŋmɩn-bɛlɛbɛlɛ nɔ̃wfʋ zũú a.

Ezekɩɛl 2:4

Ɩ̃ tone fʋ nɩ a zu-kpɛn dem bɛ ŋa na tɛr soci-kpawlɩ a zie. Tɩ yel à ŋá kʋ̀ bɛ: “À ŋá n'a a Sore Naaŋmɩn ƴɛ̀rɛ.”

Ezekɩɛl 36:26

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ vʋʋr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Zakari 1:2

A Sore tɩ ƴãw na k'ʋʋ yel a Ɩsɩrayɛl nɩbɛ: «A mãa Sore, ɩ̃ nyɛ̃ nɩ nɩ a nyɩ sãàkʋm-kore suur tɩ pi kɔkɛɛ. Ɛcɛ nyɩ lɛb wa a ɩ̃ zie, a mãa Sore Kpɛnʋ-za-sob, ɩ̃ɩ na lɛb'a wa a nyɩ zie, mãa n'ʋ yere.

Zakari 7:7

A dãwdãw za a, a Naaŋmɩn tɩ ƴãw na a ƴɛ̀r-manbɛ ƴɛ̀r a ƴɛ̀rʋ á ŋá taabɛ. A lɛn daar a, a Zerizalɛm tẽw dem nɩ a tẽ-bɛrɛ na jil koli ʋ a nɩbɛ tɩ tɛr'ɩ ƴã-ɓaarʋ, ɛ́ nɩbɛ kpɩɛr a Negɛɛvʋ nɩ a Ba-Peyi vuo pʋɔ.

Matie 13:15

A nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie, kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ alɛ bɛ ɩ lɛ, ɩ̃ nãà sanɩ bɛ na.”

Markɩ 4:12

kɛ́ bɛ mɩ́ jɩ́rɛ ɛ́ ta nyɛ̃ bom ɛ, kɛ́ bɛ mɩ́ wone ɛ́ ta bãw a pɛr ɛ, bɛ nãà mab'a lɩɛbɩ a bɛ ɩb ɛ̀ Naaŋmɩn dɩ a bɛ yel-bebe suur kʋ̀ bɛ.»

Luka 8:12

Nɩbɛ bɛ mɩnɛ ŋmɛ̃ na taa nɩ a bʋ̃-bie al na lo a sɔ́r nʋɔr a: bɛ mɩ́ wõ n a Naaŋmɩn ƴɛ̀rʋ, ɛ́ a Gɛgɛra wa faa a ƴɛ̀rʋ a bɛ socie pʋɔ kɛ́ bɛ taa wa mab sàw de, nyɛ̃ a faafʋ ɛ.

Nɩ-toni 28:27

Bʋ̃ʋ n'ʋ vɛ̃, a nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ, alɛ bɛ ɩ lɛ, ɩ̃ nãà sanɩ bɛ na.”

2 Pɩɛr 1:21

Bʋ̃ʋ n'ʋ vɛ̃, naaŋmɩn-ƴɛ̀r-manɛ ƴɛ̀rʋ kãw za bɛ dãw yi nɩsaal yõ na bɔbr a zie ɩ, Vʋʋrʋ Sõw n'ʋ tɩ ƴãw nɩbɛ ƴɛ̀r a Naaŋmɩn yúor ƴãw.