Zakari 1:6 - A SƐB-SÕW

⁶ Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»

Zakari 1:6 ပူးပေါင်းရင်းမြစ်များ

2 Na-mɩnɛ 15:12

À ŋá n'a a ƴɛ̀rʋ ŋa a Sore na tɩ ƴɛ̀r kʋ̀ a Yehu a tɩ tu: «A fʋ bʋʋrɛ na lɩɛrɩ fʋ na zɩ̃ a Ɩsɩrayɛl tẽw naalʋ-dà-kɔw zu, tɩ ta a dɔw-lɩɛr-taa gb'a anaar sob.»

A Zɔb sɛbɛ 6:29

A ɩ̃ ƴɛ̀rʋ ɩ n zir-ŋmarɛ ƴɛ̀rʋ bɩɩ? Ɩ̃ na tʋ̃ɔ́ na bɛ bãw bom na ɩ faa a bɩɩ? Nyɩ jɩ́r mɛ̃ nyɛ̃: ziri ta ka mãa nɩ a nyɩɩm cará ɩ! Ɩ̃ lɛb maal yel, nyɩ jɩ́r mɛ̃ nyɛ̃, ɛ́ nyɩ na nyɛ̃ na k'ɩ̃ɩ bɛ tɛr sãwna ɩ.

Ɩzayi 21:17

A tam-tɛbrbɛ na cɛ nɩ zaa pʋrɩ a Kedaar zɛbr-nɩbɛ pʋɔ.» A Sore, a Ɩsɩrayɛl Naaŋmɩn n'ʋ yel.

Ɩzayi 44:26

Ɛcɛ ɩ̃ mɩ́ ɩ n a ɩ̃ tõ-tõ-bie ƴɛ̀rʋ tu, ɛ́ ɩ a lɛ a ɩ̃ nɩ-toni na yel a maalɩ. Ɩ̃ yere nɩ a Zerizalɛm ƴãw: “Nɩbɛ na lɛb'a kpɛ ʋ, bɛ na lɛb a libri a ʋ deboru”. Ɩ̃ yere nɩ a Zuda tẽ-bɛrɛ ƴãw: “Bɛ na lɛb'a mɛ a”.

Ɩzayi 55:1

Alɛ! Nyɩɩm za kʋ̃ɔ-nyúur na kpɩɛr a, kʋ̃ɔ n'ɩ a ŋan, nyɩ wa! Nyɩmɛ saa bɛ tɛr libir a, nyɩɩm wa. Nyɩ da dɩ, mɔlɛ n'a. Nyɩ wa, nyɩ da divɛ̃ nɩ bʋ̀rʋ, ɛ́ ta ír libir ɛ, ɛ́ ta ya bom ɛ.

Ɩzayi 55:11

À à ŋá n'a a ɩ̃ ƴɛ̀rʋ na mɩ́ yi a ɩ̃ nʋɔrɩ́ a mɩ́ ɩ: ʋ bɛ lɛbr waar a ɩ̃ zie ɛ́ bɛ ɩ bom ɛ, ɛ́ bɛ maalɩ a lɛ ɩ̃ na bɔbr'a ɩ, ɛ́ bɛ tõ a ton ɩ̃ na kʋ̀ ʋ a ɩ.»

Zeremi 23:20

A Sore suur bɛ ɓãanɛ ʋlɛ bɛ wa tõ a lɛ za ʋ na yel a ɩ. A pùorí n'a nyɩ na bãw a pɛr.

Zeremi 26:15

Ɛcɛ, nyɩ bãwnɩ a vla, nyɩmɛ wa kʋ m a, a nyɩɩm, a tẽ-kpɛ̃ɛ ŋa nɩ a ʋ nɩbɛ za a, nyɩ na ɩ n sãwna dem, nyɩ na kʋ nɩr na bɛ tɛr sãwna a zũú. Bʋ̃ʋ n'ʋ vɛ̃, a Sore n'ʋ sɩrɩ tõ m k'ɩ̃ɩ wa ɩ nyɩ wõ a ƴɛ̀rʋ á ŋá za.»

Zeremi 28:17

A naaŋmɩn-ƴɛ̀r-manɛ Hananɩa tɩ kpi n a ʋlɩ yũon nɛ a cuwr ayopõi sob daar.

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Zeremi 36:28

«Bɔ sɛb-yũo sɛb a ƴɛ̀rʋ al za na tɩ be a sɛb-dãw-niwn sob pʋɔ a ƴãw, a ʋl a Zuda tẽw nãà Yoyakim na nyɩw bɛr a.

Zeremi 39:16

«Cen tɩ yel a Etiopi tẽw nɩr, Evɛdɩ-Mɛlɛkɩ à ŋá: “À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Vla ƴɛ̀rʋ bɛ n'a ɩ̃ tɩ yel kʋ̀ a tẽ-kpɛ̃ɛ ŋa nɩbɛ ɩ, faa ƴɛ̀rʋ n'a. A na ɩ à ŋá a, ɩ̃ na ɩ n a lɛ ɩ̃ na yel a, ɛ́ fʋ kʋ̃ yaa kɛ́ nyɛ̃ ʋ ɛ.

Zeremi 4:4

Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Zeremi 44:2

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Nyɩ nyɛ̃ nɩ a kpɩɛrʋ al za ɩ̃ na ɩ a páw a Zerizalɛm nɩ a Zuda tẽ-bɛrɛ a. A dɩ̃a a, a lɩɛb'ɩ deboru, nɩr bɛ lɛb cãà kpɩɛr a pʋɔ ɩ.

Zeremi 44:28

Nɩbɛ blãlɛ tɛwr'a na tʋ̃ɔ́ cɩ̃ɛ a zɛbr pʋɔ, ɛ́ bɛ na yi n a Eziptɩ lɛb wa a Zuda tẽw. A lɛ pʋɔ a, a nɩbɛ bɛl na cɛ yi a Zuda tẽw wa wa kpɩɛr a Eziptɩ tẽw a, na bãw nɩ sob nɛ ƴɛ̀rʋ na tu a: a mãa dem'a bɩɩ a nyɩɩm dem'a a.

Zeremi 44:29

A mãa, a Sore, ɩ̃ yere na: Ɩ̃ na wa n a nyɩ ƴãw a Eziptɩ tẽw ka. Ɩ̃ na kʋ̀ nyɩ nɩ bãwfʋ. Lɛ n'a nyɩ na nyɛ̃ bãw k'aa ɩ̃ ƴɛ̀rʋ ɩ̃ na ƴɛ̀r a nyɩ malʋ ƴãw a, na sɩrɩ na tu. A bãwfʋ ʋl n'ɩ ŋa:

Zeremi 44:6

Lɛ n'a a ɩ̃ suur, a ɩ̃ su-yãyaar tɩ ìr mɛ̃ vũu a, dɩ a Zuda tẽ-bɛrɛ nɩ a Zerizalɛm tẽw sɛ́ɛ. A lɩɛb'ɩ ziir nɩr na bɛ cãà kpɩɛr a, mɛ̃ a lɛ bɛ na na tʋ̃ɔ́ nyɛ̃ a dɩ̃a a.”»

Zeremi 5:14

A na ɩ à ŋá a, à ŋá n'a a Sore, a Naaŋmɩn kpɛnʋ-za-sob, yere: «Bɛ na faa ƴɛ̀rɛ à ŋá a, Zeremi i, a ƴɛ̀rʋ ɩ̃ na ƴãwnɛ a fʋ nʋɔrɩ́ a na ɩ na mɛ̃ vũu a. A nɩbɛ bɛ ŋa na ɩ na mɛ̃ dàar a vũu na na dɩ a.»

A Lãw-mʋɔlɛ 1:18

A Sore dem de na, bʋ̃ʋ n'ʋ vɛ̃, ɩ̃ bɛ tɩ sàw tu a lɛ ʋ na yel a ɩ. Nyɩ bɛr wõ vla, nɩ-bʋʋrɛ za a, ɛ́ nyɛ̃ a ɩ̃ kpɩɛrʋ. Bɛ diw nɩ a ɩ̃ pɔwsɩrali nɩ a ɩ̃ pɔlbili cen nɩ.

A Lãw-mʋɔlɛ 2:17

A Sore ɩ n a lɛ ʋ na tɩɛrɩ bin a, ʋ tu n a lɛ ʋ na yel a, a lɛ ʋ na ƴãw a nʋɔr a koro kãw za a. Ʋ sãw nɩ bom za bɛr, ɛ́ bɛ zɔ nɩbaalʋ ɛ. Ʋ ɩ na a dɔ̃ sob cɩlɛ a fʋ kpɩɛrʋ ƴãw, ʋ ɩ na a fʋ bɛ-nɔnbɛ tɛr fãw dɔwlɩ.

A Lãw-mʋɔlɛ 3:42

Tɩɩm a, tɩ gaarɩ na, tɩ ɩ n nɔ-zawrbɛ, ɛ́ fʋ̃ʋ a, Sore e, fʋ bɛ dɩ suur ɛ!

Ezekɩɛl 20:43

A be a, nyɩ na lɛb'a tɩɛrɩ a nyɩ koro za nyɔ-vʋʋrʋ nɩ a nyɩ ɩb za na ƴãw nyɩ a dɛwr pʋɔ a. A faa al za nyɩ na maalɩ a zũú, kɔkɔrʋ na lɛb'a ŋmɛlɩ ɩrɛ nyɩ.

Ezekɩɛl 37:11

A Sore tɩ lɛb'a yel mɛ̃: «Nɩsaal bie e, a kɔbɛ á ŋá a, a Ɩsɩrayɛl yir dem za nɛbɛ. Bɛl mɩŋa mɩ́ yere na: “A tɩ kɔbɛ ko na pɛlɩ, a tɩ tɩɛrʋ wɛ na, tɩ kpi na.”

A naaŋmɩn-ƴèr-manɛ Oze sɛbɛ 5:9

A dɔwrʋ bibir a, a Efarayim na lɩɛb'ɩ debuo. À à ŋá ɩ̃ na yere a Ɩsɩrayɛl yie dɔwlʋ ƴãw a na tu na, bʋnʋ bɛ ka be ɩ.

A naaŋmɩn-ƴèr-manɛ Oze sɛbɛ 9:15

A Sore yel'a ƴãw pʋɔ: «Gilgal'a a bɛ faalʋ za sãá. Be n'a ɩ̃ tɩ hɩ̃ɛn bɛ. A bɛ faalʋ zũú, ɩ̃ na diw bɛ na bɛr a ɩ̃ yir, ɩ̃ kʋ̃ cãà nɔnɛ bɛ ɩ, a bɛ niw-dierbɛ za gaarɩ na.

Amɔsɩ 9:10

Zɛbr-sɔ-kpɛ̃ɛ n'ʋ na kʋ a ɩ̃ nɩ-bʋʋrɛ pʋɔ sãwna dem za, bɛl na mɩ́ yere kɛ́: “A kpɩɛrʋ bɛ pɩɛlɛ tɩ ɛ, ʋ bɛ páwr tɩ ɛ!”»

Zakari 1:7

A Daarisɩ naalʋ-dɩb yome ayi sob, a cuwr pie nɩ been sob na ɩ Sevatɩ cuw a, a bibie lɩzɛr'ɩ anaar sob, a Sore tɩ ƴɛ̀r'ɩ a ʋ ƴɛ̀rʋ kʋ̀ a naaŋmɩn-ƴɛ̀r-manɛ Zakari, na ɩ Berekɩa bidɛb nɩ Ido yãw a. A Zakari manʋ ʋ na manɩ a n'ɩ ŋa:

Malasɩ 3:18

Lɛ n'a nyɩ na lɛb nyɛ̃ a nɩ-mɩn nɩ a nɩ-faar na bɛ ɩ been a, a bɛlɩ dem na tone a Naaŋmɩn tome nɩ a bɛlɩ dem na bɛ tone a ʋ tome a.

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Sɔr-nɛ́ɛ 32:23

Ɛcɛ nyɩmɛ bɛ wa ɩ à à ŋá a, nyɩ bãwnɩ a vla, nyɩ na maal'ɩ yel-bier a Sore zie, ɛ́ a na tuur nyɩ na.

Sɔr-nɛ́ɛ 33:56

Ɛ́ a nyɩmɛ nɛbɛ ɩ̃ na ɩ mɛ̃ a lɛ ɩ̃ na tɩ tɩ́ɛrɛ k'ɩ̃ɩ ɩ bɛ a.»

Matie 24:35

A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»

Wulu-ayi-sob 28:15

Ɛcɛ nyɩmɛ bɛ wa bɛrɛ wone a Sore nyɩ Naaŋmɩn ƴɛ̀rʋ a, nyɩmɛ bɛ wa ƴãw fãw sàwr a nɛ-ƴãwnɩ nɩ a wulu za ɩ̃ na kʋ̀rɛ nyɩ a dɩ̃a a, nyɛ̃ a ŋmɛ-ƴãw al na na lo a nyɩ zu a, na na páw nyɩ a:

Wulu-ayi-sob 28:2

Nyɛ̃ a maalʋ al za na na ta nyɩ ɛ́ paalɩ nyɩ, nyɩ na na bɛr wõ a Sore nyɩ Naaŋmɩn ƴɛ̀rʋ a ƴãw a:

Wulu-ayi-sob 28:20

A Sore na ɩ na a ŋmɛ-ƴãw, a dɛ̃bɩ̃ɛ nɩ a niw-sʋba tuur nyɩ a nyɩ yel-maalɩ za pʋɔ, ɛ́ gù bɛ wa tɩ kʋ nyɩ pàw pɛr, ɛ́ gù nyɩ wa tɩ baarɩ fɔ̃wlɛ, a yel-faa nyɩ na na maalɩ zawrɩ a Sore bɛr a ƴãw.

Wulu-ayi-sob 28:45

A kpɩɛrʋ á ŋá za na ta nyɩ na, ɛ́ kʋ̃ bɛr nyɩ ɛ, ɛ́ gù nyɩ tɩ kpi pàw pɛr, nyɩ na bɛ bɛr wõ a Sore nyɩ Naaŋmɩn ƴɛ̀rʋ a ƴãw, nɩ nyɩ na bɛ sàw a nɛ-ƴãwnɩ nɩ a wulu ʋ na kʋ̀ nyɩ a ƴãw.

1 Tesalonikɩ 5:4

Ɛcɛ nyɩɩm a, yɛbr i, nyɩ bɛ be lige pʋɔ a bibir ŋa nãà wa ùr nyɩ mɛ̃ nyãnyuge a ɩ.