Zakari 12:5 - A SƐB-SÕW

⁵ A Zuda niw-dierbɛ na yere nɩ bɛ tʋɔra: “A Sore, a Kpɛnʋ-za-sob, a Naaŋmɩn zie n'a a Zerizalɛm tẽw dem nyɛrɛ a bɛ fãw.”

Zakari 12:5 ပူးပေါင်းရင်းမြစ်များ

Sɛb-sõw yielu 144:1

Daviir so ʋ. A Sore, ɩ̃ pìir, ʋlɛ so yãanɩ, ʋl na zanɛ nɩ mɛ̃ a mɔb ɛ́ cɔbrɛ mɛ̃ a zɛbr ƴãw a.

Sɛb-sõw yielu 18:32

Ãa n'ʋ ɩ Naaŋmɩn ʋ bɛ ɩ a Sore? Ãa n'ʋ ɩ pìir a tɩ ƴãw, ʋ bɛ ɩ a tɩ Naaŋmɩn?

Sɛb-sõw yielu 18:39

Ɩ̃ gɔr gɔr bɛ na, bɛ kʋ̃ lɛb tʋ̃ɔ́ ìr ɛ, bɛ gã nɩ tẽw, ɩ̃ dĩ nɩ bɛ nɩ gbɛ́ɛ.

Sɛb-sõw yielu 46:1

Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Bɛ ŋmɩɛr'ɩ bʋ̃-ŋmɩɛrɩ ƴãwn. Yielu.

Ɩzayi 1:10

Nyɩ bɛrɛ wone a Sore ƴɛ̀rʋ, Sodɔm tẽw nɩ-bɛrɛ ɛ, nyɩ ƴãw tobr a tɩ Naaŋmɩn wulu ƴãw, Gomɔɔr tẽw nɩ-faar i!

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Ɩzayi 1:26

Ɩ̃ na ɩ n a fʋ ƴɛ̀r-dɩrbɛ bɛ lɛb ŋmɛ̃ mɛ̃ a dãwdãw a, ɛ́ a fʋ yã-wulbɛ ɩ mɛ̃ a koro za a. Ɛ́ a pùorí a, bɛ na tʋ̃ɔ́ na bʋɔlɛ fʋ “Mɩnʋ Tẽ-kpɛ̃ɛ” nɩ “Tẽ-kpɛ̃ɛ na bɛ lɛb pùor a”.»

Ɩzayi 28:5

A ʋlɩ bibir nɛ a, a Sore, a kpɛnʋ-za-sob, na ɩ n a ʋ nɩ-bʋʋrɛ na cɛ a nãà-kpawɔ-yúor nɩ kɔkɔrɩ́ bãzɔl-vla vla.

Ɩzayi 28:6

Ʋlɛ n'ʋ na ƴãw a mɩnʋ yã a bɛlɩ dem na zɩ̃ a ƴɛ̀rʋ-dɩb ƴãw a, ɛ́ kʋ̀ a fãw a bɛlɩ dem na canɛ a dɔ̃ dem bɛrɛ a tẽ-kpɛ̃ɛ dɩ̃dɔr ƴãw a.

Ɩzayi 29:10

Bʋ̃ʋ n'ʋ vɛ̃, a Sore gbini nɩ a nyɩ yã, ʋ bɛ sàw a nyɩ naaŋmɩn-ƴɛ̀r-manbɛ nyɛrɛ ɩ, ʋ pàw nɩ a nyɩ yel-nyɛrbɛ niŋe nɩ pɛn.

Ɩzayi 32:1

Nãà na be n be dɩrɛ a naalʋ nɩ mɩnʋ. A nɩ-bɛrɛ na dɩrɛ nɩ a nɩ-kpɛ̃ɛnʋ a nɩbɛ zu mɛ̃ a lɛ a na tu sɔ́r a.

Ɩzayi 45:24

«A Sore yõ zie n'a a mɩnʋ nɩ a kpɛnʋ be.» Bɛlɩ dem za na zɛb'ɩ mɛ̃ a na wa n a ɩ̃ zie, ɛ́ vĩ ɩrɛ bɛ.

Ɩzayi 60:17

Ɩ̃ na ɩ na salm-zɩɛ lɩɛrɩ kur-zɩɛ wa, salm-pla lɩɛrɩ kure wa, kur-zɩɛ lɩɛrɩ a dàar wa, kure lɩɛrɩ a kʋsɛbɛ wa. A ƴã-ɓaarʋ n'ʋ ɩ̃ na ƴãw ʋ jɩ́rɛ fʋ, ɛ́ a mɩnʋ dɩrɛ naalʋ a fʋ zu.

Zeremi 30:21

A Sore yere na: «A bɛ kãw n'ʋ na ɩ a bɛ nɩ-kpɛ̃ɛ, a bɛ kaarɛ na dɔw nɩ a bɛ sɔgɔ. Ɩ̃ na sàw na ʋ taw ta, ʋ na wa n a ɩ̃ zie. Bʋ̃ʋ n'ʋ vɛ̃, ãa n'ʋ na sàw cɛ kũu-pire taw pɩɛlɩ mɛ̃?

Zeremi 33:26

A na ɩ à ŋá a, ɩ̃ na tʋ̃ɔ́ na zawrɩ a Zakɔb bʋʋrɛ, nɩ a ɩ̃ tõ-tõ-bie Daviir bʋʋrɛ bɛr bɩɩ? Ɩ̃ na tʋ̃ɔ́ na zawrɩ, bɛ kaa ír nɩ-bɛrɛ a bɛ pʋɔ, bɛ kaarɛ a Abraham, a Ɩzaakɩ nɩ a Zakɔb bʋʋrɛ zie i? Towtow! Ɩ̃ zɔrɛ nɩ a bɛ nɩbaalʋ, ɛ́ na lɛb maalɩ bɛ ƴãw.”»

Zakari 10:12

Ɩ̃ na ɩ n a ɩ̃ nɩ-bʋʋrɛ bɛ tɛr fãw, bɛ na mɩ́ ɩrɛ na a pɛlɩ a ɩ̃ pʋɔ kʋralɛ. A mãa, a Sore, mãa n'ʋ yel.»

Zakari 10:6

Ɩ̃ na ɩ na a Zuda nɩbɛ tɛr fãw, ɩ̃ na faa nɩ a Ɩsɩrayɛl nɩbɛ. Ɩ̃ na lɛb'a tɛr bɛ wa n a bɛ tẽw, ɛ́ wul bɛ a ɩ̃ nɔ̃wfʋ, mɛ̃ ɩ̃ bɛ dãw jɛ bɛ bɛr towtow a. Ɩ̃ ɩ n a Sore bɛ Naaŋmɩn, ɩ̃ɩ na sàw na de a bɛ puoru.

Zakari 12:4

A lɛn daar a, mãa n'ʋ yere, a mãa Sore, ɩ̃ na ɩ na pʋl-vʋ̃ɔ nyɔw a bɛ wie za, ɛ́ yãyaar tɛr a bɛ wur-zɔmnbɛ. Ɩ̃ na gù n a Zuda nɩbɛ, ɛ́ ɩ a nɩ-bʋʋr-yoru wie za a zɔ̃w.

Zakari 12:6

A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

Zakari 14:14

A Zuda nɩbɛ na zɛbr'ɩ a Zerizalɛm tẽw pʋɔ, bɛ na fa n a tẽ-kpɔwlɩ na-bome za: salm-zɩɛ, salm-pla, nɩ kparɩ na yãwmɛ bɛ tɛr tɛwr a.

Ƴɛ̀r-dɩrbɛ 5:9

A Ɩsɩrayɛl zɛbr-nɩbɛ nɩ-bɛrɛ nɛbɛ ɩ̃ lãw nɩ, nɩ a Naaŋmɩn nɩ-bʋʋrɛ bɛl na sàw de bɛ tʋɔra tɩr a zɛbr ƴãw a. Nyɩ puore a Sore yãanɩ!