Zakari 3:7 - A SƐB-SÕW

⁷ À ŋá n'a a Sore, a Kpɛnʋ-za-sob, yere: «Fʋ̃ʋ wa ɩrɛ a lɛ ɩ̃ na yel a, fʋ̃ʋ wa tuur a ɩ̃ sɛ́ɛ a, fʋ̃ʋ n'ʋ na kaarɛ a ɩ̃ yir-kpɛ̃ɛ nɩ a ʋ davʋrɩ zie, ɩ̃ɩ na ɩ na fʋ pʋɔ a nɩbɛ bɛl na mɩ́ àr a ka tone a ɩ̃ tome a pʋɔ.»

Zakari 3:7 ပူးပေါင်းရင်းမြစ်များ

Yele-za-pɛr-tib 26:5

Bʋ̃ʋ n'ʋ vɛ̃, a Abraham bɛr'a wõ m, ʋ tu n a lɛ ɩ̃ na yel a, ʋ sàw nɩ a ɩ̃ nɛ-ƴãwnɩ, a ɩ̃ tub nɩ a ɩ̃ wulu.»

1 Na-mɩnɛ 2:3

Sàwr a Sore fʋ Naaŋmɩn nʋɔr: tuur a ʋ sɛ́ɛ, maal tɛr a ʋ wulu, a ʋ nɛ-ƴãwnɩ, a ʋ tub, nɩ a ʋ fɛrʋ, nɩ bom za na sɛb a Moyiir wulu pʋɔ a. Lɛ n'a a fʋ yele za nɩ a fʋ tɩɛrʋ za na mɩ́ tu b.

1 Na-mɩnɛ 3:14

Fʋ̃ʋ wa tuur a ɩ̃ sɛ́ɛ, fʋ̃ʋ wa sàwr a ɩ̃ wulu, nɩ a ɩ̃ nɛ-ƴãwnɩ mɛ̃ a fʋ sãà Daviir a, ɩ̃ na kʋ̀ b'ɩ nyɔ-vʋʋr-wogo.»

1 Bibie za yel-manɩ 23:32

Bɛ na kaarɛ nɩ a tuor-taa pɛn-sɛw nɩ a zi-sõw ziir, ɛ́ lãwnɩ a bɛ yɛbr, a Aarɔ̃ bʋʋrɛ, tone a Sore Ŋmɩn-yir-kpɛ̃ɛ tome.

Ɩzayi 62:9

Ɛcɛ a bɛlɩ dem na na ŋma a ble a, bɛlɛ nɛbɛ na dɩrɛ a danɛ nɩ a Sore. A bɛlɩ dem na na pɔr a divɛ̃ tɩɩr wɔmɛ a, bɛlɛ nɛbɛ na nyũ a divɛ̃ a ɩ̃ zi-sõw pʋɔ.»

Ezekɩɛl 44:8

Nyɩ bɛ tõ a tome nyɩɩm mɩŋa a ɩ̃ zi-sõw pʋɔ ɩ, ɛcɛ nyɩ ɩ n a sãanbɛ bɛ ŋa bɛ lɩɛrɩ nyɩ tõ.

Ezekɩɛl 48:11

A vuo ŋa na ɩ n a bàwr-maalbɛ bɛ na ka nũu ƴãw a, a Sadɔkɩ bʋ̃-dɔwrɩ, sób. Bɛ tõ n a Sore tome bɛ lɛb pùor ɛ, ɛ́ bɛ ɩ mɛ̃ a levitɩ mɩnɛ a ɩ, bɛ bɛ jɛ a Naaŋmɩn bɛr a lɛn daar a Ɩsɩrayɛl nɩbɛ na tɩ ŋmɛlɩ kpaar cɔw ʋ a ɩ.

Levitɩ mɩnɛ 10:3

A Moyiir tɩ yel'ɩ a Aarɔ̃: «A Sore tɩ yel'ɩ a yel ŋa kʋ̀ nyɩ, a lɛn daar ʋ na tɩ ƴɛ̀r à ŋá a: “Ɩ̃ bɔbr'a k'aa bɛlɩ dem na tawr pɩɛlɛ mɛ̃ a mɩ́ wul a ɩ̃ sonu, ɛ́ íre a ɩ̃ yúor-vɩɛlʋ-danʋ a nɩbɛ za niŋé.”» A Aarɔ̃ tɩ ɩ n gbili.

Levitɩ mɩnɛ 8:35

Nyɩ na be n a tuor-taa pɛn-sɛw dɩ̃dɔr nʋɔr, mʋ̃tɔ̃w nɩ tɩ̃ɩsɔw, bibie ayopõi, al pùorí a, nyɩ na tʋ̃ɔ́ na tone a Sore tome ɛ́ taa kpiir ɛ. À à ŋá n'a a Sore yel kʋ̀ m.»

Zakari 3:6

Al pùorí, a malkɩ tɩ yel'ɩ a Zozue zie à ŋá:

Zakari 4:14

Lɛ n'a ʋ tɩ man mɛ̃ à ŋá: «A nɩbɛ ayi bɛl bɛ na cir a kãá ƴãw a zũú, kɛ́ bɛ ɩ a tẽ-daa za Sore tõ-tõ-biir a nɛbɛ.»

Zakari 6:15

Nɩbɛ na yi n zi-zãána wa sõw a Sore yir-kpɛ̃ɛ lɛb-mɛb. Lɛ n'a nyɩ na bãw k'aa Sore Kpɛnʋ-za-sob sɩrɩ n'ʋ tõ m a nyɩ zie. A yele á ŋá za na ta na, nyɩmɛ wa sàwr a Sore nyɩ Naaŋmɩn nʋɔr a.

Zakari 6:5

Ʋ tɩ sɔw mɛ̃ na: «A sɛsɛbr anaar'a. A tɩ be n a tẽw za Sore niŋé, ɛcɛ ƴɛrɛŋa a, a cere na.»

Matie 19:28

A Yeezu tɩ yel bɛ na: «Yel-mɩŋa sɩza, ɩ̃ yere na kʋ̀rɛ nyɩ, a lɛn daar a yele nãà wa lɩɛbɛ paalɛ a, a lɛn daar a Nɩsaal Bie nãà wa zɩ̃ a ʋ yúor-vɩɛlʋ-danʋ naalʋ-dà-kɔw zu a, a nyɩɩm na tu m a, nyɩ mɩ̀ na zɩ̃ n naalʋ-dà-kɔwr pie nɩ ayi zu, kɛ́ nyɩ maal'ɩ a Ɩsɩrayɛl yie dɔwlʋ pie nɩ ayi a ƴɛ̀rʋ.

Luka 22:30

nyɩ na dɩ na ɛ́ nyũ a ɩ̃ bʋ̃-dɩrɩ dɩb zie, a ɩ̃ naalʋ-dɩb daar, ɛ́ nyɩ na zɩ̃ n naalʋ-dà-kɔwr zuru maal'ɩ a Ɩsɩrayɛl dɔwlʋ pie nɩ ayi a ƴɛ̀rʋ.»

Zã 14:2

Ziir yaga be n a ɩ̃ sãà yir pʋɔ, alɛ bɛ tɩ ɩ lɛ a, ɩ̃ nãá tʋ̃ɔ́ na yel k'ɩ̃ɩ cere na k'ɩ̃ɩ tɩ cɔbrɩ zie bɛr nyɩ ɩ?

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.