Zakari 14:4 - A SƐB-SÕW

⁴ A lɛn daar a, ʋ na àr'ɩ a Olivʋ tɩɩr tãw zu na pɩɛlɩ a Zerizalɛm, a tẽw saa-pɛrɩ́ a. A Olivʋ tɩɩr tãw na ɓar'ɩ ziir ayi, ɛ́ fʋɔl-kpɛ̃ɛ sãá, yi a saa-pɛrɩ́ ɛ́ cen tɩ ta a mʋ̃tɔ̃w-kpɛb-lowr. A tãw lõbowr kãw na taw na cen a saa-pɛrɩ́-gʋba-lowr, ɛ́ a lõbowr kãw taw cen a saa-pɛrɩ́-dʋrʋ-lowr.

Zakari 14:4 ပူးပေါင်းရင်းမြစ်များ

2 Samɩɛl 15:30

A Daviir tɩ kone na dúor'ɩ a Olivʋ tɩɩr tãw. Ʋ tɩ pàw nɩ a ʋ zu, ɛ́ cere nɩ gbɛ-zawlɛ. A bɛlɩ dem za na tɩ lãw nɩ ʋ dúor a mɩ̀ tɩ pàw nɩ a bɛ zuru ɛ́ kone.

Ezekɩɛl 11:23

Al pùorí, a Sore yúor-vɩɛlʋ-danʋ tɩ ìr'ɩ a tẽ-kpɛ̃ɛ sɔwlɩsɔw zu-sɔw ɛ́ tɩ cen tɩ àr a tãw na be a Zerizalɛm saa-pɛrɩ́ a zu.

Ezekɩɛl 38:20

A man zʋ́mɛ́, a saa-zu lili, a wɛ-dʋn, a wɩɩr na vure a tẽsɔw a nɩ a nɩsaalbɛ na be a tẽw zu a, bɛ za na màwr'ɩ dɛ̃bɩ̃-mawfʋ a ɩ̃ niŋé. A tan na ƴɛ́r'a siw, a pìe na lo n tẽw, dacin kãw za kʋ̃ àr ɛ.

Ezekɩɛl 43:2

Lɛ n'a ɩ̃ tɩ nyɛ̃ a Ɩsɩrayɛl Naaŋmɩn yúor-vɩɛlʋ-danʋ ʋ yi a saa-pɛrɩ́ waar. A gɔmɛ ʋ na tɩ ɩrɛ a ŋmɛ̃ na taa nɩ kʋ̃ɔ-kpɛ̃ɛ gɔmɛ, ɛ́ a ʋ cãà tɩ caalɛ a tẽw.

Habakukɩ 3:6

Ʋlɛ wa tɛw àr a, a tẽsɔw mɩ́ gbiwre na, ʋ mɩ́ jɩ́r'ɩ a nɩ-bʋʋrɛ bɛ màwr. A tã-kore kore dam'a, a tãli-kore yʋʋr'a, al na tɩ ɩ a ʋ sɛ́ɛ a koro za ʋ tuur a.

Zakari 14:10

A vuo ʋl za na viiri koli a Zerizalɛm a na lɩɛb'ɩ zi-tɩ̃tal, yi a Geva na be a saa-pɛrɩ́-gʋba-lowr a, ɛ́ tɩ ta a Irimon a saa-pɛrɩ́-dʋrʋ-lowr. A Zerizalɛm na do na gãw a zie na jil koli ʋ a, ɛ́ a tẽw na yi n a Bɛ̃zamɛ dɩ̃dɔr ƴãw ɛ́ cen tɩ tɔ a Dacĩ-gõgon dɩ̃dɔr, a be a dɩ̃dɔr kʋra na tɩ be a, ɛ́ lɛb yi a Hananeyɛl yir-cõcowla ƴãw, ɛ́ cen tɩ ta a nãà divɛ̃ tɩɩr wɔmɛ nɛbrʋ ziir.

Zakari 14:7

Daar kãw a Sore yõ na bãw a, a zie na mɩ́ nyɛrɛ nɩ kʋralɛ, mʋ̃tɔ̃w nɩ tɩ̃ɩsɔw kʋ̃ cãà be ɩ, a zaanʋɔra tɛɛ za a, a zie na mɩ́ nyɛrɛ na.

Zakari 14:8

A lɛn daar a, kʋ̃ɔ na bule na yire a Zerizalɛm, a ŋmãa zɔrɛ cere a Kʋ̃ɔ-kpɛ̃ɛ-kũu lowr, ɛ́ a ŋmãa zɔrɛ cere a Mediterane kʋ̃ɔ-kpɛ̃ɛ lowr, a yũon za, a ũon nɩ a sɩ̃ɔ.

Zakari 4:7

Ʋ tɩ yel'a ƴãw pʋɔ: «A tã-kpɛ̃ɛ ŋa ɩ n bɩwra bɩɩ? Zorobabɛl na ɩ na ʋ lɩɛbɩ zi-tɩ̃tal. Ʋ na tuw ʋ na ír a kʋsɩɛr, a na fɛr k'ʋʋ ƴãw a Ŋmɩn-yir-kpɛ̃ɛ zu-sɔw a. Bɛ na cɩɩrɛ na: “Nyɛ̃ ʋ na vɩɛl a! Nyɛ̃ ʋ na vɩɛl a”!»

Markɩ 11:23

Yel-mɩŋa sɩza n'a ɩ̃ yere kʋ̀rɛ nyɩ, nɩr wa yel a tãw ŋa: “Ìr a ka cen tɩ lo kʋ̃ɔ-kpɛ̃ɛ pʋɔ”, ɛ́ bɛ bʋ́nɛ a ʋ tɩɛrʋ pʋɔ, ɛ́ sàw de nɩ ʋ pʋɔ za k'aa na tu n a lɛ a, ʋ na nyɛ̃ na a tu a lɛ a ʋ zie.