Zakari 12:8 - A SƐB-SÕW

⁸ A lɛn daar a, a Sore na gù n a Zerizalɛm nɩbɛ: a bɛl na bɛ tɛr fãw kãw za a bɛ pʋɔ a na kpɛmɛ na mɛ̃ a Daviir a, ɛ́ a Daviir bʋʋrɛ ɩ mɛ̃ a Naaŋmɩn a bɛ zie a, mɛ̃ a Sore malkɩ na de bɛ niwn a.

Zakari 12:8 ပူးပေါင်းရင်းမြစ်များ

Sɛb-sõw yielu 8:5

ɩ̃ mɩ́ sowre nɩ ɩ̃ tʋɔra: Bʋ̃ʋ pãa n'ɩ a nɩsaal fʋ tɛr a ʋ tɩɛrʋ a, bʋ̃ʋ n'ɩ a nɩsaal bie fʋ kaarɛ ʋ zie à ŋá?

Sɛb-sõw yielu 82:6

Mãa yel'a: naaŋmɩmɛ n'ɩ nyɩ, nyɩ za, a Naaŋmɩn-na-do-saa-bɛ-pɩɛl-a bibiir'ɩ nyɩ za.

Eziptɩ tẽw yib 14:19

A Naaŋmɩn malkɩ na tɩ de a Ɩsɩrayɛl nɩbɛ niwn a tɩ wa na wa be a bɛ pùorí. A zũzuwr na tɩ be a bɛ nidaa a mɩ̀ tɩ wa na wa be a bɛ pùorí.

Eziptɩ tẽw yib 33:2

Ɩ̃ na tõ n a ɩ̃ malkɩ ʋ de nyɩ niwn. Ɩ̃ na diw nɩ a Kanãa tẽw dem nɩ a Amoritɩ mɩnɛ, a Hititɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ.

Ɩzayi 30:26

A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ, ɛ́ sanɩ a bàalʋ bɛ na ŋmɛ bɛ ƴãw a, a cuw cãà na ɩ na mɛ̃ a mʋ̃tɔ̃w cãà a, ɛ́ a mʋ̃tɔ̃w cãà caalɩ gb'a ayopõi dɔwlɩ.

Ɩzayi 31:4

À ŋá n'a a Sore ƴɛ̀r a ɩ̃ zie: «A gbẽw bɩɩ a gbẽw-bile wa kone bɛ sàwr'ɩ a bom ʋ na nyɔw a ƴãw a, bɛlɛ saa bʋɔlɩ dʋ̃-cɩ̃ɩnbɛ yaga yaga ɓã taa a ʋ ƴãw a, a bɛ cɛlsɩ bɛ ɩrɛ ʋ dɛ̃bɩ̃ɛ ɩ, a bɛ gɔmɛ bɛ damnɛ ʋ ɛ. À ŋá n'a a na ŋmɛ̃ a lɛn daar a mãa, a Sore kpɛnʋ-za-sob, nãà wa siw a Sɩyɔ̃ tãw zu k'ɩ̃ɩ tɩ zɛb a zɛbr a.»

Ɩzayi 33:24

A Zerizalɛm nɩr kãw za kʋ̃ lɛb yel: «Ɩ̃ ɩ n bàal» ɛ. A tẽ-kpɛ̃ɛ ŋa nɩbɛ na páw nɩ a bɛ yel-bebe suur.

Ɩzayi 49:7

A Sore, a Ɩsɩrayɛl ya-diere, a ʋ Naaŋmɩn na ɩ sõw a, ƴɛ̀rɛ na. À ŋá n'a ʋ yere a fʋ zie, fʋ̃ʋ a nɩbɛ na bɛ bʋɔlɛ nɩr a, fʋ̃ʋ bɛ za na hɩ̃ɛn a, fʋ̃ʋ na ɩ a na-po-to-dem gbãgbaa a: «A na-mɩnɛ wa nyɛrɛ fʋ a, bɛ na ìr'ɩ a bɛ dà-kɔwr zu. A bɛlɩ dem na dɩ nɩ-kpɛ̃ɛnʋ a wa nyɛ b a, bɛ na gũu nɩ a fʋ niŋé». A na ɩ n à à ŋá a Sore ƴãw, ʋl na ŋmɛ̃ ʋ ŋmɛ̃a a, a Ɩsɩrayɛl Naaŋmɩn na ɩ sõw a ƴãw, ʋl na kaa ír fʋ a.

Ɩzayi 53:3

A nɩbɛ za tɩ jewr'ʋ na ɛ́ zawr'ʋ bɛr. Nɩr na wone tuo a tɩ n'ʋ, nɩr na mili nɩ a 'wɔbrʋ a. Ʋ tɩ ɩ na mɛ̃ nɩr nɩr za na bɛ bɔbr k'ʋʋ jɩ́r kaa a. Tɩ tɩ jewr'ʋ na, tɩ tɩ nyɛ̃ ʋ na ʋ bɛ ɩ bom za ɩ.

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

Zeremi 27:10

Ɛcɛ, a al za bɛ na yere kʋ̀rɛ nyɩ a ɩ n ziri. Nyɩmɛ wa bɛrɛ wone bɛ a, bɛ na diw nyɩ na zãá nɩ a nyɩ tẽw. Sɩza, ɩ̃ na diw nyɩ na yaarɩ a ziir za, ɛ́ nyɩ na tɩ kpi na.

A naaŋmɩn-ƴèr-manɛ Oze sɛbɛ 1:7

Ɛcɛ a Zuda yir nɩbɛ a, ɩ̃ na nɔnɛ bɛ na. A mãa Sore bɛ Naaŋmɩn, ɩ̃ na faa bɛ na, ɛ́ a bɛ faafʋ ƴãw a, ɩ̃ kʋ̃ tɛr tam nɩ zɛbr-sɔ-kpɛ̃ɛ yel-ɩra ɩ, ɩ̃ kʋ̃ tɛr zɛbr nɩ wie nɩ wi-zɔmnbɛ yel-ɩra ɩ.»

A naaŋmɩn-ƴèr-manɛ Oze sɛbɛ 12:3

A Sore maalɛ nɩ nɩ a Zuda nɩbɛ ƴɛ̀rʋ. Ʋ na ƴãw na a Zakɔb manɩ a ʋ cenu pɛr, ʋ na dɔwr'ʋ na sɛw nɩ a ʋ ɩ-ɩrɩ.

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

Levitɩ mɩnɛ 26:8

A nyɩ nɩbɛ anũu na mɩ́ diw nɩ dɔ̃ dem kʋba (100) bɛ zɔ, ɛ́ a nyɩ nɩbɛ kʋba diw dɔ̃ dem tùr-pie (10 000), nyɩ na mɩ́ gɔr bɛ na lɔb nɩ a nyɩ zɛbr-sɔ-bɛrɛ.

Mise 5:8

«Ìr a fʋ dɔ̃ dem ƴãw, ŋma bɛ pʋrpʋr bɛ za!»

Mise 7:16

Nɩ-bʋʋr-yoru na nyɛ̃ a na, ɛ́ vĩ kpɛ bɛ, bɛlɛ nɩ a bɛ fãw za bɛ na tɛr a. Nʋɔr na ɓãá bɛ na, bɛ bɛ tɛr ƴɛ̀rʋ ɛ, ɛ́ bãw kɛ́ ɩ won.

Mise 7:8

Alɛ! Nyɩɩm tɩ dɔ̃ dem i! Nyɩ ta laar tɩ ɛ! Tɩmɛ saa lo a, tɩ na lɛb'a ìr. Tɩmɛ saa be lige pʋɔ a, a Sore n'ɩ a tɩ cãà!

Zakari 10:7

A Efarayim nɩbɛ na kpɛmɛ na mɛ̃ gãdaar a, nʋ̃ɔ̀ na ɩrɛ bɛ na mɛ̃ nɩbɛ na nyũ divɛ̃ a. A bɛ bibiir na nyɛ̃ bɛ na nʋ̃ɔ̀ ɩrɛ bɛ, bɛ na cɩlɛ nɩ bɛ za a Sore ƴãw.

Zakari 2:5

Ɩ̃ tɩ zɛw nɩ zu nyɛ̃ bʋ̃-nyɛra kãw: nɩr na tɛr miw-máná a.

Zakari 9:14

A Sore na sãá nɩ a ʋ nɩ-bʋʋrɛ zu-sɔw. A ʋ pĩi na cen na mɛ̃ saa na nyɩwrɩ a. A Sore Naaŋmɩn na pɛbl'ɩ a wɩ́ɛ, ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.

Zakari 9:8

Ɩ̃ na gù n a ɩ̃ tẽw a lõboge za, tʋ̃ɔ́ faa ʋ a zɛbr-nɩbɛ na tɔlɛ a ƴãw, nɩr za kʋ̃ mɩ́ lɛb wa dɔwrɩ a ɩ̃ nɩ-bʋʋrɛ ɩ, bʋ̃ʋ n'ʋ vɛ̃, ƴɛrɛŋa a, ɩ̃ kaarɛ nɩ a bɛ zie.»

Malasɩ 3:1

«À ŋá n'a a Sore, a kpɛnʋ-za-sob, sɔwr nyɩ: “Ɩ̃ tone nɩ a ɩ̃ nɩ-tona k'ʋʋ tɩ puo a sɔ́r bɛr mɛ̃. Bɛ nãà wa bere na, a Sore nyɩ na bɔbr a, kpɛ a ʋ yir-kpɛ̃ɛ pʋɔ. A wõ-taa nɩ-tona nyɩ na gùre a, ʋlɛ n'ɩ ŋan waar.”

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Ebre 11:34

kpiiri vũu-bɛrɛ bɛrɛ bɛr, bɛ bɛ tɩ tʋ̃ɔ́ kpi a zɛbr-sɔ-kpɛ̃ɛ kũu ɛ. Bɛ tɩ lɛb'a nyɛ̃ fãw a bàalʋ pùorí, bɛ tɩ wul'ɩ a zɛbr zie kɛ́ bɛ ɩ n gãdaar, ɛ́ cã a dɔ̃ dem zɛbr-nɩbɛ bɛr bɛ lɛb.

Zozue 23:10

A nyɩ nɩ-been na tʋ̃ɔ́ na diw nɩbɛ túr (1 000), bʋ̃ʋ n'ʋ vɛ̃, a Sore nyɩ Naaŋmɩn lãwnɩ nyɩ na zɛbr, mɛ̃ a lɛ ʋ na yel a.

Yel-wula 22:13

Mãa n'ɩ a Alfa nɩ a Omega, a niw-diere nɩ a po-pàwrɛ, a pɛr-tib nɩ a baarʋ.»

Yel-wula 22:16

«A mãa Yeezu, ɩ̃ tõ n a ɩ̃ malkɩ k'ʋʋ wa dɩ a yele á ŋá dãsɩɛ a nyɩ zie a Lãw-yie ƴãw. Mãa n'ɩ a Daviir bie nɩ a ʋ bʋʋrɛ, a zi-vɩɛ-ŋmara na nyɩwrɛ a.»