Zakari 2:10 - A SƐB-SÕW

¹⁰ Yel ŋa n'ʋ a Sore yere kʋ̀rɛ nyɩ: «Alɛ! Nyɩɩm ɩ̃ na diw yaarɩ a tẽw zu ziir za a, nyɩ zɔrɛ ƴɛrɛŋa, nyɩ yi kɛ́ bɛr a saa-pɛrɩ́-gʋba-lowr ten!

Zakari 2:10 ပူးပေါင်းရင်းမြစ်များ

Sɛb-sõw yielu 40:7

Fʋ ɩ na ɩ̃ bãw a pɛr vla, kɛ́ bàwr nɩ de-kʋ̀b bome bɛ n'a fʋ tɩ bɔbr ɛ, nyɩw-a-za-bàwr nɩ sãwna bàwr bɛ n'a fʋ tɩ bɔbr ɛ.

Sɛb-sõw yielu 68:18

Naaŋmɩn tɛr'ɩ zɛbr-torkori túre túre, tùr-piir piir. Alɛ n'a a Sore yi n a Sinayi tãw zu, ɛ́ wa n a zi-sõw pʋɔ.

Eziptɩ tẽw yib 29:45

Ɩ̃ na be n a Ɩsɩrayɛl nɩbɛ sɔgɔ, ɩ a bɛ Naaŋmɩn.

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

Ɩzayi 37:22

Wone a ƴɛ̀rʋ a Sore na ƴɛ̀rɛ cáarɛ nɩ ʋ a: A Sɩyɔ̃ tẽw tobr bɛ ka fʋ ƴãw ɛ, ʋ ɩrɛ fʋ na laar. A Zerizalɛm tẽw na vɩɛl a kpɔwrɛ fʋ na, ŋmɩwrɛ nɩ ƴãwn.

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Ɩzayi 48:20

Nyɩ yi a Babɩlɔn tẽw pʋɔ, nyɩ yi a tẽw ŋa pʋɔ zɔ. Nyɩ ŋmɩɛr nʋ̃ɔ̀ cɛlsɩ yere nɩ a yel ŋa, nyɩ ɩ bɛ wõ ʋ, nyɩ ŋmɛ ʋ yaarɩ tɩ tɔ a tẽw baarʋ zie. Nyɩ yel: «A Sore ya na de a ʋ tõ-tõ-bie Zakɔb!»

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Ɩzayi 52:11

Nyɩ cere, nyɩ cere, nyɩɩm na tuo a Sore puoru bome lɛb waar'ɩ a! Nyɩ yi zaa a Babɩlɔn tẽw pʋɔ! Nyɩ taa tʋɔr bʋ̃-dɛwr kãw za ɩ, nyɩ vɩɛl yi n a tẽw ŋa pʋɔ.

Ɩzayi 54:1

Zerizalɛm i, lɔbr nʋ̃ɔ̀ cɛlsɩ, fʋ̃ʋ na bɛ tɩ cãà tɛr bibiir a. Lɔbr nʋ̃ɔ̀ cɛlsɩ cɩlɛ nɩ, fʋ̃ʋ na bɛ tɩ cãà dɔwr a. Bʋ̃ʋ n'ʋ vɛ̃, a Sore yere nɩ à ŋá a fʋ zie: «Fʋ̃ʋ, pɔw-zawr-bɛra a, fʋ tɛr'ɩ bibiir ƴɛrɛŋa zuo a pɔw na tɛr sɩr a.»

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Ɩzayi 66:14

Nyɩ na nyɛ̃ na, a nyɩ socir na cɩlɛ na, a nyɩ kɔbɛ na lɛb'a kpɛmɛ mɛ̃ mʋ̃ɔ saa na wa ƴãw a.» A Sore na ɩ n a ʋ tõ-tõ-biir bãw a ʋ kpɛnʋ, ɛcɛ ʋ na wul'ɩ a ʋ suur a ʋ dɔ̃ dem.

Zeremi 30:19

Yielu nɩ nʋ̃ɔ̀ cɛlsɩ na mɩ́ yire nɩ a pʋɔ. A Zakɔb bibiir nʋɔr kʋ̃ lɛb siwri ɛ, ɩ̃ na ɩ na bɛ yɛ̀r yãwmɛ. Bɛ kʋ̃ lɛb ɩ nɩ-ɩ-laarɩ ɛ, ɩ̃ na zɛw bɛ nɩ yaga za.

Zeremi 31:12

Bɛ na lɔb'ɩ nʋ̃ɔ̀ cɛlsɩ ta n a Sɩyɔ̃ tãw zu. A bɛ niŋe na caal'ɩ a za a Sore bʋ̃-vɩɛlɩ niŋé: a ble, a divɛ̃-paala, a kãá-paala, píir, bʋʋr nɩ nĩi. Bɛ na ɩ na mɛ̃ zaadɛ̃ bɛ na cɔ̀r vla vla a, ɛ́ a bɛ fãw kʋ̃ lɛb siwri towtow ɛ.

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Ezekɩɛl 37:27

Ɩ̃ na kpɩɛr'ɩ a nyɩ sɔgɔ. Ɩ̃ na ɩ n a nyɩ Naaŋmɩn ɛ́ nyɩ ɩ a ɩ̃ nɩ-bʋʋrɛ.

Ezekɩɛl 48:35

A dacine na na viiri koli a tẽ-kpɛ̃ɛ a wowr za na ɩ n mɛtɩr tùr-piwaɩ (9 000). A na dɛ tĩ a ʋlɩ bibir nɛ a, bɛ na bʋɔlɛ nɩ a tẽ-kpɛ̃ɛ kɛ́: “A-Sore-be-n-ka.”»

Levitɩ mɩnɛ 26:12

Ɩ̃ na be n a nyɩ zie kʋralɛ ɩ a nyɩ Naaŋmɩn, ɛ́ nyɩ ɩ a ɩ̃ nɩ-bʋʋrɛ.

Sofoni 3:17

A Sore fʋ Naaŋmɩn be n a fʋ zie: ʋlɛ n'ɩ a gãdaa na zɛb tʋ̃ɔ́ a, nʋ̃ɔ̀ ɩrɛ ʋ nɩ yaga a fʋ ƴãw, a ʋ nɔ̃wfʋ kʋ̀rɛ fʋ nɩ nyɔ-vʋʋr-paala, ʋ ŋmɩɛr'ɩ nʋ̃ɔ̀ cɛlsɩ a fʋ ƴãw,

Zakari 1:16

Alɛ n'a so ɩ̃ yere, a mãa, a Sore Kpɛnʋ-za-sob: Ɩ̃ lɛb'a waar a Zerizalɛm nɩ nɩbaal-zɔba. A ɩ̃ yir na lɛb'a mɛ a ʋ pʋɔ, ɛ́ bɛ na lɛb'a mɛ a Zerizalɛm tẽ-kpɛ̃ɛ.»

Zakari 14:5

Nyɩ na tu n a fʋɔla ŋa na be a tan cara pʋɔ a zɔ. Bʋ̃ʋ n'ʋ vɛ̃, a fʋɔla na cen na tɩ ta a Asal tẽw. Nyɩ na zɔ na mɛ̃ a nyɩ sãàkʋm-kore na tɩ zɔ, a Zuda tẽw nãà Ozɩasɩ daar, a tẽsɔw-kɔbr damnʋ bibir a. Lɛ n'a a Sore ɩ̃ Naaŋmɩn na ta, ʋlɛ nɩ a malkɩ mɩnɛ na tone a ʋ tome a.

Zakari 2:11

Alɛ! Zerizalɛm nɩbɛ bɛ na diw cen nɩ a Babɩlɔn a, nyɩ paw fɔ̃w zɔ cɩ̃ɛ.»

Zakari 2:5

Ɩ̃ tɩ zɛw nɩ zu nyɛ̃ bʋ̃-nyɛra kãw: nɩr na tɛr miw-máná a.

Zakari 8:3

Alɛ n'a so, mãa n'ʋ yere: ɩ̃ lɛbr'a waar a Zerizalɛm, ɩ̃ lɛb'a kpɩɛr a Sɩyɔ̃ tẽw. Bɛ na bʋɔlɛ nɩ a Zerizalɛm kɛ́ “Tẽ-kpɛ̃ɛ na bɛ lɛb pùor a”, ɛ́ a Sɩyɔ̃ tãw ɩ̃ na so a, yúor na dɩ na kɛ́ “Tãw-sõw”.

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Malasɩ 3:1

«À ŋá n'a a Sore, a kpɛnʋ-za-sob, sɔwr nyɩ: “Ɩ̃ tone nɩ a ɩ̃ nɩ-tona k'ʋʋ tɩ puo a sɔ́r bɛr mɛ̃. Bɛ nãà wa bere na, a Sore nyɩ na bɔbr a, kpɛ a ʋ yir-kpɛ̃ɛ pʋɔ. A wõ-taa nɩ-tona nyɩ na gùre a, ʋlɛ n'ɩ ŋan waar.”

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Zã 14:23

A Yeezu tɩ sɔw ʋ na: «Nɩr wa nɔnɛ mɛ̃ a, ʋ na tɛr'ɩ a ɩ̃ ƴɛ̀rʋ vla, a ɩ̃ Sãà na nɔnɛ ʋ na, ɛ́ tɩ na wa na wa kpɩɛr a ʋ sob zie.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.

Filib 4:4

Nyɩ cɩlɛ kʋralɛ nyɩ na lãw nɩ a Sore a, ɩ̃ lɛb'a yere: nyɩ cɩlɛ.

Yel-wula 2:1

«Sɛb yel a Efɛɛzɩ tẽw Lãw-yir malkɩ: À ŋá n'a a sob nɛ na tɛr a ŋmar-bie ayopõi a ʋ dʋrʋ nũú ɛ́ cere a salm-zɩɛ fɩ̃tɩlɩ ayopõi sɔgɔ a yere:

Yel-wula 21:3

Ɩ̃ tɩ wõ n kɔkɔ-kpɛ̃w na yire a naalʋ-dà-kɔw pɛr a, ʋ tɩ yere na: «Ƴɛrɛŋa a, a Naaŋmɩn kpɛb zie be n a nɩsaalbɛ sɔgɔ. Ʋ na lãw na kpɩɛr'ɩ bɛ, ɛ́ bɛ na ɩ n a ʋ nɩ-bʋʋrɛ, ʋʋ ɩ a Naaŋmɩn na be a bɛ zie a.