Zakari 14:9 - A SƐB-SÕW

⁹ A lɛn daar a, a Sore na dɩrɛ nɩ naalʋ a tẽw za zu. Ʋl yõ n'ʋ bɛ na puore nɩ tʋɔra-siwru mɛ̃ Naaŋmɩn a, a ʋ yúor yõ n'ʋ a nɩsaalbɛ za na bãw.

Zakari 14:9 ပူးပေါင်းရင်းမြစ်များ

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Sɛb-sõw yielu 67:4

A nɩ-bʋʋrɛ, bɛ danɛ fʋ, Naaŋmɩn i, a nɩ-bʋʋrɛ za, bɛ danɛ fʋ!

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Sɛb-sõw yielu 86:9

A nɩ-bʋʋrɛ za fʋ na ír a na wa na wa gbĩ dume a fʋ niŋé, Sore e, bɛ na íre nɩ a fʋ yúor.

Sɛb-sõw yielu 97:1

A Sore ɩ n nãà: a tẽw, ʋ́ cɩlɛ ƴawr'ɩ, nʋ̃ɔ̀, a ɩrɛ a kʋ̃ɔ-kpɛ̃ɛ-sɔgɔ-ten na zãá a!

Ɩzayi 45:21

Nyɩ ƴɛ̀r, nyɩ manɩ a nyɩ yel-mɩŋa. Nyɩ lãw ƴɛ̀r. Ãa n'ʋ de niwn ɩ bɛ bãw a yel na ɩrɛ a ƴɛrɛŋa a? Ãa n'ʋ yel ʋ a koro kãw za? A mãa Sore bɛ n'ʋ ɛ? Naaŋmɩn bɛ lɛb ka be mãa bɛ wa n'ʋ a ɩ. Naaŋmɩn na tɛr yel-mɩŋa a, Naaŋmɩn na faarɛ a, ʋ bɛ ka be a bɛ ɩ a mãa ɩ.

Ɩzayi 54:5

Bʋ̃ʋ n'ʋ vɛ̃, a sob nɛ na ír fʋ a n'ʋ na ɩ a fʋ sɩr, a sob nɛ a yúor na dɩ k'aa Sore, a kpɛnʋ-za-sob a. A sob nɛ na yarɛ dier fʋ a, a Ɩsɩrayɛl Naaŋmɩn na ɩ sõw a n'ʋ, a sob nɛ bɛ na bʋɔlɛ a “tẽ-daa Sore” a.

Zeremi 23:6

A ʋ daar a, a Zuda na nyɛ̃ nɩ a faafʋ, a Ɩsɩrayɛl na vʋʋrɛ nɩ zoom bɛ bãw damnʋ ɛ. Nyɛ̃ a yúor bɛ na na bʋɔlɛ ʋ a: “A Sore n'ɩ a tɩ mɩnʋ.”

Amɔsɩ 9:12

Lɛ n'a a Ɩsɩrayɛl nɩbɛ na so a Edɔm tẽw na cɛ a, nɩ a nɩ-bʋʋr-yoru ten al za ɩ̃ na so a. A Sore n'ʋ yere à à ŋá, ʋl na na tu à à ŋá ʋ na yel a.»

Abɩdɩasɩ 1:21

Bɛ na zɛb'a tʋ̃ɔ́, ɛ́ do a Sɩyɔ̃ tãw zu, ɛ́ a be n'a bɛ na tɩ dɩrɛ naalʋ a Edɔm tẽw zu. A Sore na ɩ n nãà!

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Habakukɩ 2:14

Yel-mɩŋa, a Sore yúor-vɩɛlʋ-danʋ a nɩbɛ na na bãw a, na paal'ɩ a tẽw, mɛ̃ a lɛ a kʋ̃ɔnɩ na paalɩ pàw a kʋ̃ɔ-kpɛ̃ɛ a.

Sofoni 3:9

«Lɛ n'a ɩ̃ na maalɩ a nɩ-bʋʋrɛ nɛ́ɛ a vɩɛl: bɛ na puore nɩ a mãa Sore, ɛ́ tɛr tɩɛr-been tone nɩ mɛ̃.

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Malasɩ 1:14

Baw-bio sob'ɩ a nyãnyu-yã-sob, na tɛr dʋ̃-kpɛn a ʋ dʋn pʋɔ, ɛ́ kõ nʋɔr nyɔw dʋ̃-bàal maal'ɩ bàwr kʋ̀ m a! Baw-bio sob'ʋ, bʋ̃ʋ n'ʋ vɛ̃, ɩ̃ ɩ n na-kpɛ̃ɛ a nɩ-bʋʋr-yoru na zɔrɛ a. A mãa, Sore Kpɛnʋ-za-sob, mãa n'ʋ yere.»

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Wulu-ayi-sob 6:4

«Nyɩ wone, Ɩsɩrayɛl bʋʋrɛ ɛ, a Sore tɩ Naaŋmɩn n'ɩ a Sore been yõ.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

1 Samɩɛl 2:10

A Sore dɔ̃ dem a, bɛ na ƴɛ́r bɛ na ŋmɛr, a bɛl ƴãw a, a Sore na be n a salom zu, ɛ́ gbiwre mɛ̃ saa a, bʋ̃ʋ n'ʋ vɛ̃, ʋlɛ n'ʋ dɩrɛ nɩ a tẽ-daa za a ƴɛ̀rʋ. Ʋ na ɩ n a ʋ nãà ʋ kpɛmɛ, ʋ na ɩ n a ʋ nɩ-kabra kpɛmɛ dɔwlɩ.»