Zakari 4:7 - A SƐB-SÕW

⁷ Ʋ tɩ yel'a ƴãw pʋɔ: «A tã-kpɛ̃ɛ ŋa ɩ n bɩwra bɩɩ? Zorobabɛl na ɩ na ʋ lɩɛbɩ zi-tɩ̃tal. Ʋ na tuw ʋ na ír a kʋsɩɛr, a na fɛr k'ʋʋ ƴãw a Ŋmɩn-yir-kpɛ̃ɛ zu-sɔw a. Bɛ na cɩɩrɛ na: “Nyɛ̃ ʋ na vɩɛl a! Nyɛ̃ ʋ na vɩɛl a”!»

Zakari 4:7 ပူးပေါင်းရင်းမြစ်များ

Ɛsɩdɩrasɩ 3:10

A yir-mɩɛrbɛ na tɩ sʋ̃ɔ́ a Sore yir-kpɛ̃ɛ pɛr baar'a, bɛ ƴãw na a bàwr-maalbɛ na su a bɛ tõ-tõ-kparɩ tɛr'ɩ wɩɩr a, bɛ taw ta, a levitɩ mɩnɛ na ɩ a Asafʋ bʋʋrɛ ɛ́ tɛr sɛ̃sɛgɛ a, mɩ̀ taw ta, kɛ́ bɛ danɩ a Sore mɛ̃ a lɛ a Ɩsɩrayɛl nãà Daviir na ƴãw a nʋɔr a.

Sɛb-sõw yielu 114:4

A tã-bɛrɛ mɩ́ tɩ ƴaw na mɛ̃ pʋ́rɩ a, ɛ́ a tãli ƴaw cɩrkar mɛ̃ péli a.

Sɛb-sõw yielu 114:6

Tã-bɛrɛ ɛ, bʋ̃ʋ n'ʋ so nyɩ mɩ́ ƴaw mɛ̃ pʋ́rɩ a, ɛ́ nyɩɩm, tãli, nyɩ mɩ́ ƴaw cɩrkar mɛ̃ péli a?

Sɛb-sõw yielu 118:22

A kʋsɩɛr a yir-mɩɛrbɛ na ír lɔb bɛr a lɩɛb'ɩ a yir pɛr kʋsɩɛr.

Sɛb-sõw yielu 84:11

Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

Ɩzayi 28:16

Ɛcɛ à ŋá n'a a Sore Naaŋmɩn yere: Ɩ̃ ƴãwnɛ nɩ yir pɛr kʋsɩɛr na kpɛmɛ kpɛmɛ a, a Sɩyɔ̃ tẽw pʋɔ, dacĩ-goraa kʋsɩɛr na vɩɛl vɩɛl a, kʋsɩɛr na be be a yir pɛr binu ƴãw a. Sob nɛ na tɩɛ a kʋsɩɛr ŋa ƴãw a bɛ lore ɩ.

Ɩzayi 41:15

Ɩ̃ na ɩ na fʋ ɩ ku-jajaa paala, a nyɩmɛ na kpɛmɛ ɛ́ ɩ cɩlsɩ a. Fʋ na ƴɛ́r'ɩ a tan ŋmɛr, ɩ k'a lɩɛbɩ tã-buulu, ɛ́ ɩ a tãli mɛ̃ a lɛ bɛ na mɩ́ ɩ a mʋ̃ɔ a.

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Zeremi 51:25

Mãa nɩ fʋ̃ʋ nɛbɛ, Babɩlɔn i, a Sore n'ʋ yel. A sãw-bɛrʋ ƴãw a, fʋ kpɛmɛ na mɛ̃ tãw a, ɛ́ fʋ sãwnɛ nɩ a tẽ-daa za! Ɩ̃ na zɛw nɩ nũu a fʋ ƴãw, ɩ̃ na ɩ na fʋ yi a pìe nyʋɔrɩ́ za bili siw, ɩ̃ na ɩ na fʋ lɩɛb'ɩ tãw na ɩ vũu a.

Mise 1:4

A tan nyɩlɛ nɩ a ʋ gbɛ́ɛ pile, ɛ́ a tan fʋɔlɩ wɛrɛ mɛ̃ sɩ-suur na mɩ́ nyɩl vũumí a, mɛ̃ kʋ̃ɔ na mɩ́ yi gbĩgbin zu gbɔlɛ siwr a.

Mise 4:1

«Daar waar'a na ta, a Ŋmɩn-yir-kpɛ̃ɛ tãw na wɩɛr tɩ àr a tan nyʋɔrɩ́, ɛ́ kɛrɩ do gãw a tãli. Lɛ n'a a nɩ-bʋʋrɛ na darɛ taa cere a ʋ zu.

Habakukɩ 3:6

Ʋlɛ wa tɛw àr a, a tẽsɔw mɩ́ gbiwre na, ʋ mɩ́ jɩ́r'ɩ a nɩ-bʋʋrɛ bɛ màwr. A tã-kore kore dam'a, a tãli-kore yʋʋr'a, al na tɩ ɩ a ʋ sɛ́ɛ a koro za ʋ tuur a.

Zakari 4:8

A Sore tɩ cãà na lɛb ƴɛ̀r ƴɛ̀rʋ ŋa kʋ̀ m:

Zakari 4:9

«A Zorobabɛl nuru n'a sʋ̃ɔ́ a Ŋmɩn-yir-kpɛ̃ɛ pɛr, ɛ́ na mɛ ʋ tɩ baarɩ.» A yele á ŋá za wa ta baar'a, nyɩ na bãw na k'aa Sore, a Kpɛnʋ-za-sob, sɩrɩ n'ʋ tõ m a nyɩ zie.

Matie 21:21

A Yeezu tɩ sɔw bɛ na: «Yel-mɩŋa sɩza, ɩ̃ yere na kʋ̀rɛ nyɩ: bibir kãw nyɩmɛ wa tɛr a naaŋmɩn-sàwfʋ ɛ́ bɛ bʋ́nɛ a, à à ŋá ɩ̃ na ɩ a kãkã-tɩɛ a, lɛ tɛwr bɛ n'a nyɩ na mɩ́ tʋ̃ɔ́ ɩ ɛ, ɛcɛ nyɩmɛ mɩ̀ saa mɩ́ yel a tãw ŋa: “Ìr a ka tɩ lo a kʋ̃ɔ-kpɛ̃ɛ pʋɔ a”, a na tu n a lɛ.

Matie 21:42

A Yeezu lɛb yel bɛ: «Nyɩ bɛ dãw kanɩ a ƴɛ̀r-bie á ŋá a Sɛb-sõw pʋɔ ɩ? “A kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr, a Sore n'ʋ tõ à à ŋá: nɔ-ɓãa-yel ʋ a tɩ zie.”

Markɩ 12:10

Nyɩ bɛ kanɩ a Sɛb-sõw ƴɛ̀r-bie á ŋá bɩɩ? “A kʋsɩɛr ʋl a yir-mɩɛrbɛ na ír lɔb bɛr a, ʋ lɩɛb'ɩ a yir pɛr kʋsɩɛr.

Luka 20:17

Ɛcɛ a Yeezu tɩ jɩ́r bɛ nɩ gbẽgbẽ ɛ́ sowri bɛ: «Alɛ wa ɩ à ŋá a, a Sɛb-sõw ƴɛ̀r-bir ŋa pɛr'ɩ bo: “A kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr?”

Luka 3:5

Fʋɔla za na paal'a do, tã-kpɛ̃ɛ za nɩ tãle za na tuw na siw man, sɔ́r za na gɔ̃w a na tori na, sɔ́r za na ɩ kokobokobo a na man nɩ taa,

Nɩ-toni 4:11

Ʋlɛ n'ɩ “A kʋsɩɛr ʋl, a nyɩɩm yir-mɩɛrbɛ na ír lɔb bɛr a, ɛcɛ ʋ lɩɛb'ɩ a yir pɛr kʋsɩɛr.”

Ʋrɔm 11:6

Ʋlɛ wa kaa ír bɛ a ʋ maalʋ zũú a, a bɛ ɩ-ɩrɩ zũú bɛ n'a ɩ, alɛ bɛ ɩ lɛ a, a maalʋ bɛ cãà ɩ maalʋ ɛ.

Efɛɛzɩ 2:20

Bɛ de nyɩ na ƴãw a yir mɩɛrʋ pʋɔ, a ʋl bɛ na sʋ̃ɔ́ a pɛr a nɩ-toni nɩ a naaŋmɩn-ƴɛ̀r-manbɛ zu, ɛ́ a Yeezu Kɩrɩta mɩŋa ɩ a yir pɛr kʋsɩɛr a.

1 Pɩɛr 2:7

A na ɩ lɛ a, nyɩɩm na sàw de a Naaŋmɩn a, nyɩmɛ so ƴãwfʋ. Ɛcɛ a bɛlɩ dem na bɛ sàw de a ƴãw, «a kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr», nɩ kɛ́:

Yel-wula 16:20

A kʋ̃ɔ-kpɛ̃ɛ-sɔgɔ-ten za tɩ bɔr'a, ɛ́ nɩr bɛ mɩ́ lɛb tɩ nyɛ̃ tãw kãw za ɩ.