Zakari 12:6 - A SƐB-SÕW

⁶ A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

Zakari 12:6 ပူးပေါင်းရင်းမြစ်များ

Ɩzayi 54:3

Bʋ̃ʋ n'ʋ vɛ̃, fʋ na yɛ́r'a pàw a ziir za, a fʋ bibiir na so nɩ a tẽ-kpɔwlɩ, ɛ́ lɛb kpɩɛr a tẽ-bɛrɛ bɛ na bɛ tɩ cãà kpɩɛr a.

Ɩzayi 9:20

Manase dɔwlʋ mɩ́ ìr'ɩ Efarayim dɔwlʋ ƴãw, Efarayim dɔwlʋ ìr Manase dɔwlʋ ƴãw, ɛ́ a za ayi lãw taa Zuda dɔwlʋ ƴãw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Zeremi 30:18

À ŋá n'a a Sore yere: «Ɩ̃ na ɩ na a Ɩsɩrayɛl yie lɛb ŋmɛ̃ mɛ̃ a koro za a, ɩ̃ na zɔ n a bɛ yie nɩbaalʋ. A tẽ-bɛrɛ na lɛb'a mɛ a be a na tɩ be wa lo a, ɛ́ yir-vɩɛlɩ lɛb mɛ a debo-kore zu.

Abɩdɩasɩ 1:18

A Zakɔb nɩbɛ na lɩɛb'ɩ vũu, ɛ́ a Zuzɛb nɩbɛ lɩɛbɩ vũu-zɛlɛ. Ɛcɛ Ezawu nɩbɛ na lɩɛb'ɩ mʋ̃ɔ, a vũu nɩ a vũu-zɛlɛ nyɔw dɩ. Nɩr bɛ cɩɛr a Ezawu bʋʋrɛ pʋɔ ɩ. A Sore n'ʋ yere.»

Mise 4:13

A Sore yere na: «Zerizalɛm nɩbɛ ɛ, nyɩ ìr va a ble! Ɩ̃ na ɩ na nyɩ kpɛmɛ mɛ̃ náab na ƴãw kure ɩ́lɛ́ nɩ kur-zɩɛ nafɩlɛ a. Nyɩ na nɛb'ɩ nɩ-bʋʋr-yaga nɩ gbɛ́ɛ. Ɛ́ a bɛ na-bome nyɩ na na fa a, nyɩ na de a na kʋ̀ m, a mãa Sore, mãa na so a tẽ-daa za a.»

Zakari 1:16

Alɛ n'a so ɩ̃ yere, a mãa, a Sore Kpɛnʋ-za-sob: Ɩ̃ lɛb'a waar a Zerizalɛm nɩ nɩbaal-zɔba. A ɩ̃ yir na lɛb'a mɛ a ʋ pʋɔ, ɛ́ bɛ na lɛb'a mɛ a Zerizalɛm tẽ-kpɛ̃ɛ.»

Zakari 11:1

Libã a, yuo a fʋ pamɛ kɛ̀ vũu dɩ a fʋ sɛɛdɩr tɩɩr.

Zakari 12:5

A Zuda niw-dierbɛ na yere nɩ bɛ tʋɔra: “A Sore, a Kpɛnʋ-za-sob, a Naaŋmɩn zie n'a a Zerizalɛm tẽw dem nyɛrɛ a bɛ fãw.”

Zakari 2:12

A Sore Kpɛnʋ-za-sob na kʋ̀ m tõ-nɔ-kpɛ̃ɛ a, yere nɩ à ŋá a nɩ-bʋʋrɛ bɛl na fá nyɩ a ƴãw: «Nɩr za na tʋɔr nyɩ a, a ɩ̃ bʋ̃-tuo n'ʋ ʋ tʋɔr.

Zakari 2:4

Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Zakari 9:15

A Sore, a Kpɛnʋ-za-sob, na gù n a ʋ nɩ-bʋʋrɛ. Ʋ na lɔb'ɩ a sa-bi-kube sãw nɩ ɛ́ ŋmɛr ŋmɛr bom za na bà gbɛ́r a ʋ niŋé a bɛr: bɛ na ɩ na a dɔ̃ dem zɩ̃ɩ gbɔlɛ mɛ̃ divɛ̃, bɩɩ mɛ̃ a bàwr-maal-zɩ̃ɩ na paalɩ lali-mɩrɩ, ɛ́ pàw a bàwr-maal-kuur ɩ́lɛ́ a.

2 Korɛ̃tɩ 6:7

A yel-mɩŋa tɩ na kanɛ kʋ̀rɛ a nɩbɛ a pʋɔ n'a, nɩ a Naaŋmɩn fãw zũú n'a tɩ bɔbr kɛ́ tɩ wul kɛ́ tɩ ɩ n Naaŋmɩn tõ-tõ-biir. A mɩnʋ ɩ-ɩrɩ a Naaŋmɩn niŋé n'ɩ a zɛbr bome tɩ na tɛr zɛbr'ɩ, ɛ́ gùre nɩ tɩ tʋɔra a.

Yel-wula 20:9

Bɛ yɛ́r'a pàw a tẽw za, ɛ́ ŋmãa jil koli a Naaŋmɩn nɩ-bʋʋrɛ laɩ nɩ a tẽ-kpɛ̃ɛ a Naaŋmɩn na nɔnɛ a. Ɛcɛ, vũu yi n a salom zu siw dɩ bɛ.