Zakari 11:7 - A SƐB-SÕW

⁷ Lɛ n'a ɩ̃ tɩ ɩ a píir, a yɛ-yɛ-nyãnyuwr na tɩ waar na kʋ a, cɩ̃ɩnɛ. Ɩ̃ tɩ de nɩ pi-cɩ̃ɩn-da-kʋrɩ ayi. Ɩ̃ tɩ por'ɩ a dãw-niwn-sob “Báalʋ”, ɛ́ por a ayi sob “Lãw-taa”, ɛ́ kaarɛ a píir zie.

Zakari 11:7 ပူးပေါင်းရင်းမြစ်များ

Sɛb-sõw yielu 23:4

Mãa saa tuur yire a kũu bà-fʋɔl-lige pʋɔ a, ɩ̃ bɛ zɔrɛ yel-faa kãw za ɩ, fʋ na be a ɩ̃ zie a ƴãw: a fʋ dabɔl nɩ a fʋ dakʋra mɩ́ ɩ na k'ɩ̃ bɛr dɛ̃bɩ̃ɛ.

Sɛb-sõw yielu 27:4

Bʋ̃-been yõ n'ʋ ɩ̃ zɛlɛ a Sore zie, bʋ̃-been yõ ɩ̃ na bɔbr tuotuo a: ɩ̃ kpɩɛr a Sore yir pʋɔ a ɩ̃ bibi-vɩɛrɩ za, tʋ̃ɔ́ úore a Sore vɩɛlʋ ɛ́ puore a ʋ yir pʋɔ.

Sɛb-sõw yielu 90:17

A Sore tɩ Naaŋmɩn, ʋ tɛr su-nʋ̃ɔ̀ a tɩ ƴãw, ɛ́ ɩ kɛ̀ maalʋ yi a tɩ nuru tome pʋɔ a tɩ ƴãw, ɩ kɛ̀ maalʋ yi a tɩ nuru tome pʋɔ.

Ɩzayi 11:4

Ʋ na mɩ́ dɩ n a ƴɛ̀rʋ nɩ mɩnʋ kʋ̀ a bãbàalbɛ, ʋ na mɩ́ yel'ɩ a lɛ-na-tu-sɔr-a kʋ̀ a tẽw nan dem. A ʋ ƴɛ̀rʋ na mɩ́ va n a tẽw mɛ̃ dabɔl a, a ʋ nʋɔr pɩɛlʋ na mɩ́ kʋ n a nɩ-faa.

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Zeremi 39:10

Ɛcɛ ʋ tɩ bɛr'ɩ a nɩbɛ pʋɔ nan dem ŋmãa a Zuda tẽw pʋɔ, a bɛlɩ dem na bɛ tɩ tɛr bom za a, ɛ́ tɩ kʋ̀ bɛ divɛ̃ tɩɩr póru nɩ póru a mɩnɛ.

Levitɩ mɩnɛ 27:32

A nĩi, a píir nɩ a bʋʋr ƴãw a, dʋ̃-been n'ʋ bɛ na mɩ́ ƴãw bãwfʋ dʋn pie pʋɔ, de ʋ kʋ̀ a Sore.

Mise 7:14

Sore e, cɩ̃ɩnɛ a nɩbɛ fʋ na so a, nɩ a fʋ na-cɩ̃ɩn-da-kʋra. Bɛ àr'ɩ bɛ yõ zie wɛ-kar pʋɔ tɩ-wɔnɩ zaadɛ̃ na jil koli a. Cɩ̃ɩnɩ bɛ mɛ̃ a dãwdãw a, cen nɩ a Basan tẽw nɩ a Galaadɩ tẽw dʋn mʋ̃ɔ 'wɔbrʋ zie.

Sofoni 3:12

Su-siwri dem nɩ nan dem tɛwr nɛbɛ ɩ̃ na bɛr a nyɩ pʋɔ, ɛ́ bɛ na mɩ́ zɛlɛ na k'ɩ̃ɩ gùre bɛ.

Zakari 11:14

Al pùorí, ɩ̃ tɩ kár'ɩ a dakʋrɩ ayi sob bɛr, a lãw-taa dakʋra, k'ɩ̃ɩ sãw a Zuda nɩ a Ɩsɩrayɛl yɛblʋ bɛr.

Zakari 11:4

Bibir kãw, a Sore ɩ̃ Naaŋmɩn tɩ yel'ɩ à ŋá kʋ̀ m: «Ɩ a píir á ŋá bɛ na na kʋ a cɩ̃ɩnɛ.

Matie 11:5

a zɔn nyɛrɛ na, a wʋbr cere dẽdẽ, a kɔn lɛb vɩɛl, ɛ́ a won wone, a kũuni lɛbr yire, ɛ́ a Yel-nʋ̃ɔ̀ hieri ta a nan dem.

Markɩ 12:37

A Daviir tɔr za bʋɔlɛ ʋ nɩ Sore, ɛ́ ŋmɩŋmɩn za n'a ʋ na tʋ̃ɔ́ ɩ a ʋ bidɛb?» Zu-sɛbla na bɛ tɛr vuo a tɩ bɛrɛ na wone a Yeezu ƴɛ̀rʋ nɩ nʋ̃ɔ̀.

Zã 10:16

Ɩ̃ cãà na tɛr píir a mɩnɛ na bɛ ɩ a zaw ŋa píir a, a fɛr'a k'ɩ̃ɩ mɩ̀ cɩ̃ɩnɛ a. A na bɛrɛ na wone a ɩ̃ ƴɛ̀rʋ, lɛ n'a zaw been yõ nɩ pi-cɩ̃ɩn-been yõ na be be.»

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

1 Samɩɛl 17:40

Ʋ tɩ de nɩ a ʋ dabɔl ƴãw a nũú, ɛ́ siw a fʋɔla pʋɔ tɩ tuuri kʋsɛ-saalɩ anũu ƴãw a ʋ pi-cɩ̃ɩnɛ cɛkɔlɔ pʋɔ, ɛ́ de a ʋ kpala ƴãw a nũú tuore nɩ a Filisɩtɛ̃ dɔɔ.

1 Samɩɛl 17:43

A Filisɩtɛ̃ dɔɔ tɩ yel'ɩ a Daviir: «Baa nɛ m fʋ tɛr dabɔl waar'ɩ a ɩ̃ ƴãw bɩɩ?» Ɛ́ tɩ de a Filisɩtɛ̃ mɩnɛ ŋmɩmɛ ŋmɛ ƴãw nɩ a Daviir.