Zakari 11:5 - A SƐB-SÕW

⁵ A bɛlɩ dem na mɩ́ dà a, mɩ́ ŋmãa a nɩ a kɔkɛɛ ɛ́ bɛ tɩɛrɛ kɛ́ bɛ maal'ɩ faa ɩ, ɛ́ a bɛlɩ dem na mɩ́ kʋɔrɩ a a yere: “Tɩ puori a Sore yãanɩ, tɩ kpɛ n naalʋ!” A cɩ̃ɩnbɛ tɛɛ za bɛ mɩ́ zɔrɛ a nɩbaalʋ ɛ.

Zakari 11:5 ပူးပေါင်းရင်းမြစ်များ

2 Na-mɩnɛ 4:1

Pɔw kãw, a sɩr na tɩ ɩ naaŋmɩn-ƴɛ̀r-manbɛ lãw nɩr a, tɩ wa n bibir kãw wa zɛlɛ a Elize yãayãa, yere nɩ: «A ɩ̃ sɩr kpi na, ɛ́ fʋ bãwnɩ a na ʋ na tɩ zɔrɛ a Sore a. Ƴɛrɛŋa a, a sob nɛ san tɩ na tɛr a, ʋ wa na k'ʋʋ wa de a ɩ̃ bidɛbr ayi, tɩ ƴãw bɛ ɩ a ʋ gbãgbaar.»

Neemi 5:8

Ɩ̃ tɩ yel bɛ na: «Mɛ̃ a lɛ a tɩ fãw na ta a, tɩ ya na de a tɩ bʋʋrɛ nɩbɛ na tɩ kʋɔrɩ bɛ tʋɔra kʋ̀ nɩ-bʋʋr-yoru a. Ɛcɛ nyɩɩm kʋɔrɛ nɩ a nyɩ yɛbr nɩ a nyɩ yeepuuli, ɛ́ a ɩ Zifʋ yoru zie n'a nyɩ kʋɔrɛ bɛ!» Bɛ bɛ tɩ nyɛ̃ ƴɛ̀rʋ za na ƴɛ̀r a ka ɩ, ɛ́ ɩ gbili.

Zeremi 2:3

Ɩsɩrayɛl i, mãa yõ tɩ so b mɛ̃ a bʋ̃-dieri bʋ̃-dan a. Bɛlɩ dem za na mɩ́ tɩ tʋɔr fʋ a, mãa nɩ bɛl mɩ́ tɩ nɛbɛ! Faa mɩ́ tɩ páw bɛ nɩ daadaalɛ. À à ŋá n'a a Sore yel.

Zeremi 50:7

A bɛlɩ dem za na mɩ́ tɩ tuori a a, mɩ́ tɩ vɔl a na, ɛ́ a dɔ̃ dem mɩ́ tɩ yere: “Tɩ bɛ tɛr sãwna ɩ. Bʋ̃ʋ n'ʋ vɛ̃, a nɩbɛ bɛ ŋa sãw nɩ a Sore na ɩ a bɛ taw-lanʋ zie, ɛ́ a bɛ sãàkʋm-kore tɩ ƴãw a bɛ tɩɛrʋ a ʋ ƴãw a.”»

Ezekɩɛl 34:10

Mãa, a Sore Naaŋmɩn, ɩ̃ yere na kʋ̀rɛ nyɩ. Ɩ̃ na ìr'ɩ a nyɩ ƴãw, a nyɩɩm pi-cɩ̃ɩnbɛ. Ɩ̃ na lɛb'a de a ɩ̃ dʋn a nyɩ zie, ɩ̃ na piw nyɩ nɩ sɔ́r a kaafʋ ƴãw. Lɛ n'a nyɩ kʋ̃ mɩ́ lɛb páw tɔnɛ a zie ɩ. Ɩ̃ na faa nɩ a ɩ̃ píir a nyɩ nʋɔrɩ́, ɛ́ a kʋ̃ mɩ́ lɛb ɩ a nyɩ bʋ̃-dɩrɩ ɛ.

Ezekɩɛl 34:21

Nyɩ dáa nɩ a dʋn na bàl a bɛr nɩ a bawŋman nɩ a lõbowr, nyɩ cɔ̀r a na nɩ a ɩ́lɛ́. À ŋá a, nyɩ diw a na yaarɩ a ziir za ír a bɛr a mʋ̃ɔ 'wɔbrʋ zie.

Ezekɩɛl 34:6

A ɩ̃ dʋn cen na tɩ bɔr a tã-bɛrɛ nɩ a tãli zu. A ɩ̃ píir yaar'ɩ a ziir za a tẽw za pʋɔ. Nɩr za bɛ cere a bɔb ɛ, nɩr za bɛ kaarɛ a zie ɩ.

A naaŋmɩn-ƴèr-manɛ Oze sɛbɛ 12:8

A Efarayim ŋmɛ̃ na mɛ̃ a Kanãa tẽw dem na tɛr nyãnyu-bʋ̃-kera a nũú a. Bɛ nɔnɛ nɩ a zub.

A naaŋmɩn-ƴèr-manɛ Oze sɛbɛ 12:9

Ɛ́ a Efarayim yere: «Naalʋ tɛwr'a ɩ̃ kpɛ, ɩ̃ bɔ na tɛr a, a ɩ̃ ton za pʋɔ a, yel-bier bɛ ka be ɩ.»

Amɔsɩ 2:6

À ŋá n'a a Sore yere: «A Ɩsɩrayɛl nɩbɛ na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ kʋɔr'ɩ a nɩ-mɩŋa, libir ƴãw, ɛ́ kʋɔrɩ a nã́w sob nafawr-ɓɛwlɩkɛl ƴãw.

Matie 23:13

«Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ pàw nɩ a tẽ-vla Naalʋ dɩ̃dɔr a nɩbɛ ƴãw: a nyɩɩm tɛɛ za bɛ mɩ́ kpɛ a ʋ pʋɔ ɩ, ɛ́ a bɛlɩ dem na bɔbr a kpɛb a, nyɩ bɛ mɩ́ sàw bɛ na kpɛ ɩ. [

Zã 10:1

«Yel-mɩŋa sɩza sɩza n'a ɩ̃ yere kʋ̀rɛ nyɩ, ʋlɩ sob na bɛ tuur a zaw dɩ̃dɔr ƴãw kpɩɛr a píir zaw pʋɔ, ɛ́ mɩ́ tu zi-yoru do kpɛ a, ʋ ɩ n nyãnyuge, nyãnyu-nɩ-kʋrɛ.

Zã 16:2

Bɛ na diw nyɩ na bɛr a Zifʋ mɩnɛ puoru-dirú. Mɔ̃ mɩ̀, bio waar'a na vɩɛ, bɛ na mɩ́ nyɔw nyɩ kʋ ɛ́ tɩɛrɛ kɛ́ bàwr'ʋ bɛ maalɩ kʋ̀ a Naaŋmɩn.

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.

Yel-wula 18:13

tɩɛ kãw bɛ na bʋɔlɛ kɛ́ kanɛl a pɛgɛ nɩ a bʋ̃-dɩ-mɩɩla bʋʋrɛ a mɩnɛ, parfɛ̃, mɩ́ɩ̀r nɩ tɩ-suur-zɔ̃-na-nyùur-vla-vla-a, divɛ̃, kãá, zɔ̃ nɩ ble, nĩi nɩ píir, wie nɩ wie torkori, gbãgbaar nɩ nɩ-pàwrɩ.

Yel-wula 3:17

Fʋ yere nɩ à ŋá: “Ɩ̃ tɛr a na, ɩ̃ kpɛ n naalʋ, bom za tuo bɛ kpɩɛr mɛ̃ ɩ.” Ɛ́ nɩ̃ɛ bɛ bãw kɛ́ fʋ bɛ tɛr ŋmɛ̃a ɩ, kɛ́ fʋ ɩrɛ nɩ nɩbaalʋ, kɛ́ fʋ ɩ n nã́w sob, zɔ̃w ɛ́ ɩ ƴã-gan zawla ɩ!