Zakari 1:4 - A SƐB-SÕW

⁴ Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ.

Zakari 1:4 ပူးပေါင်းရင်းမြစ်များ

2 Bibie za yel-manɩ 30:6

A nɩbɛ bɛ na tõ a tɩ zɔ na cɔlɩ a Ɩsɩrayɛl naalʋ-tẽw nɩ a Zuda naalʋ-tẽw nɩ a sɛb-tʋɔlɩ a nãà nɩ a ʋ tõ-tõ-bi-bɛrɛ na tɩ sɛb a. A nãà tɩ yel'a kɛ́ bɛ hieri yel à ŋá: «Ɩsɩrayɛl nɩbɛ ɛ, nyɩɩm na cɩ̃ɛ a Asiiri tẽw nãà bɛ páw nyɩ kʋ a, nyɩ lɛb wa a Sore, a Abraham Naaŋmɩn, a Ɩzaakɩ Naaŋmɩn nɩ a Zakɔb Naaŋmɩn zie, ʋʋ na lɛb'a wa a nyɩ zie.

2 Bibie za yel-manɩ 30:7

Nyɩ ta ɩ mɛ̃ a nyɩ sãà mɩnɛ nɩ a nyɩ yɛbr a ɩ, bɛ zawr'ɩ a Sore, a bɛ sãà mɩnɛ Naaŋmɩn, bɛr, ʋ bɛr bɛ bɛ lo mɛ̃ à ŋá nyɩ na nyɛ̃ a.

2 Bibie za yel-manɩ 34:21

«Nyɩ cen tɩ sowri a Sore kaa, a mãa nɩ a Ɩsɩrayɛl nɩbɛ na cɛ a nɩ a Zuda nɩbɛ ƴãw. Nyɩ sowri bãw a sɛbɛ ŋa bɛ na nyɛ̃ a ƴɛ̀r-bie pɛr. Bʋ̃ʋ n'ʋ vɛ̃, a tɩ sãàkʋm-kore bɛ sàw a nɛ-ƴãwnɩ na be a ʋ pʋɔ a ɩ, alɛ so a Sore suur ìr a tɩ ƴãw bɛ dɩ vuo ɩ.»

Ɛsɩdɩrasɩ 9:7

A tɩ sãàkʋm-kore daar za wa tɩ tɔ a dɩ̃a bibir a, a tɩ nɩ-bʋʋrɛ maal'ɩ yel-bebe bɛ dɩ vuo ɩ. A al ƴãw n'a a tɩɩm, a tɩ na-mɩnɛ nɩ a tɩ bàwr-maalbɛ tɩ lo na-sãanbɛ nuru pʋɔ, tɩ bãw a zɛbr, a zi-yũo diw-cenu, a tɩ bʋ̃-tɛrɩ fáb nɩ a vĩ, mɛ̃ à à ŋá a na cãà ŋmɛ̃ tɩ a dɩ̃a a.

Neemi 9:16

Ɛcɛ a tɩ sãàkʋm-kore dɩ n pɔ̀lʋ, bɛ ɩ n bɛ-won ɩb, bɛ bɛ bɛr wõ a fʋ nɛ-ƴãwnɩ ɛ.

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

Sɛb-sõw yielu 78:8

A lɛn daar a, bɛ kʋ̃ ŋmɛ̃ taa nɩ a bɛ sãàkʋm-kore daar nɩbɛ na zawr'ɩ a Naaŋmɩn nʋɔr ɛ́ gaarɩ a ɩ. A bɛ tɩɛrʋ tɩ lɩɛbɛ nɩ kʋralɛ, ɛ́ bɛ tu a Naaŋmɩn ɛ.

Ɩzayi 31:6

Ɩsɩrayɛl nɩbɛ ɛ, nyɩ gùr'ɩ pùor vla vla kʋ̀ a Sore. A na ɩ à ŋá a, nyɩ lɛb wa a ʋ zie.

Zeremi 18:11

Ƴɛrɛŋa a, Zeremi i, ƴɛ̀r a Zuda nɩbɛ nɩ a bɛlɩ dem na kpɩɛr a Zerizalɛm a zie à ŋá: “À ŋá n'a a Sore yere: ɩ̃ cɔbrɛ nɩ kpɩɛrʋ a nyɩ ƴãw, ɩ̃ tɩɛrɛ nɩ yele a nyɩ ƴãw. A nyɩ kãw za, ʋ mɩ́ bɛr a ʋ ɩ-faa. Sɩza, nyɩ lɩɛbɩ a nyɩ vʋʋrʋ nɩ a nyɩ ɩb.”»

Zeremi 23:22

Bɛlɛ tɩ be a ɩ̃ yã-wulbɛ kpaarʋ pʋɔ a, bɛ nãà ɩ na a ɩ̃ nɩbɛ bãw a ɩ̃ ƴɛ̀rʋ, bɛ nãà ɩ na a nɩbɛ bɛr a bɛ sɔr-faa nɩ a bɛ ɩ-faar bɛ na ɩrɛ a.»

Zeremi 25:8

A lɛ pʋɔ a, à ŋá n'a a Sore, a kpɛnʋ-za-sob, yere: “Nyɩ na faa bɛ bɛr wõ a lɛ ɩ na yere a,

Zeremi 26:5

Nyɩ bɛrɛ wone a ɩ̃ tõ-tõ-biir na ɩ a ɩ̃ ƴɛ̀r-manbɛ a ƴɛ̀rʋ. Ɩ̃ ƴãw nɩ nũu tõ bɛ a nyɩ zie, ɛcɛ nyɩ bɛ bɛr wõ a bɛ ƴɛ̀rʋ ɛ.

Zeremi 3:12

Cen tɩ cɩɩrɛ a ƴɛ̀r-bie á ŋá bɛrɛ a saa-pɛrɩ́-gʋba-lowr: “Lɛb wa, fʋ̃ʋ Ɩsɩrayɛl a tɩɛrʋ na lɩɛbɛ a! Ɩ̃ kʋ̃ cãà sãw niwn ƴãw fʋ ɛ. Sɩza, ɩ̃ ɩ n bá na-bɛ-lɛbr-pùor a, ɩ̃ bɛ tɛrɛ nɩ fʋ suur kʋralɛ ɩ, mãa n'ʋ yel, a mãa, a Sore.

Zeremi 3:14

Bibiir a tɩɛrʋ na lɩɛbɛ a, nyɩ lɛb wa, a Sore n'ʋ yere, bʋ̃ʋ n'ʋ vɛ̃, mãa n'ʋ ɩ a nyɩ zu-sob! Ɩ̃ na de nyɩ na, nɩ-been tẽ-kpɛ̃ɛ pʋɔ, nɩbɛ ayi tẽle pʋɔ, ɩ̃ɩ na lɛb'a tɛr nyɩ wa n a Sɩyɔ̃ tẽw pʋɔ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 4:1

A Sore yere na: «Ɩsɩrayɛl i, fʋ̃ʋ wa lɛbr waar a, fʋ̃ʋ lɛb wa a ɩ̃ zie, fʋ̃ʋ wa ír a fʋ tɩb-faar faar bɛr a ɩ̃ niŋé a, fʋ kʋ̃ cãà ɩ nɩ-cɔla ɩ.

Zeremi 44:16

«Fʋ na saa yel k'aa Sore yúor ƴãw n'a fʋ ƴɛ̀rɛ a tɩ zie a, tɩ bɛ bɛrɛ wone a fʋ ƴɛ̀rʋ ɛ.

Ezekɩɛl 14:6

Alɛ n'a so, yel kʋ̀ a Ɩsɩrayɛl nɩbɛ: “A Sore Naaŋmɩn zɛlɛ nyɩ na kɛ́ nyɩ lɩɛbɩ a nyɩ nyɔ-vʋʋrʋ, kɛ́ nyɩ ír nũu ɛ́ bɛr a nyɩ ŋmɩn-bɛlɛbɛlɛ, kɛ́ nyɩ ŋmɛlɩ kpaar cɔw a nyɩ ɩb na bɛ maal'ɩ wob a.”

Ezekɩɛl 20:18

«A wɛja-kpalɛ pʋɔ a, ɩ̃ tɩ yel'ɩ a nyɩ sãàkʋm-kore bibiir: “Nyɩ ta sàwr a nyɩ sãà mɩnɛ wulu ɛ, nyɩ ta tuur a bɛ tub ɛ, nyɩ ta ƴãw nyɩ tʋɔra dɛwr pʋɔ a bɛ ŋmɩn-bɛlɛbɛlɛ maalʋ zũú ɛ.

Ezekɩɛl 33:11

Yel bɛ a ɩ̃ yúor ƴãw à ŋá: A mãa Sore Naaŋmɩn n'ʋ yere, ɩ̃ pɔ n nɩ a ɩ̃ nyɔ-vʋʋrʋ, a nɩ-faar kũu bɛ mɩ́ ɩrɛ mɛ̃ nʋ̃ɔ̀ ɩ. Bom nɛ ɩ̃ na bɔbr a n'ɩ kɛ́ bɛ lɩɛbɩ a bɛ ɩb, ɛ́ vʋʋrɛ. Ɩ̃ zɛlɛ nyɩ na, nyɩ jɛ a nyɩ mil-faar bɛr. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Ezekɩɛl 33:4

A ɩ mɛ̃ nɩr wõ n a wɩ́ɛ kon ɛ́ bɛ cɛlɩ be ɩ, a dɔ̃ sob ta kʋ ʋ. A na ɩ à ŋá a, a nɩr ŋa so a ʋl mɩŋa kũu.

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

Amɔsɩ 5:24

Ɛcɛ nyɩ ɩ a yel-na-tu-sɔr-a gbɔlɛ mɛ̃ kʋ̃ɔ a, ɛ́ a mɩnʋ gbɔlɛ mɛ̃ bàa na bɛ sɩrɛ a.

Mise 2:6

Bɛ mɩnɛ kãw ƴɛ̀rɛ nɩ à ŋá a ɩ̃ zie: «Ta cãà ƴɛ̀rɛ a ƴɛ̀rʋ á ŋá taabɛ ɩ, dãbolu n'a, fʋ na yere k'aa vĩ bɛ tɛr nɩɩr-bɛrʋ a.

Zakari 7:7

A dãwdãw za a, a Naaŋmɩn tɩ ƴãw na a ƴɛ̀r-manbɛ ƴɛ̀r a ƴɛ̀rʋ á ŋá taabɛ. A lɛn daar a, a Zerizalɛm tẽw dem nɩ a tẽ-bɛrɛ na jil koli ʋ a nɩbɛ tɩ tɛr'ɩ ƴã-ɓaarʋ, ɛ́ nɩbɛ kpɩɛr a Negɛɛvʋ nɩ a Ba-Peyi vuo pʋɔ.

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

Nɩ-toni 3:19

A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.

1 Pɩɛr 1:18

Nyɩ bãwnɩ a vla, bom na ɩ bʋ̃-wɛra mɛ̃ a salm-pla nɩ a salm-zɩɛ a, alɛ bɛ n'a bɛ ya ír'ɩ nyɩ bɛr a ɩ-ɩrɩ na bɛ tɛr tɔnɛ a pʋɔ a nyɩ sãàkʋm-kore mɩnɛ na lʋɔrɩ kʋ̀ nyɩ a ɩ.