Zakari 13:9 - A SƐB-SÕW

⁹ Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Zakari 13:9 ပူးပေါင်းရင်းမြစ်များ

2 Samɩɛl 7:24

Fʋ ɩ na bɛ lɩɛbɩ a fʋ nɩ-bʋʋrɛ kʋralɛ, ɛ́ fʋ̃ʋ, Sore e, fʋ lɩɛb'ɩ a bɛ Naaŋmɩn.

A Zɔb sɛbɛ 23:10

Ɛcɛ ʋ bãw nɩ a sɔ́r ʋl ɩ̃ na tuur a: ʋ ƴãw mɛ̃ nɩ kpɩɛrʋ pʋɔ, ɛcɛ ɩ̃ na yi na nyɩwrɛ mɛ̃ salm-zɩɛ bɛ na zuw ír a.

A Zɔb sɛbɛ 28:1

Yel-mɩŋa n'a, salm-pla bɔwrɩ be n be, ɛ́ salm-zɩɛ yɩɩlʋ ziir be be.

Sɛb-sõw yielu 144:15

Zu-nʋ̃ɔ̀ dem'ɩ a nɩ-bʋʋrɛ bɛl na tɛr à à ŋá za a, zu-nʋ̃ɔ̀ dem'ɩ a nɩ-bʋʋrɛ a Sore na ɩ a bɛ Naaŋmɩn a!

Sɛb-sõw yielu 43:4

Lɛ n'a ɩ̃ na taw pɩɛlɩ a fʋ bàwr-maal-kuur, ɩ̃ na taw pɩɛlɩ a fʋ̃ʋ tɔr za, fʋ̃ʋ Naaŋmɩn na ɩ a ɩ̃ nʋ̃ɔ̀ nɩ a ɩ̃ cɩlʋ a. Ɩ̃ na ŋmɩɛr'ɩ a korijom danɛ nɩ fʋ, Naaŋmɩn i, fʋ̃ʋ na ɩ a ɩ̃ Naaŋmɩn a!

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

Zʋkpaɩ 17:3

Vũu n'a bɛ mɩ́ ɩ n a salm-zɩɛ nɩ a salm-pla kaa bãw a vɩɛlʋ, ɛcɛ a Sore n'ʋ mɩ́ ɩ a socie kaa bãw a vɩɛlʋ.

A Yielu za pʋɔ yiel-vla vla 2:16

Ɩ̃ so nɩ a ɩ̃ nɩ-nɔna, ʋʋ mɩ̀ so m. Ʋ àr'ɩ nɩ a ʋ dʋn a lisɩ mɔ̃-puuru pʋɔ.

Ɩzayi 43:2

Fʋ̃ʋ wa gãwnɛ a kʋ̃ɔnɩ a, ɩ̃ na be n a fʋ zie, fʋ̃ʋ wa gãwnɛ a mamɛ a, fʋ bɛ tuur kʋ̃ɔ ɩ. Fʋ̃ʋ wa cere a vũu sɔgɔ a, a bɛ dɩrɛ fʋ ɛ, a vũu-zɛlɛ bɛ tʋɔr fʋ ɛ.

Ɩzayi 48:10

Ɩ̃ ɩ na nyɩ lɛb vɩɛl, ɛ́ a bɛ ɩ a vũu na mɩ́ ɩ a salm-pla ʋ vɩɛl a pʋɔ n'a ɩ, kpɩɛrʋ vũu pʋɔ n'a.

Ɩzayi 58:9

Fʋ̃ʋ mɩ́ wa bʋɔlɛ a lɛn daar a, a Sore na mɩ́ sàw na. Fʋ̃ʋ mɩ́ wa kõ bʋɔlɩ a, ʋ na mɩ́ yel'a: «Mãa n'ɩ ŋan!» Fʋ̃ʋ wa ír a fɛrʋ na fɛrɛ a nɩbɛ a bɛr a fʋ tẽw pʋɔ a, fʋ̃ʋ wa bɛr a nobir vɛlʋ nɩ a po-to-ƴɛ̀rʋ a,

Zeremi 24:5

À ŋá n'a a mãa Sore, a Ɩsɩrayɛl Naaŋmɩn, yere: Nʋ̃ɔ̀ ɩrɛ nɩ a kãkã-vɩɛlɩ á ŋá jɩ́rʋ ƴãw. Lɛ n'a ɩ̃ jɩ́rɛ a Zuda tẽw dem bɛ na ír a bɛ tẽw a nɩ nɔ̃wfʋ, a bɛl ɩ̃ na diw a ka tɩ sãá nɩ a Babɩlɔn tẽw a.

Zeremi 30:22

A lɛ pʋɔ a, nyɩ na lɛb'a ɩ a ɩ̃ nɩbɛ, ɩ̃ɩ ɩ a nyɩ Naaŋmɩn.»

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zeremi 32:38

Bɛ na lɛb'a ɩ a ɩ̃ nɩbɛ, ɩ̃ɩ ɩ a bɛ Naaŋmɩn.

Zeremi 9:6

A na ɩ à ŋá a, à ŋá n'a a Sore, a kpɛnʋ-za-sob yere: «Vũu n'a ɩ̃ na ír'ɩ a bɛ dɛwr bɛr, ɩ̃ɩ na nyɛ̃ nɩ a lɛ bɛ na ŋmɛ̃ a. Bʋ̃ʋ n'ʋ ɩ̃ na lɛb tʋ̃ɔ́ ɩ a ɩ̃ nɩbɛ yel-faar ƴãw?

Ezekɩɛl 11:20

Lɛ n'a nyɩ na tuur a wulu ɩ̃ na kʋ̀ nyɩ a, nyɩ na maal'a ɩrɛ a ɩ̃ nɛ́ɛ ƴãw, ɛ́ sàwr a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Ezekɩɛl 14:11

À ŋá n'a a Ɩsɩrayɛl nɩbɛ kʋ̃ lɛb bɔr zãá nɩ mɛ̃ ɩ. Bɛ kʋ̃ lɛb ɩ dɛwr dem a bɛ sãwna za zũú ɛ. Ɛcɛ bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn.» À ŋá n'a a Sore Naaŋmɩn yel.

Ezekɩɛl 20:38

Ɩ̃ na diw nɩ a bɛl na gaarɩ ɛ́ bɛ sàw a ɩ̃ nʋɔr a, a nyɩ pʋɔ. Ɩ̃ na ɩ na bɛ yi a ten al bɛ na kpɩɛr a, ɛcɛ bɛ kʋ̃ cen a Ɩsɩrayɛl tẽw pʋɔ ɩ. Lɛ n'a nyɩ na bãw kɛ́ mãa n'ɩ a Sore.

Ezekɩɛl 36:28

Lɛ n'a nyɩ na kpɩɛr a tẽw ʋl ɩ̃ na kʋ̀ a nyɩ sãàkʋm-kore a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Ezekɩɛl 37:27

Ɩ̃ na kpɩɛr'ɩ a nyɩ sɔgɔ. Ɩ̃ na ɩ n a nyɩ Naaŋmɩn ɛ́ nyɩ ɩ a ɩ̃ nɩ-bʋʋrɛ.

Levitɩ mɩnɛ 26:12

Ɩ̃ na be n a nyɩ zie kʋralɛ ɩ a nyɩ Naaŋmɩn, ɛ́ nyɩ ɩ a ɩ̃ nɩ-bʋʋrɛ.

Zakari 10:6

Ɩ̃ na ɩ na a Zuda nɩbɛ tɛr fãw, ɩ̃ na faa nɩ a Ɩsɩrayɛl nɩbɛ. Ɩ̃ na lɛb'a tɛr bɛ wa n a bɛ tẽw, ɛ́ wul bɛ a ɩ̃ nɔ̃wfʋ, mɛ̃ ɩ̃ bɛ dãw jɛ bɛ bɛr towtow a. Ɩ̃ ɩ n a Sore bɛ Naaŋmɩn, ɩ̃ɩ na sàw na de a bɛ puoru.

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Zakari 8:8

Ɩ̃ na ɩ na bɛ yi a be lɛb wa wa kpɩɛr a Zerizalɛm. Bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn. Ɩ̃ na dɩrɛ nɩ naalʋ a bɛ zu, nɩ yel-mɩŋa nɩ mɩnʋ.»

Nɩ-toni 2:21

Lɛ n'a, sob nɛ za nãà wa bʋɔlɛ a Sore a na nyɛ̃ a faafʋ.”»

Ebre 8:10

A Sore yere na, a Wõ-taa n'ɩ ŋa ɩ̃ na na maal'ɩ a Ɩsɩrayɛl nɩbɛ, a bibie al pùorí a: Ɩ̃ na ƴãw nɩ a ɩ̃ Wulu a bɛ tɩɛrʋ pʋɔ, ɩ̃ na sɛb ʋ na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

1 Pɩɛr 4:12

Ɩ̃ nɩ-nɔnɩ za a, nyɩmɛ wa be a kpɩɛrʋ vũu pʋɔ a, a ta ùr nyɩ mɛ̃ yel-bʋ̃-bom kãw n'ʋ tarɛ nyɩ ɛ.

Yel-wula 21:7

A bom ŋa n'ʋ a sob nɛ na zɛb tʋ̃ɔ́ a na páw, ɩ̃ɩ na ɩ n a ʋ Naaŋmɩn, ʋʋ ɩ a ɩ̃ bie.

Yel-wula 8:10

A malkɩ ata sob tɩ pɛbl'ɩ a ʋ wɩ́ɛ. Ŋmar-bi-kpɛ̃ɛ na tɩ dɩrɛ mɛ̃ mɔ̃-'lena vũu a tɩ yi n a salom zu wa lo. Ʋ tɩ lo n a mamɛ nɩ a bul-nɛ́ɛ na põ ziir ata a zi-been zu.

Yel-wula 8:11

A ŋmar-bir nɛ yúor dɩ na kɛ́ Lɔw. A kʋ̃ɔnɩ na põ ziir ata a, a zi-been tɩ tome na, ɛ́ nɩ-yaga na tɩ nyũ a a, tɩ kpi na, a kʋ̃ɔ na tɩ tome a ƴãw.

Yel-wula 8:12

A malkɩ anaar sob tɩ pɛbl'ɩ a ʋ wɩ́ɛ. Bɛ tɩ ŋmɛ n a mʋ̃tɔ̃w na põ ziir ata a zi-been, nɩ a cuw na põ ziir ata a zi-been, lãwnɩ a ŋmar-bie na põ ziir atarɩ a zi-be-ƴeni, a ɩ lɛ a põ ziir-atarɩ á ŋá zi-be-ƴeni tɩ liw. A bibir cãà na põ ziir ata a, a zi-been cãà bɛ tɩ cãà caalɛ ɩ, ɛ́ lɛ n'a a mɩ̀ tɩ ŋmɛ̃ a tɩ̃ɩsɔw ƴãw.

Yel-wula 8:7

A dãw-niwn sob tɩ pɛbl'ɩ a ʋ wɩ́ɛ. Sa-bi-kube nɩ vũu na jɛr zɩ̃ɩ a tɩ lo n a tẽw zu. A tẽw na põ ziir ata a zi-been tɩ dɩ n vũu. A tɩɩr na põ ziir ata a zi-been mɩ̀ tɩ dɩ n vũu, lãwnɩ a mɔ̃-ɓaar za.

Yel-wula 8:8

A malkɩ ayi sob tɩ pɛbl'ɩ a ʋ wɩ́ɛ. A tɩ ɩ na mɛ̃ tã-kpɛ̃ɛ na nyɔw vũu dɩrɛ a n'ʋ bɛ lɔb ƴãw a kʋ̃ɔ-kpɛ̃ɛ pʋɔ a. A kʋ̃ɔ-kpɛ̃ɛ na põ ziir ata a zi-been tɩ lɩɛb'ɩ zɩ̃ɩ.

Yel-wula 8:9

A bʋ̃-íri na vʋʋrɛ a kʋ̃ɔ-kpɛ̃ɛ pʋɔ ɛ́ põ ziir ata a, a zi-been dem tɩ kpi na, ɛ́ a gbee na põ ziir ata a, a zi-been dem tɩ sãw na.