Zakari 11:11 - A SƐB-SÕW

¹¹ Lɛ n'a a wõ-taa tɩ sãw a ʋlɩ daar nɛ za. A yɛ-yɛ-nyãnyuwr na tɩ jɩ́rɛ a lɛ ɩ̃ na ɩrɛ a, tɩ nyɛ̃ na bãw k'aa Sore n'ʋ ƴɛ̀rɛ a ɩ̃ ɩ-ɩrɩ pʋɔ.

Zakari 11:11 ပူးပေါင်းရင်းမြစ်များ

2 Bibie za yel-manɩ 9:14

de nɩ a al a sɔr-lorbɛ nɩ a yɛ-yɛrbɛ na mɩ́ wa n a. A Arabi tẽw na-mɩnɛ za nɩ a tẽw na-kpɛ̃ɛ-lɩɛrbɛ za mɩ́ tɩ wa n nɩ salm-zɩɛ nɩ salm-pla wa kʋ̀ a Salomɔ̃.

Sɛb-sõw yielu 69:33

A su-siwri dem nyɛ̃ a na ɛ́ cɩlɛ. «Nyɩɩm na bɔbr a Naaŋmɩn a, nyɩmɛ so nyɔ-vʋʋr-wogo!

Ɩzayi 14:32

Bɛ sɔw kɛ́ bʋnʋ kʋ̀ a nɩbɛ a Filisɩtɛ̃ mɩnɛ na tõ a? K'aa Sore mɩŋa n'ʋ mɛ a Sɩyɔ̃ tẽw. Be n'a a ʋ nɩ-bʋʋrɛ bãbàalbɛ kʋ̃ bãw damnʋ ɛ.

Ɩzayi 40:31

Ɛcɛ a bɛlɩ dem na mɩ́ ƴãw a bɛ tɩɛrʋ a Sore ƴãw a, mɩ́ páw nɩ fãw-paala. Bɛ mɩ́ ƴaw na mɛ̃ sɩlɩ a, bɛ mɩ́ zɔrɛ na bɛ bàlɛ ɩ, bɛ mɩ́ cere na tɔlɛ nidaa ɛ́ a bɛ fãw bɛ síwre ɩ.

Ɩzayi 8:17

Ɩ̃ gùre nɩ a Sore. Ʋ bɛ ŋmɛlɛ kaar a Zakɔb yir dem a ƴɛrɛŋa ɩ, ɛcɛ ʋl ƴãw n'a ɩ̃ ƴãw a ɩ̃ tɩɛrʋ.

Zeremi 32:8

Mɛ̃ a lɛ a Sore na yel a, a ɩ̃ yɛb Hanameyɛl tɩ wa na wa páw mɛ̃ a soja-zi-gùrbɛ davʋra pʋɔ, yel mɛ̃: «Dà a ɩ̃ púo na be a Anatɔtɩ, a Bɛ̃zamɛ tẽw pʋɔ a. Bʋ̃ʋ n'ʋ vɛ̃, fʋ̃ʋ n'ɩ a ɩ̃ nɩr na pɩɛlɩ mɛ̃ zuo bɛ za a. A na ɩ lɛ a, fʋ̃ʋ n'ʋ tɛr sɔ́r na ya de ʋ, ɛ́ so ʋ.» Lɛ n'a ɩ̃ tɩ bãw k'aa Sore n'ʋ ƴɛ̀r a ɩ̃ zie.

Mise 7:7

Ɛcɛ mãa a, a Sore n'ʋ ɩ̃ jɩ́rɛ, a Naaŋmɩn ɩ̃ faarɛ ƴãw n'a ɩ̃ ƴãw a ɩ̃ tɩɛrʋ, a Naaŋmɩn na wõ n a ɩ̃ bʋɔlʋ.

Sofoni 3:12

Su-siwri dem nɩ nan dem tɛwr nɛbɛ ɩ̃ na bɛr a nyɩ pʋɔ, ɛ́ bɛ na mɩ́ zɛlɛ na k'ɩ̃ɩ gùre bɛ.

Luka 19:48

Ɛcɛ bɛ bɛ tɩ bãw lɛ bɛ na na ɩ a ɩ, bʋ̃ʋ n'ʋ vɛ̃, a nɩbɛ za tɩ sɛr'a kpa a ʋ ƴɛ̀rʋ bɛr-wob ƴãw.

Luka 2:25

Zɩ̃ kɛ́ nɩr kãw tɩ be n a Zerizalɛm dɩ kɛ́ Sɩmɩ̃ɔ. Ʋ tɩ ɩ n nɩ-mɩŋa ɛ́ ƴãwnɛ a Naaŋmɩn. Ʋ tɩ gùre nɩ a mɔwlʋ a Ɩsɩrayɛl nãà wa nyɛ̃ a, ɛ́ a Vʋʋrʋ sõw tɩ be a ʋ zie.

Luka 2:38

Ʋ na tɩ ta a be a ʋlɩ tɛm nɛ tɔr za pʋɔ a, ʋ danɛ nɩ a Naaŋmɩn ɛ́ manɛ a bie yele kʋ̀rɛ a bɛlɩ dem za na tɩ gùre a Zerizalɛm faafʋ a.

Luka 7:22

Al pùorí, ʋ tɩ sɔw na yel a nɩbɛ a Zã na tõ a: «Nyɩ cen tɩ manɩ a yele á ŋá nyɩ na nyɛ̃ ɛ́ wõ a kʋ̀ a Zã: a zɔn nyɛrɛ na, a wʋbr cere dẽdẽ, a kɔn lɛb'a vɩɛl, won lɛb'a wone, nɩ-kũuni lɛb'a vʋʋrɛ, a nan dem wone a Yel-nʋ̃ɔ̀,

Wulu-ayi-sob 31:21

A kpɩɛrʋ nɩ a wʋ̀ʋr wa páw bɛ a lɛn daar a, a yielu ŋa na dɩ n a bɛ sãwna dãsɩɛ, bʋ̃ʋ n'ʋ vɛ̃, a bɛ bʋʋrɛ tɛɛ za kʋ̃ bɛr a ʋ yielu towtow ɛ. A dɩ̃a a, ɩ̃ bɛ tɛr bɛ kpɛ n a tẽw ɩ̃ na pɔ yel k'ɩ̃ɩ na kʋ̀ bɛ na a pʋɔ sɛr ɛ, ɛ́ bãw a lɛ bɛ na tɩɛrɛ a.»

Wulu-ayi-sob 31:29

Bʋ̃ʋ n'ʋ vɛ̃, ɩ̃ bãwnɩ a na k'aa ɩ̃ kũu pùorí a, a Ɩsɩrayɛl nɩbɛ na sãw nɩ bɛ za, bɛ na bɛr'ɩ a sɔ́r ɩ̃ na wul bɛ a. A kpɩɛrʋ na páw bɛ nɩ nɩdaar, a yel-faa bɛ na na maalɩ a Sore zie, ɩ a ɩb ƴãw k'ʋ nyɛ̃ suur a.»