Ʋ tɩ yel'a ƴãw pʋɔ: «A tã-kpɛ̃ɛ ŋa ɩ n bɩwra bɩɩ? Zorobabɛl na ɩ na ʋ lɩɛbɩ zi-tɩ̃tal. Ʋ na tuw ʋ na ír a kʋsɩɛr, a na fɛr k'ʋʋ ƴãw a Ŋmɩn-yir-kpɛ̃ɛ zu-sɔw a. Bɛ na cɩɩrɛ na: “Nyɛ̃ ʋ na vɩɛl a! Nyɛ̃ ʋ na vɩɛl a”!»
«A Zorobabɛl nuru n'a sʋ̃ɔ́ a Ŋmɩn-yir-kpɛ̃ɛ pɛr, ɛ́ na mɛ ʋ tɩ baarɩ.» A yele á ŋá za wa ta baar'a, nyɩ na bãw na k'aa Sore, a Kpɛnʋ-za-sob, sɩrɩ n'ʋ tõ m a nyɩ zie.
Nɩbɛ na yi n zi-zãána wa sõw a Sore yir-kpɛ̃ɛ lɛb-mɛb. Lɛ n'a nyɩ na bãw k'aa Sore Kpɛnʋ-za-sob sɩrɩ n'ʋ tõ m a nyɩ zie. A yele á ŋá za na ta na, nyɩmɛ wa sàwr a Sore nyɩ Naaŋmɩn nʋɔr a.
