Zakari 11:17 - A SƐB-SÕW

¹⁷ Baw-bio sob'ɩ a pi-cɩ̃ɩn-dãbol sob na zawrɛ a ʋ píir bɛrɛ a! A ʋ kpãkpãw nɩ a ʋ dʋrʋ mimir, a sãw a zɛbr zie! A ʋ kpãkpãw ʋ kpi ʋ za, a ʋ dʋrʋ mimir, ʋ ta cãà nyɛrɛ towtow ɛ!

Zakari 11:17 ပူးပေါင်းရင်းမြစ်များ

1 Na-mɩnɛ 13:4

A nãà Zerobowam na wa wõ a ƴɛ̀rʋ a Naaŋmɩn nɩr na ƴɛ̀r a Betɛl bàwr-maal-kuur ƴãw a, ʋ dɔl'ɩ a kpãkpãw a bàwr-maal-kuur zu-sɔw ɛ́ tanɩ: «Nyɩ nyɔw ʋ!» Ɛcɛ a kpãkpãw ʋ na tɩ dɔl cɔw a Naaŋmɩn nɩr a, tɩ kpi na, ʋ kʋ̃ lɛb tʋ̃ɔ́ gùr ʋ wa n a ʋ zie ɩ.

Ɩzayi 29:10

Bʋ̃ʋ n'ʋ vɛ̃, a Sore gbini nɩ a nyɩ yã, ʋ bɛ sàw a nyɩ naaŋmɩn-ƴɛ̀r-manbɛ nyɛrɛ ɩ, ʋ pàw nɩ a nyɩ yel-nyɛrbɛ niŋe nɩ pɛn.

Ɩzayi 44:10

Fʋ maal'ɩ ŋmɩn, fʋ nyɩl'ɩ kure maal'ɩ tɩɩb na kʋ̃ tɛr yel-ɩra kãw za a, nyɛ̃ dãbolu a!

Ɩzayi 9:15

A nɩbɛ bɛ ŋa wul-wulbɛ tuli bɛ na, a bɛlɩ dem bɛ na wule a lo sɔr-faa.

Zeremi 22:1

À ŋá n'a a Sore tɩ yel a Zeremi: «Siw a Zuda tẽw nãà yir. A be a, tɩ ƴɛ̀r a ƴɛ̀rʋ ŋa.

Zeremi 23:1

A Sore yere na: «Nyɛ̃ baw-bio a! A ɩ̃ nɩbɛ kaarbɛ ɩ n dʋ̃-cɩ̃ɩn-faar na bɛr a ɩ̃ dʋn a kpiir ɛ́ bɔrɛ gʋɔr a.»

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.

Ezekɩɛl 13:3

À ŋá n'a a mãa, a Sore Naaŋmɩn, ƴɛ̀rɛ: Baw-bio dem'ɩ a naaŋmɩn-ƴɛ̀r-man-gẽgemi dem bɛl na bɛ mɩ́ nyɛ̃ bom za ɛ́ tuur a bɛ tɩɛrʋ a.

Ezekɩɛl 34:2

«A fʋ̃ʋ nɩsaal bie, ƴɛ̀r naaŋmɩn-ƴɛ̀r-manɛ ƴɛ̀rʋ càar'ɩ a Ɩsɩrayɛl nɩbɛ nɩ-bɛrɛ. Ƴɛ̀r mɛ̃ naaŋmɩn-ƴɛ̀r-manɛ a yel bɛ: À ŋá n'a a mãa Sore Naaŋmɩn yere: Baw-bio páw nyɩ na, a nyɩɩm Ɩsɩrayɛl nɩbɛ cɩ̃ɩnbɛ! Nyɩ kaarɛ nɩ nyɩ mɩŋa zie! A píir zie bɛ tʋ̃ɔ́ n'a a pi-cɩ̃ɩnbɛ mɩ́ sɛw kɛ́ bɛ kaarɛ ɩ?

Zakari 10:2

A tɩbɛ nyɩ na mɩ́ sowri a, a mɩ́ ŋma n ziri kʋ̀ nyɩ. A bàwr-bʋwrbɛ mɩ́ wul'ɩ yele na bɛ ɩ sɩza a. A zánʋ bɛ na mɩ́ manɛ a, bɛ tɛr pɛr ɛ, a mɔwlʋ bɛ na mɩ́ tɩrɛ a, mɩ́ ɩ n bɛ̀lʋ. Alɛ n'a so a wone a nɩbɛ, bɛ yaarɛ gʋɔr, mɛ̃ dʋn na bɛ tɛr cɩ̃ɩnɛ a.

Zakari 11:15

A Sore tɩ lɛb'a yel mɛ̃: «Ƴɛrɛŋa a, ɩrɛ mɛ̃ dʋ̃-cɩ̃ɩn-dãbol sob a.

Matie 23:13

«Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ pàw nɩ a tẽ-vla Naalʋ dɩ̃dɔr a nɩbɛ ƴãw: a nyɩɩm tɛɛ za bɛ mɩ́ kpɛ a ʋ pʋɔ ɩ, ɛ́ a bɛlɩ dem na bɔbr a kpɛb a, nyɩ bɛ mɩ́ sàw bɛ na kpɛ ɩ. [

Matie 23:16

Baw-bio dem'ɩ nyɩ, nyɩɩm na ɩ zɔn ɛ́ wule nɩbɛ sɔ́r a! Nyɩ mɩ́ yel'a: “Nɩr wa pɔ n a Ŋmɩn-yir-kpɛ̃ɛ a, a bɛ pʋɔ ɩ, ɛcɛ ʋlɛ wa pɔ n a Ŋmɩn-yir-kpɛ̃ɛ salm-zɩɛ a, a fɛr'a k'ʋʋ ír a ʋ pɔb.”

Zã 12:40

«Naaŋmɩn ɩ na bɛ zɔ̃w, ʋʋ ɩ a bɛ socie kpawlɩ, kɛ́ bɛ ta tʋ̃ɔ́ nyɛ̃ nɩ a bɛ mimie ɩ, kɛ́ bɛ ta tʋ̃ɔ́ bãw a pɛr ɛ, kɛ́ bɛ ta tʋ̃ɔ́ lɩɛbɩ a bɛ ɩb ɛ, ʋ ta tʋ̃ɔ́ sanɩ bɛ ɩ.»

Zã 9:39

A lɛ n'a a Yeezu tɩ yel: «Ƴɛ̀rʋ-maalʋ ƴãw n'a ɩ̃ wa a tẽ-daa ŋa zu, kɛ́ a bɛlɩ dem na bɛ tɩ nyɛrɛ a, bɛ nyɛrɛ, ɛ́ a bɛlɩ dem na tɩ nyɛrɛ a, bɛ lɩɛbɩ zɔn.»

Ʋrɔm 11:7

Ŋmɩŋmɩn za n'a? A Ɩsɩrayɛl nɩbɛ bɛ páw a ʋlɩ bom nɛ bɛ na tɩ bɔbr a ɩ. Ɛcɛ a bɛlɩ dem a Naaŋmɩn na kaa ír a, bɛl páw ʋ na. A ŋmaarɛ bɛl a, bɛ kpawl'ɩ bɛ za,

1 Korɛ̃tɩ 8:4

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a 'wɔbrʋ ƴãw a, tɩ bãwnɩ a na kɛ́ tɩɩb kãw za bɛ ɩ bʋ̃-sɩza ɩ, ɛ́ ŋmɩn kãw za bɛ be a tẽ-daa zu a bɛ ɩ a Naaŋmɩn-been yõ ɩ.

1 Samɩɛl 2:31

Ɩ̃ kʋ̃ yaa kɛ́ ír a fʋ yir nɩ a fʋ dɔwlʋ nɩ-kpɛn za ɩ, lɛ n'a dɛb-nyãw kʋ̃ cãà a fʋ yir pʋɔ ɩ.