Zakari 11:10 - A SƐB-SÕW

¹⁰ Ɩ̃ tɩ de nɩ a báalʋ dakʋra ka bɛr, k'ɩ̃ɩ sãw a báalʋ wõ-taa bɛr, a Sore na tɩ ɩ k'ʋ be a nɩ-bʋʋrɛ cara pʋɔ a.

Zakari 11:10 ပူးပေါင်းရင်းမြစ်များ

Sɛb-sõw yielu 50:2

Naaŋmɩn nyɩwrɛ nɩ a Sɩyɔ̃ tẽw na vɩɛl ʋ za a pʋɔ.

Sɛb-sõw yielu 89:39

Ɛcɛ fʋ jɛ n a nãà fʋ na kaa ír a bɛr, fʋ bɛ ŋmɛlɩ kaa ʋ ɛ, fʋ nyɛ̃ nɩ ʋ nɩ suur.

Sɛb-sõw yielu 90:17

A Sore tɩ Naaŋmɩn, ʋ tɛr su-nʋ̃ɔ̀ a tɩ ƴãw, ɛ́ ɩ kɛ̀ maalʋ yi a tɩ nuru tome pʋɔ a tɩ ƴãw, ɩ kɛ̀ maalʋ yi a tɩ nuru tome pʋɔ.

Zeremi 14:21

A fʋ yúor zũú a, ta jɛ a fʋ naalʋ-dà-kɔw-yúor bɛr ɛ, ta jewr'ʋ ɛ! Lɛb tɩɛrɩ a wõ-taa fʋ na maal'ɩ tɩ a, ta sãw ʋ bɛr ɛ.

Ezekɩɛl 24:21

a nyɩɩm Ɩsɩrayɛl nɩbɛ: “A mãa Sore Naaŋmɩn, ɩ̃ na bɛr'a bɛ dɛw a ɩ̃ zi-sõw bɛr. Ɛcɛ, ʋ ɩ n a nyɩ dɛpaal bom, ʋ ɩ n a nyɩ mimie nʋ̃ɔ̀, ɛ́ ɩ a nyɩ nyɔ-vʋʋrʋ tɩɛrʋ bom. Bɛ na kʋ n a nyɩ bidɛbr nɩ a nyɩ pɔwyaar nyɩ na bɛr a Zerizalɛm a nɩ zɛbr-sɔ-kpɛ̃ɛ.

A naaŋmɩn-ƴèr-manɛ Oze sɛbɛ 1:9

Ɛ́ a Sore tɩ yel a Oze: «Por ʋ a yúor kɛ́ Lo-Ami, a pɛr lɛ kɛ́: Bɛ-bɛ-ɩ-ɩ̃-nɩ-bʋʋrɛ-ɩ. Bʋ̃ʋ n'ʋ vɛ̃, a nyɩɩm Ɩsɩrayɛl nɩbɛ, nyɩ bɛ ɩ ɩ̃ nɩ-bʋʋrɛ ɩ, ɛ́ a nyɩ zie a, ɩ̃ bɛ be ɩ.»

Zakari 11:7

Lɛ n'a ɩ̃ tɩ ɩ a píir, a yɛ-yɛ-nyãnyuwr na tɩ waar na kʋ a, cɩ̃ɩnɛ. Ɩ̃ tɩ de nɩ pi-cɩ̃ɩn-da-kʋrɩ ayi. Ɩ̃ tɩ por'ɩ a dãw-niwn-sob “Báalʋ”, ɛ́ por a ayi sob “Lãw-taa”, ɛ́ kaarɛ a píir zie.

Sɔr-nɛ́ɛ 14:34

Bibie lɩz'a ayi n'a nyɩ cɔlɩ jɩ́r a Kanãa tẽw. A na ɩ à ŋá a, yome lɩz'a ayi n'a nyɩ na wõ tuo a nyɩ sãwna ƴãw. Bibi-been za na mɩ́ ɩ n yũon. À ŋá n'a nyɩ na bãw a lɛ a ɩ̃ zawr-bɛrʋ na buore a.

Luka 21:32

Yel-mɩŋa sɩza, ɩ̃ yere na kʋ̀rɛ nyɩ, a dɩ̃a nɩbɛ bɛ ŋa kʋ̃ kpi baar ɛ, ɛ́ à á ŋá za ta.

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.