Zakari 2:13 - A SƐB-SÕW

¹³ Sɩza, ɩ̃ na wa n a nɩ-bʋʋr-yoru ƴãw: a bɛ gbãgbaar mɩ̀ na fá n a bɛ bome.» A yele á ŋá wa ɩ a, nyɩ na bãw na k'aa Sore Kpɛnʋ-za-sob sɩrɩ n'ʋ tõ m.

Zakari 2:13 ပူးပေါင်းရင်းမြစ်များ

2 Bibie za yel-manɩ 30:27

A baarʋ daar, a levitɩ mɩnɛ bɛl na ɩ bàwr-maalbɛ a tɩ ìr'a zɛlɩ a Naaŋmɩn k'ʋʋ maalɩ a nɩbɛ. A bɛ puoru tɩ do na tɩ ta a salom zu, a Naaŋmɩn kpɛb zie, ɛ́ a Naaŋmɩn tɩ sàw de a bɛ puoru.

Sɛb-sõw yielu 11:4

— A Sore be n a ʋ Yir-kpɛ̃ɛ sõw pʋɔ. A Sore naalʋ-dà-kɔw be n a salom zu. Ʋ jɩ́rɛ nɩ a nɩsaalbɛ, ʋ mɩ́ jɩ́r'ɩ daadaa bãw bɛ ŋmɛ̃a.

Sɛb-sõw yielu 46:10

ʋ ɩ na a zɛbr baarɩ tɩ tɔ a tẽw ziir za, ʋ kár'ɩ a tam nɩ a kafin bɛr, ʋ nyɩw nɩ a zɛbr-kur-pãgalɩ bɛr.

Sɛb-sõw yielu 68:5

Nyɩ yiele a Naaŋmɩn ƴãw, nyɩ íre a ʋ yúor, nyɩ puo sɔ́r kʋ̀ a sob nɛ na zɔm a zũzuge a. A ʋ yúor'ɩ Sore, nyɩ cɩlɛ a ʋ niŋé.

Sɛb-sõw yielu 78:65

Lɛ n'a a Sore tɩ zaw ìr mɛ̃ gʋ̃ɔ-gúre a, mɛ̃ gãdaa dãa na ɩrɛ a.

Ɩzayi 14:2

A nɩ-bʋʋr-yoru na tɛr'ɩ a Ɩsɩrayɛl nɩbɛ lɛb wa n a bɛ tẽw pʋɔ. Ɛ́ a be a, a tẽsɔw a Sore na so a pʋɔ a, a Ɩsɩrayɛl nɩbɛ na de nɩ a nɩbɛ bɛ ŋa bɛ ɩ gbãgbaar, a dɛbr nɩ a pɔwbɛ. Bɛ na tɛr bɛ na bɛ ɩ zɛbr nɩ-nyɔwrɩ, bɛl na dãw tɛr a bɛl Ɩsɩrayɛl nɩbɛ bɛ ɩ zɛbr nɩ-nyɔwrɩ a. A Ɩsɩrayɛl nɩbɛ na so nɩ a nɩbɛ bɛ ŋa na dãw so bɛ a.

Ɩzayi 19:16

Bibir kãw, a Eziptɩ tẽw dem na ɩ na mɛ̃ pɔwbɛ a. Dɛ̃bɩ̃ɛ na mɩ́ ɩrɛ bɛ na bɛ màwr, a lɛn daar a Sore, a kpɛnʋ-za-sob, nãà mɩ́ wa zɛw a nũu a bɛ ƴãw a.

Ɩzayi 41:1

A Sore yere na: nyɩɩm tẽ-zãánɩ nɩbɛ ɛ, nyɩ ŋmãa vʋʋrʋ ɛ́ bɛr wõ m. Nyɩɩm nɩ-bʋʋrɛ za a, nyɩ lɛb páw fãw-paala. Nyɩ taw pɩɛlɩ ɛ́ ƴɛ̀r. Nyɩ ɩ tɩ lãw cen a ƴɛ̀rʋ-dɩb ƴãw.

Ɩzayi 51:9

Ìr, Sore e, ìr! Wul a fʋ kpɛnʋ! Ìr mɛ̃ a koro za a, mɛ̃ a koro za dem daar a. Fʋ̃ʋ bɛ n'ʋ tɩ cɛ̀ a Arahab ɓar ɛ? Fʋ̃ʋ bɛ n'ʋ tɩ cɔ̀r a kʋ̃ɔ-kpɛ̃ɛ wa-bɩɛ col ɛ?

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 57:5

Nyɩ mɩ́ ɩ na a ƴãw cɩrɛ nyɩ a nyɩ maalʋ-ziir tɩɩr pɛr, tɩ-zimpiri za pile. Nyɩ mɩ́ maal'ɩ nɩ bibiir bàwr a fʋɔlɩ pʋɔ, a pìe bɔwrɩ pʋɔ.

Ɩzayi 63:15

Sore e, be a salom zu, a zi-sõw-vla vla fʋ na kpɩɛr a, ɛ́ jɩ́r a ʋlɩ bom nɛ na ɩrɛ tɩ a nyɛ̃. Nyɩnɛ n'a a fʋ nɔ̃wfʋ na dɩrɛ a tɩ ƴãw mɛ̃ vũu a cen? Nyɩnɛ n'a a fʋ kpɛnʋ be? Tɩ bɛ mɩ́ cãà nyɛ̃ a fʋ ƴã-cɩrʋ nɩ a fʋ nɔ̃wfʋ a tɩ ƴãw ɛ.

Zeremi 25:30

A Sore tɩ cãà na yel mɛ̃: «Yel a yel ŋa kʋ̀ bɛ a ɩ̃ yúor ƴãw, yel ƴãw pʋɔ: A saa-zu za a, a Sore tanɛ na. Ʋ be n a yir ʋ na so a pʋɔ, ɛ́ ŋmɛrɛ kɔkɛɛ. Ʋ tanɛ nɩ a ʋ zi-sóra. Ʋ ŋmɩɛr'ɩ cɛlsɩ càarɛ nɩ a tẽw dem za, mɛ̃ a bɛlɩ dem na mɩ́ nɛbr a divɛ̃ tɩ-wɔmɛ íre a divɛ̃ a.

Habakukɩ 2:20

Ɛcɛ a Sore ʋl be n a ʋ yir-sõw pʋɔ. A tẽ-daa za nɩbɛ, bɛ ŋmãa vʋʋrʋ a ʋ niŋé!»

Sofoni 1:7

Nyɩ ŋmãa vʋʋrʋ a Sore Naaŋmɩn niŋé, bʋ̃ʋ n'ʋ vɛ̃, a bibir ʋl ʋ na na ìr a nɩbɛ ƴãw a pɩɛl'a! A Sore cɔbr'ɩ bàwr, ʋ so n a nɩbɛ ʋ na bʋɔlɩ a dɛwr bɛr baarɩ.

Sofoni 2:9

A na ɩ à ŋá a, mãa bɛ wa be a n'a, alɛ bɛ ɩ lɛ, ɩ̃ yere na, a mãa, a tẽ-daa za Sore, a Ɩsɩrayɛl Naaŋmɩn: a Mowab nɩ a Amɔ̃ ten na sãw nɩ a za, mɛ̃ a Sodɔm nɩ a Gomɔɔr ten a. A bɛ zie nɩr za na kʋ̃ cãà kpɩɛr a, na ɩ n gʋʋr nɩ nyaarʋ bɔwrɩ tɛwr. A ɩ̃ nɩbɛ na cɛ a na wa na wa fa bɛ, ɛ́ de a bɛ tẽw.»

Sofoni 3:8

A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

Zakari 4:9

«A Zorobabɛl nuru n'a sʋ̃ɔ́ a Ŋmɩn-yir-kpɛ̃ɛ pɛr, ɛ́ na mɛ ʋ tɩ baarɩ.» A yele á ŋá za wa ta baar'a, nyɩ na bãw na k'aa Sore, a Kpɛnʋ-za-sob, sɩrɩ n'ʋ tõ m a nyɩ zie.

Zakari 6:15

Nɩbɛ na yi n zi-zãána wa sõw a Sore yir-kpɛ̃ɛ lɛb-mɛb. Lɛ n'a nyɩ na bãw k'aa Sore Kpɛnʋ-za-sob sɩrɩ n'ʋ tõ m a nyɩ zie. A yele á ŋá za na ta na, nyɩmɛ wa sàwr a Sore nyɩ Naaŋmɩn nʋɔr a.

Ʋrɔm 3:19

Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a.

Ʋrɔm 9:20

Ɛcɛ ãa nɩ̃ɛ nɛ b, nɩsaal i, na ƴɛ̀rɛ lɩɛrɛ nɩ a Naaŋmɩn? Yawra bʋ̃-mɩɛra na tʋ̃ɔ́ na yel a ʋ mɩɛrɛ kɛ́ bʋnʋ ƴãw n'a ʋ mɛ ʋ à à ŋá bɩɩ?

Wulu-ayi-sob 18:21

Kapaw nyɩ na sowre nɩ nyɩ tʋɔra à ŋá: «Ŋmɩŋmɩn n'a tɩ na tʋ̃ɔ́ bãw k'aa ƴɛ̀rʋ bɛ yi a Sore zie?»

Wulu-ayi-sob 18:22

Naaŋmɩn-ƴɛ̀r-manɛ wa yel bom a Sore yúor ƴãw, ɛ́ a ʋlɩ bom nɛ bɛ wa ɩ a, a wul'a k'aa ƴɛ̀rʋ bɛ yi a Sore zie ɩ. A naaŋmɩn-ƴɛ̀r-manɛ n'ʋ mɩ̀ kpɛ pʋra ƴɛ̀r. Nyɩ taa zɔrɛ ʋ ɛ.

Wulu-ayi-sob 26:15

A na ɩ à ŋá a, be a salom zu, a zi-sõw fʋ na kpɩɛr a, ɛ́ bɛl nyɛ̃, maalɩ a fʋ nɩ-bʋʋrɛ Ɩsɩrayɛl nɩ a tẽw fʋ na kʋ̀ tɩ a, mɛ̃ a lɛ fʋ na tɩ yel kʋ̀ a tɩ sãàkʋm-kore a, tẽw bʋ̀rʋ nɩ sɩwr na gbɔlɛ a.»