Zakari 7:11 - A SƐB-SÕW

¹¹ Ɛcɛ a nɩbɛ zawr'ɩ a bɛr-wob: bɛ gùr'ɩ pùor cɔw, ɛ́ fùr a bɛ tobe, kɛ́ bɛ ta wõ bom ɛ.

Zakari 7:11 ပူးပေါင်းရင်းမြစ်များ

2 Bibie za yel-manɩ 33:10

A Sore tɩ ƴɛ̀r'ɩ a Manase nɩ a ʋ nɩ-bʋʋrɛ zie, ɛcɛ nɩr za bɛ tɩ cɛlɩ be ɩ.

Neemi 9:17

Bɛ zawr'ɩ a nʋɔr-sàwfʋ, bɛ yiir'ɩ a nɔ-ɓãa-yele fʋ na maalɩ a bɛ ƴãw a. Bɛ kpãa nɩ tobr, ɛ́ yel kɛ́ bɛ na lɛb'a cen a Eziptɩ tẽw a bɛ gbãgbaalʋ pʋɔ. Ɛcɛ, fʋ̃ʋ a, fʋ bɛ tɩ jɛ bɛ bɛr ɛ, fʋ na ɩ Naaŋmɩn na dɩrɛ suur a ƴãw, Naaŋmɩn-vla na zɔrɛ nɩbaalʋ a, a suur na bɛ pawr, ɛ́ fʋ ɩ nɔ̃wfʋ tɛwr a.

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Neemi 9:29

Fʋ zɛlɩ bɛ na kɛ́ bɛ lɛb tuur a fʋ wulu, ɛcɛ a bɛ pɔ̀lʋ zũú a, bɛ bɛ bɛr wõ a fʋ nɛ-ƴãwnɩ ɛ. Bɛ zawr'ɩ a tub fʋ na ƴãw kʋ̀ bɛ a bɛr, ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na tuur a a. Bɛ kpãa nɩ tobr ɛ́ gaarɩ, bɛ bɛ bɛr wõ b towtow ɛ.

Eziptɩ tẽw yib 10:3

A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

Ɩzayi 28:12

Ɛcɛ ʋ nɩ̃ɛ na tɩ yel bɛ à ŋá: «A ka a, nyɩ na nyɛ̃ nɩ pɩ̃ɛnʋ. Nyɩ bɛr a sob nɛ na bàl a ʋ pɩ̃ɛnɩ. Zie na ɩ zoom a n'ɩ a zie ŋa.» Ɛcɛ bɛ bɛ sàw bɛr wõ ɩ.

Ɩzayi 46:12

Nyɩ bɛrɛ wone a ɩ̃ ƴɛ̀rʋ, nyɩɩm zu-kpɛn dem i, nyɩɩm na zãá nɩ a mɩnʋ a!

Ɩzayi 6:10

Ɩ a nɩ-bʋʋrɛ bɛ ŋa socie a kpawlɩ, ɩ a bɛ tobe a wõw, ɛ́ a bɛ mimie zɔ̃w. Ta sàw a bɛ mimie nyɛrɛ ɩ, a bɛ tobe wone ɩ, a bɛ socie bãw a pɛr ɛ. Bɛ ta tʋ̃ɔ́ lɩɛbɩ a bɛ ɩb, ɛ́ sanɩ ɛ.»

Ɩzayi 65:12

A na ɩ à ŋá a, ɩ̃ na bɛr nyɩ na kʋ̀ a nyɩ dɔ̃ dem. Nyɩ na gbĩ n dume bɛ ŋmaarɩ nyɩ a kɔkɛɛ. Bʋ̃ʋ n'ʋ vɛ̃, ɩ̃ bʋɔl'a, ɛ́ nyɩ bɛ sɔw ɛ. Ɩ̃ ƴɛ̀r'a, ɛ́ nyɩ bɛ bɛr wõ ɩ. Nyɩ ɩ n a lɛ na bɛ vɩɛl a a ɩ̃ zie, nyɩ kaa na ír a bom nɛ na bɛ pɛlɩ a ɩ̃ pʋɔ a.

Zeremi 11:10

Bɛ lɛb'a lo a bɛ sãàkʋm-kore na tɩ zawrɩ na bɛr wõ a ɩ̃ ƴɛ̀rʋ a yel-bebe pʋɔ. Bɛ tu n ŋmɩn-yoru pùor maalɛ a. A Ɩsɩrayɛl nɩbɛ nɩ a Zuda nɩbɛ sãw nɩ a wõ-taa ɩ̃ na tɩ maal'ɩ a bɛ sãàkʋm-kore a bɛr.

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 17:23

Bɛl a, bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tãa nɩ kpaar, bɛ bɛ tɩ bɔbr kɛ́ bɛ bɛr wõ ɛ́ de a wulu ɛ.

Zeremi 17:27

Ɛcɛ nyɩmɛ bɛ wa bɛr wõ m a, nyɩmɛ bɛ wa sàw de a pɩ̃ɛnʋ-bibir kʋ̀ m ʋ ɩ a ɩ̃ bibir a, nyɩmɛ wa tuore tuor yire nɩ a Zerizalɛm dɩ̃dɛɛ ƴãw a pɩ̃ɛnʋ-bibir a, ɩ̃ na ƴãw nɩ vũu a tẽ-kpɛ̃ɛ ŋa. A vũu na dɩ n a ʋ yir-vɩɛlɩ vɩɛlɩ ɛ́ kʋ̃ kpiiri ɛ.»

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 36:31

Ɩ̃ na ìr'ɩ a ʋl, a ʋ bʋʋrɛ, nɩ a ʋ tõ-tõ-biir ƴãw, a bɛ sãwna zũú. Ɩ̃ na ɩ n a faa al za ƴɛ̀rʋ ɩ̃ na tɩ ƴɛ̀r a bɛ zie, ɛ́ bɛ bɛ bɛr wõ a, a wa a bɛl, a Zerizalɛm tẽw dem nɩ a Zuda tẽw dem zu.”»

Zeremi 42:21

Dɩ̃a a, ɩ̃ yel'ɩ a Sore tɩ Naaŋmɩn sɔwfʋ kʋ̀ nyɩ. Ɛcɛ nyɩ bɛ bɛrɛ wone bom kãw za a Sore na tõ m k'ɩ̃ɩ yel kʋ̀ nyɩ a ɩ.

Zeremi 44:16

«Fʋ na saa yel k'aa Sore yúor ƴãw n'a fʋ ƴɛ̀rɛ a tɩ zie a, tɩ bɛ bɛrɛ wone a fʋ ƴɛ̀rʋ ɛ.

Zeremi 5:21

Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Zeremi 7:24

Ɛcɛ bɛ bɛ bɛr wõ ɩ, bɛ bɛ cɛlɩ be ɩ, bɛ ɩ n lɛ bɛ na nɔnɛ a, a bɛ zu-kpɛ̃w-faa faa pʋɔ. Bɛ nãá lɩɛbɩ a bɛ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃.

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Zeremi 8:5

Ɛ́ bʋ̃ʋ n'ʋ so a Zerizalɛm nɩbɛ na tuli a sɔ́r a, cãà zawrɩ a ɩ̃ tub? A nɩbɛ bɔbr'ɩ a bɛ ŋmɩn-bɛlɛbɛlɛ á ŋá tuotuo, bɛ zawr'a na lɛb wa a ɩ̃ zie.

Ezekɩɛl 14:5

A ɩ̃ sɔwfʋ na dam'ɩ a Ɩsɩrayɛl nɩbɛ yaga, bɛl na jɛ m bɛr a bɛ ŋmɩn-bɛlɛbɛlɛ nɔ̃wfʋ zũú a.

Ezekɩɛl 3:7

Ɛcɛ a Ɩsɩrayɛl nɩbɛ bɛl a, bɛ kʋ̃ bɔbr kɛ́ bɛ bɛr wo b ɛ, bʋ̃ʋ n'ʋ vɛ̃, bɛ bɛ bɔbr a ɩ̃ bɛr-wob ɛ. Sɩza n'a, bɛ ko n zuru ɛ́ kpawlɩ socie.

Ezekɩɛl 5:6

A ʋ kpɩɛrbɛ zawr'ɩ a tub nɩ a wulu ɩ̃ na tɩ kʋ̀ bɛ a. Bɛ maal'ɩ faa zuo a nɩ-bʋʋr-yoru a ten al na viiri koli bɛ a pʋɔ. Bʋ̃ʋ n'ʋ vɛ̃, bɛ zawr'ɩ a ɩ̃ tub nɩ a ɩ̃ wulu bɛr, bɛ bɛ tu a ɩ.

A naaŋmɩn-ƴèr-manɛ Oze sɛbɛ 4:16

A Ɩsɩrayɛl tɩ tõ n zu-kpɛ̃w tome mɛ̃ na-kʋ́ɔra bɛ na ƴãwnɛ dàa a nyũumɩ́ ʋ bɛ sàwr a. Bʋnʋ ƴãw n'a a Sore na kaarɛ bɛ zie mɛ̃ píir bɛ na kparɛ cere nɩ dʋn mʋ̃ɔ 'wɔbrʋ zie a?

Sofoni 3:2

Ʋ bɛ bɛr wõ a Sore bʋɔlʋ ɛ, ʋ bɛ sàw ʋ wul ʋ ɛ! Ʋ bɛ ƴãw a ʋ tɩɛrʋ a ʋ ƴãw ɛ, ʋ bɛ lɛb taw pɩɛlɩ a ʋ Naaŋmɩn ɛ.

Zakari 1:4

Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ.

Matie 13:15

A nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie, kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ alɛ bɛ ɩ lɛ, ɩ̃ nãà sanɩ bɛ na.”

Nɩ-toni 7:51

Zu-kpɛn dem n'ɩ nyɩ! A nyɩ tobe nɩ a nyɩ socie bɛ wone a Naaŋmɩn bʋɔlʋ ɛ. Nyɩ mʋɔrɩ nɩ a Vʋʋrʋ Sõw kʋralɛ. Nyɩ sɩrɩ na ŋmɛ̃ mɛ̃ a nyɩ sãàkʋm-kore a.

Nɩ-toni 7:57

A bɛlɩ dem na tɩ be a be a tɩ pàw nɩ a bɛ tobe ŋmɩɛr'ɩ cɛlsɩ. Bɛ za tɩ lãw na zɔ mɛ̃ nɩ-been a,

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.