Zakari 10:7 - A SƐB-SÕW

⁷ A Efarayim nɩbɛ na kpɛmɛ na mɛ̃ gãdaar a, nʋ̃ɔ̀ na ɩrɛ bɛ na mɛ̃ nɩbɛ na nyũ divɛ̃ a. A bɛ bibiir na nyɛ̃ bɛ na nʋ̃ɔ̀ ɩrɛ bɛ, bɛ na cɩlɛ nɩ bɛ za a Sore ƴãw.

Zakari 10:7 ပူးပေါင်းရင်းမြစ်များ

Yele-za-pɛr-tib 18:19

Ɩ̃ kaa na ír ʋ k'ʋʋ yel a ʋ bidɛbr nɩ a ʋ yir dem a ʋ pùorí, kɛ́ bɛ sàwr a ɩ̃ nɛ-ƴãwnɩ, tuur a mɩnʋ nɩ a yel-na-tu-sɔr-a. Lɛ n'a ɩ̃ na kʋ̀ ʋ a ʋlɩ bom nɛ ɩ̃ na yel k'ɩ̃ɩ na kʋ̀ ʋ na a.»

Yele-za-pɛr-tib 43:34

A Zuzɛb tɩ ƴãw na bɛ kʋ̀ bɛ a bʋ̃-dɩrɩ na bin a ʋ zie a. A Bɛ̃zamɛ dem tɩ yãwmɛ nɩ gb'a anũu zuo a ʋ yɛbr za dem. Bɛlɛ nɩ a Zuzɛb tɩ lãw na nyũ divɛ̃ tɩ bur bɛ za.

Sɛb-sõw yielu 102:28

Ɛcɛ fʋ̃ʋ ŋmɛ̃ n fʋ ŋmɛ̃a, ɛ́ a fʋ yome bɛ tɛr baarʋ daar ɛ.

Sɛb-sõw yielu 104:15

a divɛ̃ na mɩ́ cɩrɛ bɛ ƴãw a, a kãá na mɩ́ ɩ a bɛ niwn nyɩlɛ a, nɩ a dipɛ̃ na mɩ́ lɛb kʋ̀ bɛ fãw a.

Sɛb-sõw yielu 13:5

A ɩ̃ dɔ̃ sob na yel'a: «Ɩ̃ tʋ̃ɔ́ ʋ na», ɛ́ a bɛlɩ dem na ɩrɛ mɛ̃ a kpɩɛr a na cɩlɛ nɩ a ɩ̃ loba ƴãw.

Sɛb-sõw yielu 28:7

A Sore gùre mɛ̃ na, ʋlɛ n'ɩ a ɩ̃ zɛbr-kur-pãgala. Ʋlɛ n'ʋ ɩ̃ tɩ tɩɛrɛ nɩ ɩ̃ pʋɔ za, ʋʋ faa mɛ̃ na. Ɩ̃ cɩlɛ nɩ ɩ̃ za, ɛ́ yiele danɛ nɩ ʋ.

Sɛb-sõw yielu 33:21

Ʋl ƴãw n'a tɩ tɛr su-nʋ̃ɔ̀, a ʋ yo-sõw ƴãw n'a tɩ ƴãw a tɩ tɩɛrʋ.

Sɛb-sõw yielu 90:16

A fʋ tome, a sãá tɩ nyɛ̃, ɛ́ a tɩ bibiir nyɛ̃ a fʋ vɩɛlʋ!

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Ɩzayi 38:19

A nɩ-vʋʋrɩ tɛwr nɛbɛ na tʋ̃ɔ́ íre a fʋ yúor mɛ̃ a mãa a dɩ̃a a. A sãà mɩnɛ na ɩ na a bɛ bibiir bãw a fʋ pùor-bɛ-lɛbrʋ.

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Ɩzayi 66:14

Nyɩ na nyɛ̃ na, a nyɩ socir na cɩlɛ na, a nyɩ kɔbɛ na lɛb'a kpɛmɛ mɛ̃ mʋ̃ɔ saa na wa ƴãw a.» A Sore na ɩ n a ʋ tõ-tõ-biir bãw a ʋ kpɛnʋ, ɛcɛ ʋ na wul'ɩ a ʋ suur a ʋ dɔ̃ dem.

Zeremi 32:39

Ɩ̃ na kʋ̀ bɛ nɩ soci-been nɩ ɩb na ɩ been a, bɛ tʋ̃ɔ́ ƴãwnɛ mɛ̃ kʋralɛ. A lɛ pʋɔ a, nʋ̃ɔ̀ na ɩrɛ bɛ na, a bɛl nɩ a bɛ bibiir a bɛ pùorí.

Ezekɩɛl 37:25

Nyɩ na kpɩɛr'ɩ a tẽw ʋl ɩ̃ na kʋ̀ a ɩ̃ tõ-tõ-bie Zakɔb a pʋɔ, a be a nyɩ sãàkʋm-kore na kpɛ a. Nyɩ na kpɛ n a be tɩ kɔwrɩ, a nyɩɩm, a nyɩ bibiir nɩ a nyɩ yan. A ɩ̃ tõ-tõ-bie Daviir'ʋ na ɩ a nãà na dɩrɛ a naalʋ a nyɩ zu a kʋralɛ.

Zowɛl 2:23

Nyɩɩm Sɩyɔ̃ tẽw dem i, nyɩ cɩlɛ ƴawr'ɩ a Sore nyɩ Naaŋmɩn ƴãw. Ʋ kʋ̀rɛ nyɩ nɩ a kpãcãan saa, a nyɩ faafʋ ƴãw. Ʋ mɩ́ ɩ n a kpãcãan saa nɩ a sɩ̃ɛ-kpɛ-paala saa a wa, a wa mɛ̃ a dãwdãw a.

Habakukɩ 3:18

Ɛcɛ mãa a, a Sore zie n'a a ɩ̃ nʋ̃ɔ̀ yire, nʋ̃ɔ̀ ɩrɛ mɛ̃ na a Naaŋmɩn na faarɛ mɛ̃ a ƴãw.

Sofoni 3:14

Sɩyɔ̃ tẽw i, lɔbr nʋ̃ɔ̀ cɛlsɩ! Ɩsɩrayɛl nɩbɛ ɛ, nyɩ cáarɛ! Zerizalɛm i, cɩlɛ nɩ fʋ pʋɔ za!

Zakari 12:8

A lɛn daar a, a Sore na gù n a Zerizalɛm nɩbɛ: a bɛl na bɛ tɛr fãw kãw za a bɛ pʋɔ a na kpɛmɛ na mɛ̃ a Daviir a, ɛ́ a Daviir bʋʋrɛ ɩ mɛ̃ a Naaŋmɩn a bɛ zie a, mɛ̃ a Sore malkɩ na de bɛ niwn a.

Zakari 9:15

A Sore, a Kpɛnʋ-za-sob, na gù n a ʋ nɩ-bʋʋrɛ. Ʋ na lɔb'ɩ a sa-bi-kube sãw nɩ ɛ́ ŋmɛr ŋmɛr bom za na bà gbɛ́r a ʋ niŋé a bɛr: bɛ na ɩ na a dɔ̃ dem zɩ̃ɩ gbɔlɛ mɛ̃ divɛ̃, bɩɩ mɛ̃ a bàwr-maal-zɩ̃ɩ na paalɩ lali-mɩrɩ, ɛ́ pàw a bàwr-maal-kuur ɩ́lɛ́ a.

Zakari 9:17

Nyɛ̃ nʋ̃ɔ̀ na na ɩrɛ bɛ a! Nyɛ̃ bɛ na na vɩɛl a! A ble na mɩ́ kʋ̀ n fãw a pɔlbili ɛ́ a divɛ̃-paala kʋ̀ fãw a pɔwsɩrali.

Luka 1:47

ɛ́ a ɩ̃ tɩɛrʋ za cɩlɛ a Naaŋmɩn ɩ̃ faarɛ ƴãw.

Zã 16:22

À ŋá n'a nyɩ mɩ̀ wone tuo a ƴɛrɛŋa, ɛcɛ ɩ̃ na lɛb'a nyɛ̃ nyɩ, ɛ́ a lɛn daar a, nʋ̃ɔ̀ na paalɩ nyɩ na, ɛ́ nɩr za kʋ̃ tʋ̃ɔ́ faa a nʋ̃ɔ̀ ŋa a nyɩ zie ɩ.»

Nɩ-toni 13:33

ʋ tu ʋ na tɩ ɓɩɩlɩ, a tɩɩm na ɩ a bɛ bibiir a ƴãw, a lɛn daar ʋ na ɩ a Yeezu ʋ lɛb yi a kũu pʋɔ, a tu mɛ̃ a lɛ bɛ na sɛb a Sɛb-sõw yielu ayi sob pʋɔ a: “Fʋ̃ʋ n'ɩ a ɩ̃ bidɛb, a mãa a, ɩ̃ dɔw fʋ nɩ a dɩ̃a.”

Nɩ-toni 2:26

Alɛ n'a so, a ɩ̃ socir cɩlɛ, ɛ́ a ɩ̃ nʋɔr yiele nʋ̃ɔ̀ yielu. A ɩ̃ ƴã-gan tɔr za na bɛr'ɩ tɩɛrʋ, ɛ́ ɓãá ƴãw pɩ̃ɛnɛ, bʋ̃ʋ n'ʋ vɛ̃,

Nɩ-toni 2:39

A nyɩɩm nɩ a nyɩ bibiir ƴãw n'a a Naaŋmɩn tɩ dãw ƴãw a nʋɔr ŋa, nɩ a bɛlɩ dem na zãá a ƴãw, a bɛlɩ dem za a Sore tɩ Naaŋmɩn na na bʋɔlɩ a.»

Filib 4:4

Nyɩ cɩlɛ kʋralɛ nyɩ na lãw nɩ a Sore a, ɩ̃ lɛb'a yere: nyɩ cɩlɛ.

1 Pɩɛr 1:8

a Yeezu Kɩrɩta nyɩ na nɔnɛ ɛ́ bɛ nyɛ̃ a, a ʋl nyɩ mɩ̀ na sàw de ɛ́ bɛ nyɛ̃ sɛr a. Ɛ́ nyɩ na sàw de a, nyɩ cɩlɛ nɩ nʋ̃ɔ̀ cɩlʋ na bɛ tɛr manʋ, ɛ́ ɩ a nyɩ yúor-vɩɛlʋ-danʋ cɩlʋ a,

1 Samɩɛl 2:1

A Ana tɩ puor'a yel à ŋá: «A Sore n'ʋ so nʋ̃ɔ̀ ɩrɛ mɛ̃ yaga. A Sore n'ʋ so ɩ̃ zɛw zu, ɩ̃ na tʋ̃ɔ́ na ɩrɛ a ɩ̃ dɔ̃ dem laar. Ɩ̃ cɩlɛ na: a Naaŋmɩn sõw mɛ̃ na.