Zakari 14:16 - A SƐB-SÕW

¹⁶ A lɛn daar a, a nɩ-bʋʋrɛ bɛl na zɛb'ɩ a Zerizalɛm a, a bɛ nɩbɛ na cɛ a na mɩ́ do n a Zerizalɛm yũon za, tɩ puori a Sore, a Kpɛnʋ-za-sob, ɛ́ maalɩ a Pɛn-sɛwr cuw.

Zakari 14:16 ပူးပေါင်းရင်းမြစ်များ

2 Bibie za yel-manɩ 8:13

Mɛ̃ a lɛ a Moyiir na yel kɛ́ bɛ tuur bibir za a, ʋ mɩ́ tɩ maal'ɩ bagɛ a pɩ̃ɛnʋ-bibir, cuw-paalɛ daar, nɩ a cuw-bɛrɛ ata á ŋá daar: a dipɛ̃ na bɛ ƴãw dãbɩl a cuw, a bʋ̃-dieri cuw nɩ a Sɛwr cuw.

Ɛsɩdɩrasɩ 3:4

Al pùorí, a Ɩsɩrayɛl nɩbɛ tɩ maal'ɩ a Sɛwr cuw mɛ̃ a lɛ na sɛb a. Bibir za, bɛ mɩ́ tɩ maal'ɩ a nyɩw-a-za-bagɛ lɛ nʋɔr na ƴãw a.

Sɛb-sõw yielu 66:4

A tẽ-daa nɩbɛ za gbine nɩ dume a fʋ niŋé, bɛ yiele na danɛ nɩ fʋ, bɛ yiele na danɛ nɩ a fʋ yúor.» Tɛw-àrʋ

Ɩzayi 18:7

Lɛ n'a bɛ na wa n bʋ̃-kʋ̀rɩ wa kʋ̀ a Sore, a kpɛnʋ-za-sob, a nɩ-bʋʋrɛ bɛ ŋa yúor ƴãw, a nɩ-bʋʋrɛ bɛ ŋa na kɛrɩ ɛ́ a ƴã-gamɛ nyɩlɛ a, a nɩ-bʋʋrɛ bɛ ŋa bɛ na zɔrɛ a ka tɩ tɔ a tẽw baarʋ zie a, a nɩ-bʋʋrɛ bɛ ŋa na kpɛmɛ nɛbr a bɛ dɔ̃ dem nɩ gbɛ́ɛ ɛ́ a mamɛ põ a tẽw a. Bɛ na wa n nɩ a bʋ̃-kʋ̀rɩ á ŋá a Sɩyɔ̃ tãw zu, a be a Sore, a kpɛnʋ-za-sob, na kpɩɛr a.

Ɩzayi 19:21

A Sore na ɩ na a Eziptɩ tẽw dem bãw ʋ, ɛ́ a ʋlɩ bibir nɛ a, a Eziptɩ tẽw dem na bãw nɩ a Sore. Bɛ na tɛr'ɩ a bàwr-maal-tome nɩ a de-kʋ̀b bome tome a ʋ zie. Bɛ na kone nɩ nɛ́ɛ a Sore zie ɛ́ íre a.

Ɩzayi 27:13

A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.

Ɩzayi 6:5

Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Ɩzayi 66:23

À ŋá n'a, cuw-paala za nɩ pɩ̃ɛnʋ-bibir za, a nɩbɛ za na mɩ́ wa wa gbĩ dume a ɩ̃ niŋé.

Zeremi 46:18

A nãà a yúor na dɩ kɛ́: “Sore kpɛnʋ-za-sob” a, yere nɩ à ŋá: “Mãa bɛ wa vʋʋrɛ a na, alɛ bɛ ɩ lɛ, a dɔ̃ sob na wa na. A bɛ tɛr bʋnʋ, mɛ̃ a Tabɔɔr tãw a ɩ, a bɛ tɛr bʋnʋ, mɛ̃ a Karmɛl tãw na do gãw a kʋ̃ɔ-kpɛ̃ɛ a ɩ.”

Zeremi 48:15

Bɛ sãw nɩ a Mowab tẽw bɛr, bɛ cere na kɛ́ bɛ tɩ zɛb'ɩ a ʋ tẽ-bɛrɛ. Bɛ nyɔw nɩ a soja-pɔlɛ vɩɛlɩ vɩɛlɩ zie cere nɩ a kʋb zie.» À ŋá n'a a Na-kpɛ̃ɛ, a yúor na dɩ kɛ́ “Sore kpɛnʋ-za-sob” a, yere:

Zeremi 51:57

«Ɩ̃ na ɩ na a ʋ tõ-tõ-bi-bɛrɛ, a ʋ yã-bãwnbɛ, a ʋ tẽli-kaarbɛ, a ʋ na-kpɛ̃ɛ-lɩɛrbɛ nɩ a ʋ gãdaar nyũ kuoli. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb zaw ìr towtow ɛ. A nãà a yúor na dɩ kɛ́ “Sore kpɛnʋ-za-sob a” n'ʋ yere.»

A naaŋmɩn-ƴèr-manɛ Oze sɛbɛ 12:9

Ɛ́ a Efarayim yere: «Naalʋ tɛwr'a ɩ̃ kpɛ, ɩ̃ bɔ na tɛr a, a ɩ̃ ton za pʋɔ a, yel-bier bɛ ka be ɩ.»

Mise 4:2

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Zakari 14:9

A lɛn daar a, a Sore na dɩrɛ nɩ naalʋ a tẽw za zu. Ʋl yõ n'ʋ bɛ na puore nɩ tʋɔra-siwru mɛ̃ Naaŋmɩn a, a ʋ yúor yõ n'ʋ a nɩsaalbɛ za na bãw.

Zakari 9:7

A dʋ̃w bɛ na bɛ ŋmãa a kɔkɔr a nɛn, nɩ a nɛn ʋl bɛ na kʋ ƴãw tɩbɛ a, ɩ̃ na taw a na faa a bɛ nɛ̃ɛ́. A bɛlɩ dem nãà wa cãà vʋʋrɛ a bɛ pʋɔ a, na ɩ n a ɩ̃ nɩ-sori, mɛ̃ a Zuda dɔwlʋ kãw a. Ekiron na kpɛ n a ɩ̃ nɩ-bʋʋrɛ pʋɔ, mɛ̃ a lɛ a Zebi tẽw dem na tɩ ɩ a.

Malasɩ 1:14

Baw-bio sob'ɩ a nyãnyu-yã-sob, na tɛr dʋ̃-kpɛn a ʋ dʋn pʋɔ, ɛ́ kõ nʋɔr nyɔw dʋ̃-bàal maal'ɩ bàwr kʋ̀ m a! Baw-bio sob'ʋ, bʋ̃ʋ n'ʋ vɛ̃, ɩ̃ ɩ n na-kpɛ̃ɛ a nɩ-bʋʋr-yoru na zɔrɛ a. A mãa, Sore Kpɛnʋ-za-sob, mãa n'ʋ yere.»

Luka 19:38

Bɛ tɩ yere na: «A Naaŋmɩn, ʋ maalɩ a nãà na waar a Sore yúor ƴãw a! Ƴã-ɓaarʋ, a be a salom zu, bɛ cɛ a Naaŋmɩn danʋ a saa-zu za!»

Zã 1:49

A Natanayɛl tɩ lɛb'a yel: «Wul-wul-kara a, fʋ̃ʋ n'ɩ a Naaŋmɩn Bie, fʋ̃ʋ n'ɩ a Ɩsɩrayɛl Nãà!»

Zã 7:2

A Zifʋ mɩnɛ Sɛwr cuw tɩ pɩɛl'a.

Nɩ-toni 15:17

Lɛ n'a a nɩsaalbɛ bɛl na cɛ a na bɔbr a Sore, a nɩ-bʋʋrɛ bɛl za ɩ̃ na bʋɔlɩ kɛ́ bɛ wa ɩ a ɩ̃ nɩ-sori a. À ŋá n'a a Sore yere,

Ʋrɔm 11:16

Bɛlɛ wa de a dipɛ̃-dãw kʋ̀ a Naaŋmɩn a, a dipɛ̃ za n'a bɛ mɩ̀ de kʋ̀ ʋ. Bɛlɛ wa de tɩɛ kãw nyɩgɛ kʋ̀ a Naaŋmɩn a, bɛ mɩ̀ de nɩ a wuli kʋ̀ ʋ.

Ʋrɔm 11:26

Ɛ́ à à ŋá n'a a Ɩsɩrayɛl nɩbɛ za na nyɛ̃ a faafʋ, mɛ̃ à ŋá a Sɛb-sõw na yere a: «Sɩyɔ̃ tẽw n'a a Faarɛ na yi wa, ʋ na ɩ na a Naaŋmɩn bɛ-ƴãwfʋ ɩ-ɩrɩ baarɩ a Zakɔb bʋʋrɛ zie.

Ʋrɔm 11:5

Lɛ mɩ̀ n'a, a ƴɛrɛŋa, nɩbɛ ŋmãa blãlɛ, a Naaŋmɩn na kaa ír a ʋ maalʋ zũú a, mɩ̀ cãà be be.

Yel-wula 11:13

A ʋlɩ pɛr nɛ pʋɔ, a tẽsɔw-kɔbr tɩ dam'ɩ faa faa. A tẽ-kpɛ̃ɛ na põ ziir pie a zi-been tɩ lo na, nɩbɛ túr ayopõi (7 000) kpi a tẽsɔw-kɔbr damnʋ ŋa pʋɔ. Pʋl-vʋ̃ɔ tɩ tɛr'ɩ a bɛl na cɛ a, bɛ danɛ a Naaŋmɩn a be salom zu a.

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»