Zakari 2:4 - A SƐB-SÕW

⁴ Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Zakari 2:4 ပူးပေါင်းရင်းမြစ်များ

Ɩzayi 33:20

Jɩ́r a Zerizalɛm kaa, nyɛ̃ a Sɩyɔ̃ tẽw a, a tẽ-kpɛ̃ɛ tɩ na maalɛ a tɩ cuwr a. Ʋ na sãá nɩ a fʋ zie mɛ̃ zie na ɩ zoom a, mɛ̃ pɛn-sɛw bɛ na kʋ̃ lɛb wɩl a. Bɛ kʋ̃ lɛb vɔ̃ a ʋ kpawbie ɩ, bɛ kʋ̃ lɛb cɛ̀r a ʋ míe bɛr ɛ.

Ɩzayi 44:26

Ɛcɛ ɩ̃ mɩ́ ɩ n a ɩ̃ tõ-tõ-bie ƴɛ̀rʋ tu, ɛ́ ɩ a lɛ a ɩ̃ nɩ-toni na yel a maalɩ. Ɩ̃ yere nɩ a Zerizalɛm ƴãw: “Nɩbɛ na lɛb'a kpɛ ʋ, bɛ na lɛb a libri a ʋ deboru”. Ɩ̃ yere nɩ a Zuda tẽ-bɛrɛ ƴãw: “Bɛ na lɛb'a mɛ a”.

Ɩzayi 49:20

A bibiir fʋ na bɛ tɩ cãà tɛr a na lɛb'a ƴɛ̀rɛ à ŋá ƴãwn a fʋ tobe pʋɔ: «A zie ɩ n fɩɩra zuo a ɩ̃ ƴãw. Kʋ̀ m vuo ɩ̃ tʋ̃ɔ́ kpɩɛr a ka».

Ɩzayi 54:16

Nyɛ̃, mãa n'ʋ ír a sãa-kpɩɛrɛ, ʋl na mɩ́ zuwr a sãa-vũu ƴãwn maalɛ nɩ zɛbr-bʋ̃-pɛ-bʋʋrɛ za a. Mãa mɩ̀ n'ʋ ír a nɩr ʋl na na tʋ̃ɔ́ sãw a zɛbr bome á ŋá bɛr a.

Zeremi 1:6

Ɩ̃ tɩ sɔw na: «'Woi! Sore Naaŋmɩn i, ɩ̃ na ɩ n ŋmɩn ƴɛ̀r, ɩ̃ ɩ n pɔlbil-vɛlvɛl lɛ.»

Zeremi 31:24

Lɛ n'a a Zuda tẽw kura nɩ a ʋ tẽ-bɛrɛ nɩbɛ za na lãw kpɩɛr, a ka-kʋ́ɔrbɛ nɩ a bɛlɩ dem na mɩ́ cɔlɛ nɩ a bɛ dʋn a.

Zeremi 31:27

A Sore yere na: Ɩ̃ kʋ̃ yaa kɛ́ ɩ nɩsaalbɛ nɩ dʋn yɛ̀r pàw a Ɩsɩrayɛl nɩ a Zuda naalʋ-ten, mɛ̃ a lɛ bɛ na mɩ́ yaarɩ bʋ̃-bʋʋrɛ púo pʋɔ a ɩ.

Zeremi 33:22

Mɛ̃ a lɛ bɛ na kʋ̃ tʋ̃ɔ́ sɔ́r a ŋmar-bie na be a salom zu, nɩ a kʋ̃ɔ-kpɛ̃ɛ nʋɔr biire na bɛ dɩ vuo a, lɛ n'a ɩ̃ na ɩ a ɩ̃ tõ-tõ-bie Daviir bʋʋrɛ nɩ a Levi bʋʋrɛ na ɩ bàwr-maalbɛ tone a ɩ̃ tome a, bɛ yãwmɛ.»

Ezekɩɛl 38:11

Fʋ na yel'a kɛ́ fʋ na zɛb'ɩ nɩ ƴã-ɓaarʋ nɩbɛ na kpɩɛr tẽw bɛ na bɛ mɛ dacine viiri koli, ɛ́ bɛ pàw ʋ nɩ pamɛ na tɛr dà-jɩ̀rɩ́ a.

Mise 7:11

A bibir waar'a bɛ na na lɛb mɛ a nyɩ tẽ-kpɛ̃ɛ dacine a. A ʋlɩ bibir nɛ a, bɛ na taw nɩ a nyɩ tẽw tʋr-bɔwrɩ tɔl'ɩ nidaa.

Zakari 1:16

Alɛ n'a so ɩ̃ yere, a mãa, a Sore Kpɛnʋ-za-sob: Ɩ̃ lɛb'a waar a Zerizalɛm nɩ nɩbaal-zɔba. A ɩ̃ yir na lɛb'a mɛ a ʋ pʋɔ, ɛ́ bɛ na lɛb'a mɛ a Zerizalɛm tẽ-kpɛ̃ɛ.»

Zakari 1:17

Al pùorí a malkɩ tɩ yel'a k'ɩ̃ɩ lɛb hieri yel à ŋá: «Bʋ̃-vɩɛlɩ na lɛb'a paalɩ a ɩ̃ tẽ-bɛrɛ, a Sore Kpɛnʋ-za-sob n'ʋ yere, ɩ̃ na lɛb'a kaa ír a Zerizalɛm, ɩ̃ na lɛb'a mɔwlɩ a Sɩyɔ̃.»

Zakari 12:6

A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

Zakari 14:12

A bʋ̃-faar al na na páw a nɩ-bʋʋrɛ bɛl na zɛb'ɩ a Zerizalɛm a, n'ɩ á ŋá: bɛ na cãà na vʋʋrɛ ɛ́ a bɛ ƴã-gamɛ pɔ̃, a bɛ mimie na pɔ̃ n a mimi-bɔwrɩ pʋɔ, ɛ́ a bɛ zɛlɛ pɔ̃ a bɛ nɛ̃ɛ́.

1 Timote 4:12

Nɩr za ta ɩrɛ fʋ laar fʋ na ɩ pɔlbile a ƴãw ɩ. Nɩ̃ɛ ɩ a bɛlɩ dem na sàw de a Naaŋmɩn a cɔwrɛ fʋ a fʋ ƴɛ̀rʋ pʋɔ, a fʋ cenu pʋɔ, a fʋ nɔ̃wfʋ pʋɔ, a fʋ naaŋmɩn-sàw-deb pʋɔ, a fʋ vɩɛlʋ pʋɔ.