Zakari 3:1 - A SƐB-SÕW

¹ A Sore tɩ ɩ na ɩ̃ nyɛ̃ a bàwr-maal-kara Zozue, ʋ àr a Sore malkɩ niŋé. A Sɩtaana tɩ àr'ɩ a Zozue dʋrʋ lowr, k'ʋʋ yel a ʋ sãwna.

Zakari 3:1 ပူးပေါင်းရင်းမြစ်များ

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Yele-za-pɛr-tib 48:16

a malkɩ ʋl na faa mɛ̃ yel-faa za pʋɔ a, ʋ maalɩ a dɛbli bɛ ŋa, k'aa bɛl zũú a, a ɩ̃ yúor tʋ̃ɔ́ pore, mɛ̃ a ɩ̃ sãàkʋm Abraham nɩ a ɩ̃ sãà Ɩzaakɩ dem a! Bɛ yɛ̀r yaga za a tẽw za pʋɔ!»

1 Bibie za yel-manɩ 21:1

A Sɩtaana tɩ wa ìr'a bɔbr a Ɩsɩrayɛl nɩbɛ faa, lɛ n'a ʋ tɩ bɛlɩ a Daviir ƴãw k'ʋʋ sɔ́r a Ɩsɩrayɛl nɩbɛ.

2 Bibie za yel-manɩ 29:11

Ɛ́ a nyɩɩm a, ɩ̃ bibiir i, nyɩ taa burbure ɩ, bʋ̃ʋ n'ʋ vɛ̃, nyɩmɛ nɛbɛ a Sore kaa ír kɛ́ nyɩ mɩ́ àr a ʋ niŋé, kɛ́ nyɩ tone ʋ, kɛ́ nyɩ ɩ a ʋ tõ-tõ-biir, nɩ kɛ́ nyɩ mɩ́ de a tɩ-suur-zɔ̃-na-nyùur-vla-vla-a de-kʋ̀b bom kʋ̀ ʋ.»

Ɛsɩdɩrasɩ 10:18

A bàwr-maalbɛ pʋɔ a, a bɛl na tɩ kul a nɩ-bʋʋr-yoru pɔwbɛ a tɩ n'ɩ bɛ ŋa: Yosadakɩ bidɛb Zozue nɩ a ʋ yɛbr bʋ̃-dɔwrɩ pʋɔ: Maaseya, Eliezɛɛr, Yarivʋ nɩ Gedalɩa.

Ɛsɩdɩrasɩ 2:2

Bɛlɛ nɩ Zorobabɛl nɩ Zozue nɩ Neemɩa nɩ Seraya nɩ Erelaya nɩ Mɔrdokaɩ nɩ Bilsan nɩ Misɩpaar nɩ Bigɩwaɩ nɩ Erehum nɩ Baana nɛbɛ tɩ lɛb wa. A bɛ yée nɩ a Ɩsɩrayɛl nɩbɛ nʋɔr na sɛb tu taa a n'ɩ á ŋá:

Ɛsɩdɩrasɩ 5:2

Lɛ n'a a Saltɩɛl bidɛb, Zorobabɛl, nɩ Yosadakɩ bidɛb, Zozue, tɩ ìr tĩ a Ŋmɩn-yir-kpɛ̃ɛ lɛb-mɛb tome a Zerizalɛm. A naaŋmɩn-ƴɛ̀r-manbɛ tɩ sõwne bɛ na.

Sɛb-sõw yielu 106:23

Lɛ n'a a Naaŋmɩn tɩ yel k'ʋʋ na kʋ bɛ na pàw pɛr. Ɛcɛ a ʋ nɩ-kaa-íra Moyiir tɩ ŋmãa na yi àr a ʋ niŋé, bɛ sàw ʋ na kʋ bɛ pàw pɛr nɩ suur ɛ.

Sɛb-sõw yielu 109:6

À ŋá n'a bɛ ƴɛ̀rɛ a ɩ̃ ƴãw: «Tɩ kaa ír nɩ-faa ʋ ìr àr a ʋ ƴãw, nɩr na manɛ a ʋ sãwna a, ʋ àr a ʋ dʋrʋ lowr.

Zeremi 15:19

Nyɛ̃ a lɛ a Sore na ƴɛ̀rɛ a ɩ̃ zie a: «Fʋ̃ʋ wa lɛb wa a ɩ̃ zie a, ɩ̃ na lɛb'a de fʋ a ɩ̃ tome ƴãw. Fʋ̃ʋ wa gù kɛ́ fʋ mɩ́ ƴɛ̀r ƴɛ̀r-sɩza ɛ́ bɛr a ƴɛ̀r-fowle a, fʋ na lɛb'a ɩ a sob nɛ na ƴɛ̀rɛ a ɩ̃ yúor ƴãw a. A Zuda nɩbɛ nɛbɛ sɛw kɛ́ bɛ lɛb wa a fʋ zie, fʋ̃ʋ bɛ n'ʋ sɛw kɛ́ fʋ lɛb wa a bɛ zie ɩ.

Ezekɩɛl 44:11

A ɩ̃ zi-sõw pʋɔ a, a levitɩ mɩnɛ na tone nɩ a ɩ̃ tome gùre a Ŋmɩn-yir-kpɛ̃ɛ dɩ̃dɛɛ ɛ́ tɛr tõ-pɛ-bʋʋrɛ bʋʋrɛ za. Bɛ na tʋ̃ɔ́ na mɩ́ kʋ a dʋn bɛ na de tɩr a nyɩw-a-za-bagɛ nɩ a bagɛ al na cɛ a maalʋ ƴãw a. Bɛ na tone nɩ a nɩbɛ tome.

Ezekɩɛl 44:15

«A levitɩ mɩnɛ bɛl na ɩ bàwr-maalbɛ, ɩ a Sadɔkɩ bʋ̃-dɔwrɩ a, bɛ tɩ tõ n a ɩ̃ zi-sõw tome a lɛn daar a Ɩsɩrayɛl nɩbɛ na tɩ taw zãá nɩ a mãa Sore a. Alɛ n'a so, bɛl tɛwr nɛbɛ na tʋ̃ɔ́ wa wa tone a ɩ̃ tome. Bɛ na tʋ̃ɔ́ na mɩ́ de a bàwr nɛn-kãá nɩ a zɩ̃ɩ kʋ̀ m. A mãa Sore Naaŋmɩn n'ʋ yere.

A naaŋmɩn-ƴɛ̀r-manɛ Aaze sɛbɛ 1:1

A Daarisɩ naalʋ-dɩb yome ayi sob daar, a cuwr ayʋɔb sob bibir dãw-niwn sob, a Sore tɩ ƴɛ̀r'ɩ a ʋ ƴɛ̀r-manɛ Aze zie. Ʋ tɩ ƴãw na k'ʋʋ cen tɩ ƴɛ̀r a ʋ ƴɛ̀rʋ á ŋá kʋ̀ Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a, nɩ a bàwr-maal-kara Zozue, na ɩ Yehosadakɩ bidɛb a.

A naaŋmɩn-ƴɛ̀r-manɛ Aaze sɛbɛ 1:12

A Saltɩɛl bidɛb Zorobabɛl, nɩ a Yehosadakɩ bidɛb Zozue, na tɩ ɩ a bàwr-maal-kara a, nɩ a nɩbɛ na cɛ lɛb wa a, tɩ bɛr'a wõ a Sore bɛ Naaŋmɩn ƴɛ̀rʋ, ʋ na tɩ ƴãw a ʋ ƴɛ̀r-manɛ Aze ƴɛ̀r a. À à ŋá n'a a Aze tɩ tõ a ton a Sore na kʋ̀ ʋ a, ɛ́ a nɩbɛ tɩ zɔrɛ a Sore.

A naaŋmɩn-ƴɛ̀r-manɛ Aaze sɛbɛ 2:4

Alɛ n'a so, a mãa, a Sore, ɩ̃ yere na kʋ̀rɛ nyɩ: Zorobabɛl ɩ, ƴãw fãw! Yehosadakɩ bidɛb Zozue e, fʋ̃ʋ na ɩ a bàwr-maal-kara a, ƴãw fãw! Nyɩɩm, a tẽw nɩbɛ za, nyɩ mɩ̀ ƴãw fãw! Nyɩ nyɔw a tome, ɩ̃ na be n a nyɩ zie, a mãa, a Sore, a Kpɛnʋ-za-sob.

Zakari 1:13

Lɛ n'a a Sore tɩ ƴɛ̀r sõwfʋ ƴɛ̀rʋ, nɩ mɔwlʋ ƴɛ̀rʋ kʋ̀ a malkɩ na tɩ ƴɛ̀rɛ a ɩ̃ zie a.

Zakari 1:9

Ɩ̃ tɩ sowr'ʋ na: «Ɩ̃ sore e, bʋ̃ʋ n'ʋ a wie á ŋá wule?» A malkɩ na tɩ ƴɛ̀rɛ a ɩ̃ zie a, tɩ sɔw na: «Ɩ̃ na ír'ɩ a pɛr kʋ b.»

Zakari 2:3

Al pùorí, a Sore tɩ wul mɛ̃ nɩ sãa-kpɩɛrbɛ anaar.

Zakari 3:8

«A na ɩ à ŋá a, bɛrɛ wone Zozue e, fʋ̃ʋ na ɩ a bàwr-maal-kara a, nyɩ mɩ̀ bɛrɛ wone, nyɩɩm bàwr-maalbɛ na ɩ a ʋ taabɛ a, nyɩɩm za na ɩ a faafʋ na waar'a bãwfʋ a. Ɩ̃ na ƴãw nɩ a ɩ̃ tõ-tõ-bie ʋ wa, a ʋl na dɩ kɛ́ Bʋ̃-bul a.

Zakari 4:14

Lɛ n'a ʋ tɩ man mɛ̃ à ŋá: «A nɩbɛ ayi bɛl bɛ na cir a kãá ƴãw a zũú, kɛ́ bɛ ɩ a tẽ-daa za Sore tõ-tõ-biir a nɛbɛ.»

Zakari 6:11

Fʋ na tɩ de nɩ salm-pla nɩ salm-zɩɛ, maal'ɩ nãà-kpawʋɔ vɔblɩ a bàwr-maal-kara Zozue na ɩ Yosadakɩ bidɛb a, zũú,

Malasɩ 3:1

«À ŋá n'a a Sore, a kpɛnʋ-za-sob, sɔwr nyɩ: “Ɩ̃ tone nɩ a ɩ̃ nɩ-tona k'ʋʋ tɩ puo a sɔ́r bɛr mɛ̃. Bɛ nãà wa bere na, a Sore nyɩ na bɔbr a, kpɛ a ʋ yir-kpɛ̃ɛ pʋɔ. A wõ-taa nɩ-tona nyɩ na gùre a, ʋlɛ n'ɩ ŋan waar.”

Luka 21:36

Nyɩ bɛr gʋ̃ɔ ɛ́ puore kʋralɛ: lɛ n'a bɛ na nyɛ̃ nyɩ bɛ sɛwnɩ a yel-tuor á ŋá za na waar a ɩ, ɛ́ nyɛ̃ nyɩ sɛwnɩ saaƴẽwn àrʋ a Nɩsaal Bie niŋé.»

Luka 22:31

A Sore tɩ yel'a: «Sɩmʋ̃ ʋ, Sɩmʋ̃ ʋ, Sɩtaana zɛlɩ na k'ʋʋ dam nyɩ mɛ̃ pɔw na tɛtɛwr zɛla a.

Wulu-ayi-sob 10:8

A ʋlɩ vuo nɛ pʋɔ a, a Sore tɩ kʋ̀ n a Levi bʋʋrɛ tome á ŋá na ɩ a tʋɔra a: bɛ tuore a Sore wõ-taa dágá, bɛ mɩ́ àr a ʋ niŋé a ʋ tome tob ƴãw, bɛ mɩ́ ƴɛ̀r a nɔ-vla kʋ̀ a nɩbɛ a ʋ yúor ƴãw. A levitɩ mɩnɛ cãà na tone a tome á ŋá a dɩ̃a.

Wulu-ayi-sob 18:15

Ʋ na tõ n naaŋmɩn-ƴɛ̀r-manɛ a nyɩ zie, ʋ ŋmɛ̃ mɛ̃ a mãa a. A nyɩ bʋʋrɛ pʋɔ n'a ʋ na yi, ʋlɛ n'ʋ nyɩ na bɛrɛ wone.

1 Pɩɛr 5:8

Nyɩ mɩ́ nyɔw nyɩ tʋɔra a dɩb nɩ a nyub ƴãw, nyɩ bɛr gʋ̃ɔ! A nyɩ dɔ̃ sob, a Gɛgɛra, lanɛ na viire mɛ̃ gbẽw na ùore bɔbr'ɩ nɩr k'ʋʋ vɔl a.

1 Samɩɛl 6:20

A Bɛtɩ-Semɛsɩ tẽw dem tɩ yel'a: «Ãa n'ʋ na tʋ̃ɔ́ àr a Sore niŋé, a Naaŋmɩn ŋa na ɩ sõw a niŋé?» Nɩ kɛ́: «Ʋlɛ wa yi a tɩ zie ka a, tẽbowle zie n'a ʋ na cen?»