Zakari 6:11 - A SƐB-SÕW

¹¹ Fʋ na tɩ de nɩ salm-pla nɩ salm-zɩɛ, maal'ɩ nãà-kpawʋɔ vɔblɩ a bàwr-maal-kara Zozue na ɩ Yosadakɩ bidɛb a, zũú,

Zakari 6:11 ပူးပေါင်းရင်းမြစ်များ

2 Samɩɛl 12:30

Ʋ tɩ vɔw nɩ a nãà-kpawʋɔ na tɩ vɔblɩ a Amɔ̃ tẽw dem nãà zũú a. A nãà-kpawʋɔ tɩ ɩ n salm-zɩɛ kpawʋɔ, ɛ́ a ʋ tɩbrʋ ta kilo lɩzɛr'ɩ pie, ɛ́ kʋsɛ-bi-nyɩla kãw be a ʋ zu, bɛ ír ʋ ƴãw a Daviir nãà-kpawʋɔ zu. A bome bɛ na tɩ zɛb de a, bɛ tɩ dɩ vuo ɩ, bɛ wob cen nɩ.

Ɛsɩdɩrasɩ 10:18

A bàwr-maalbɛ pʋɔ a, a bɛl na tɩ kul a nɩ-bʋʋr-yoru pɔwbɛ a tɩ n'ɩ bɛ ŋa: Yosadakɩ bidɛb Zozue nɩ a ʋ yɛbr bʋ̃-dɔwrɩ pʋɔ: Maaseya, Eliezɛɛr, Yarivʋ nɩ Gedalɩa.

Ɛsɩdɩrasɩ 3:2

A bàwr-maalɛ Zozue na ɩ Yosadakɩ bidɛb a, nɩ a ʋ yɛbr bàwr-maalbɛ, de nɩ Saltɩɛl bidɛb Zorobabɛl nɩ a ʋ yir dem, tɩ ír'a nyɔw a Ɩsɩrayɛl Naaŋmɩn bàwr-maal-kuur lɛb-mɛb, kɛ́ bɛ tʋ̃ɔ́ mɩ́ maalɩ nyɩw-a-za-bagɛ, mɛ̃ a lɛ bɛ na sɛb a Naaŋmɩn nɩr Moyiir wulu pʋɔ a.

Sɛb-sõw yielu 21:3

Fʋ kʋ̀ ʋ nɩ a ʋlɩ bom nɛ ʋ na tɩ bɔbr a, fʋ bɛ sɩb ʋ a ʋlɩ bom nɛ ʋ na tɩ zɛlɛ a fʋ zie a ɩ. Tɛw-àrʋ

Eziptɩ tẽw yib 29:6

Fʋ na vɔbl'ʋ nɩ a pɛn-kpawʋɔ ɛ́ ƴãw a nũu-ka-ƴãwfʋ bãwfʋ a kpawʋɔ ƴãw.

Eziptɩ tẽw yib 39:30

Bɛ tɩ baa na maalɩ a bãwfʋ na ɩ sõw a, a salm-zɩɛ mɩŋa mɩŋa pɩ̃ɛmɛ na ɩ mɛ̃ tɩ-puuru a, a ʋl zu bɛ na wi ƴãw “A Sore so ʋ”, mɛ̃ a lɛ bɛ na mɩ́ wi nɩr ŋmaarʋ-bʋ̃-ƴãwna a.

A Yielu za pʋɔ yiel-vla vla 3:11

«Zerizalɛm pɔwsɩrali i, nyɩ wa nyɛ̃ a nãà Salomɔ̃ a! Ʋ vɔbl'ɩ a kul-taa dɛpaal-kpawʋɔ a ʋ mã na tɩ kʋ̀ ʋ a ʋlɩ bibir a ʋ socir za na tɩ paalɩ a nʋ̃ɔ̀ a.»

Levitɩ mɩnɛ 8:9

A Moyiir tɩ de nɩ a zu-pɛn-vila vili ʋ a zu ɛ́ mɛr a kãá-cir-ƴãwfʋ bãwfʋ. Salm-zɩɛ pɩ̃ɛmɛ na ɩ mɛ̃ tɩ-puuru a n'ʋ a zu-pɛn-vila nisɔw, mɛ̃ a lɛ a Sore na ƴãw a nʋɔr kʋ̀ ʋ a.

A naaŋmɩn-ƴɛ̀r-manɛ Aaze sɛbɛ 1:1

A Daarisɩ naalʋ-dɩb yome ayi sob daar, a cuwr ayʋɔb sob bibir dãw-niwn sob, a Sore tɩ ƴɛ̀r'ɩ a ʋ ƴɛ̀r-manɛ Aze zie. Ʋ tɩ ƴãw na k'ʋʋ cen tɩ ƴɛ̀r a ʋ ƴɛ̀rʋ á ŋá kʋ̀ Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a, nɩ a bàwr-maal-kara Zozue, na ɩ Yehosadakɩ bidɛb a.

A naaŋmɩn-ƴɛ̀r-manɛ Aaze sɛbɛ 1:14

A Sore tɩ sɩ̃w nɩ a Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a tɩɛrʋ, ɛ́ sɩ̃w a Yehosadakɩ bidɛb, Zozue, tɩɛrʋ, ʋl na ɩ a bàwr-maal-kara a, ɛ́ sɩ̃w a Naaŋmɩn nɩ-bʋʋrɛ bɛl na cɛ lɛb wa a tɩɛrʋ. Bɛ tɩ nyɔw nɩ a Sore kpɛnʋ-za-sob bɛ Naaŋmɩn, yir-kpɛ̃ɛ lɛb-mɛb tome

A naaŋmɩn-ƴɛ̀r-manɛ Aaze sɛbɛ 2:4

Alɛ n'a so, a mãa, a Sore, ɩ̃ yere na kʋ̀rɛ nyɩ: Zorobabɛl ɩ, ƴãw fãw! Yehosadakɩ bidɛb Zozue e, fʋ̃ʋ na ɩ a bàwr-maal-kara a, ƴãw fãw! Nyɩɩm, a tẽw nɩbɛ za, nyɩ mɩ̀ ƴãw fãw! Nyɩ nyɔw a tome, ɩ̃ na be n a nyɩ zie, a mãa, a Sore, a Kpɛnʋ-za-sob.

Zakari 3:1

A Sore tɩ ɩ na ɩ̃ nyɛ̃ a bàwr-maal-kara Zozue, ʋ àr a Sore malkɩ niŋé. A Sɩtaana tɩ àr'ɩ a Zozue dʋrʋ lowr, k'ʋʋ yel a ʋ sãwna.

Zakari 3:5

Ʋ mɩ̀ tɩ yel'a kɛ́ bɛ de pɛn na vɩɛl a, vili a Zozue zu. Lɛ n'a bɛ tɩ vili ʋ a pɛn a zu, ɛ́ su ʋ kpar-vɩɛlɩ a malkɩ niŋé.

Zakari 6:14

“A nãà-kpawʋɔ ʋl na be n a Ŋmɩn-yir-kpɛ̃ɛ pʋɔ, k'aa nɩbɛ tɛr a Hɛldaɩ, a Toviya nɩ a Yedaya tɩɛrʋ, nɩ a vla a Sefanɩa bidɛb na maalɩ a.”»

Ebre 2:9

Yel ŋa n'ʋ tɩ nyɛ̃: bɛ siwr'ɩ a Yeezu blãlɛ ƴãw, ʋ bɛ ta a malkɩ mɩnɛ ɩ, k'aa Naaŋmɩn maalʋ zũú, ʋ́ kpi nɩsaal za ƴãw, ɛ́ tɩ nyɛ̃ ʋ nɩ ƴɛrɛŋa ʋ tɛr yúor ɛ́ nyɛrɛ ƴãwfʋ, a kũu kpɩɛrʋ ʋ na nyɛ̃ a ƴãw.

Yel-wula 19:12

A ʋ mimie tɩ ɩ na mɛ̃ vũu-'lera a, ʋʋ tɩ vɔblɩ nãà-kpawɔ-yaga a ʋ zũú. Yúor tɩ sɛb'ɩ a ʋ zu nɩr za na bɛ bãw a bɛ ɩ a ʋl yõ a ɩ.

Yel-wula 6:2

Ɩ̃ tɩ jɩ́r'a nyɛ̃ wur-pla. A ʋ zɔmnɛ tɩ tɛr'ɩ tam, ɛ́ bɛ kʋ̀ ʋ zɛb-tʋ̃ɔ́fʋ kpawʋɔ ʋ cen nɩ mɛ̃ nɩr na zɛb tʋ̃ɔ́, ɛ́ na cãà lɛb zɛb tʋ̃ɔ́ a.