Zakari 14:8 - A SƐB-SÕW

⁸ A lɛn daar a, kʋ̃ɔ na bule na yire a Zerizalɛm, a ŋmãa zɔrɛ cere a Kʋ̃ɔ-kpɛ̃ɛ-kũu lowr, ɛ́ a ŋmãa zɔrɛ cere a Mediterane kʋ̃ɔ-kpɛ̃ɛ lowr, a yũon za, a ũon nɩ a sɩ̃ɔ.

Zakari 14:8 ပူးပေါင်းရင်းမြစ်များ

A Yielu za pʋɔ yiel-vla vla 4:15

Fʋ ɩ n bule a zaadɛnɩ sɔwlɩsɔw, kʋ̃ɔ-walwal na bule yire a Libã tãw zu gbɔlɛ siwr a.

Ɩzayi 35:7

A biir-tʋlʋ kpãkpã na lɩɛb'ɩ gbãtar, ɛ́ a kʋ̃ɔ-nyúur tẽw lɩɛbɩ bul-nɛ́ɛ tẽw. Bàa-kɛkɛɛ nɩ jimie na bule nɩ a be gbõgbo-cili na tɩ kpɩɛr a.

Ɩzayi 49:10

Kɔ̃ nɩ kʋ̃ɔ-nyúur kʋ̃ lɛb kpɛ bɛ ɩ. A wɛja-kpalɛ sɛsɛb-tʋlʋ nɩ a mʋ̃tɔ̃w kʋ̃ lɛb dɩ bɛ ɩ. Bʋ̃ʋ n'ʋ vɛ̃, ɩ̃ na tɛr bɛ na nɩ nɔ̃wfʋ cen nɩ bul-nɛ́ɛ na ɩ ɓaar ɓaar a pɛr.

Ɩzayi 58:11

A Sore na wule fʋ nɩ a sɔ́r kʋralɛ. A wɛja-kpalɛ pʋɔ tɛɛ za a, ʋ na kʋ̀ b'ɩ bʋ̃-dɩrɩ ɛ́ ɩ fʋ lɛb tɛr fãw. Fʋ na ɩ na mɛ̃ zaadɛ̃ na bùr ʋ za a, mɛ̃ bul-nʋɔr a kʋ̃ɔ na bɛ sɩrɛ a.

Zowɛl 2:20

A nyɩ dɔ̃ dem na yi a Saa-pɛrɩ́-gʋba-lowr waar a, ɩ̃ na diw bɛ na bɛr, ɩ̃ na diw bɛ na bɛr tẽ-kpalɛ kon pʋɔ bɛ zãá, ɩ̃ na diw nɩ a bɛ zɛbr-nɩbɛ na de niwn a ƴãw Kʋ̃ɔ-kpɛ̃ɛ-kũu pʋɔ, ɛ́ diw a pùor dem ƴãw a Mediterane kʋ̃ɔ-kpɛ̃ɛ pʋɔ. A bɛ kũuni na nyuur'ɩ faa faa pàw a zie za. A Sore maal'ɩ yel-bɛrɛ.

Mise 4:2

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Zakari 14:4

A lɛn daar a, ʋ na àr'ɩ a Olivʋ tɩɩr tãw zu na pɩɛlɩ a Zerizalɛm, a tẽw saa-pɛrɩ́ a. A Olivʋ tɩɩr tãw na ɓar'ɩ ziir ayi, ɛ́ fʋɔl-kpɛ̃ɛ sãá, yi a saa-pɛrɩ́ ɛ́ cen tɩ ta a mʋ̃tɔ̃w-kpɛb-lowr. A tãw lõbowr kãw na taw na cen a saa-pɛrɩ́-gʋba-lowr, ɛ́ a lõbowr kãw taw cen a saa-pɛrɩ́-dʋrʋ-lowr.

Luka 24:47

ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.”

Zã 4:10

A Yeezu tɩ sɔw ʋ na yel: «Fʋ̃ʋ tɩ ɩ mɛ̃ fʋ bãw nɩ a Naaŋmɩn bʋ̃-kʋ̀ra a, nɩ ãa n'ɩ a sob ŋa na yere a fʋ zie: “Kʋ̀ m kʋ̃ɔ ɩ̃ nyũ” a, fʋ̃ʋ n'ʋ nãá nɩ̃ɛ zɛlɩ ʋ, ʋʋ nãá kʋ̀ b'ɩ kʋ̃ɔ na bùle yire a.»

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Zã 5:4

Tɛm kãw pʋɔ, Sore malkɩ mɩ́ siw na dam a kʋ̃ɔ a ɓuule, ɛ́ sob nɛ wa de niwn siw a kʋ̃ɔ na ɓuule a pʋɔ a, a ʋ bàalʋ saa ŋmɛ̃ ŋmɩŋmɩn a, a mɩ́ baar'a.]

Zã 7:38

“A ʋlɩ sob na sàw de m a, mamɛ na zɔrɛ nɩ kʋ̃ɔ yire a ʋ pʋ̃ɔmɩ”, mɛ̃ a lɛ a Sɛb-sõw na yel a.»

Yel-wula 22:17

A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.