Zakari 1:17 - A SƐB-SÕW

¹⁷ Al pùorí a malkɩ tɩ yel'a k'ɩ̃ɩ lɛb hieri yel à ŋá: «Bʋ̃-vɩɛlɩ na lɛb'a paalɩ a ɩ̃ tẽ-bɛrɛ, a Sore Kpɛnʋ-za-sob n'ʋ yere, ɩ̃ na lɛb'a kaa ír a Zerizalɛm, ɩ̃ na lɛb'a mɔwlɩ a Sɩyɔ̃.»

Zakari 1:17 ပူးပေါင်းရင်းမြစ်များ

2 Bibie za yel-manɩ 6:6

Ɛcɛ, ɩ̃ kaa na ír a Zerizalɛm ʋ ɩ a ɩ̃ kpɛb zie, ɛ́ kaa ír fʋ, a fʋ̃ʋ Daviir, kɛ́ fʋ ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ.”

Neemi 11:20

A Ɩsɩrayɛl nɩbɛ bɛl na cɛ a, a bàwr-maalbɛ nɩ a levitɩ mɩnɛ, tɩ kpɩɛr'ɩ a Zuda tẽw tẽ-bɛrɛ al na cɛ a pʋɔ, ŋa za a ʋ zi-sóra pʋɔ.

Neemi 11:3

A Zuda tẽ-ŋmãa-kʋ̀ra pʋɔ nɩ-bɛrɛ tɩ kpɩɛr'ɩ a Zerizalɛm, ɛ́ a Ɩsɩrayɛl nɩbɛ ŋmaarɛ, a bàwr-maalbɛ, a levitɩ mɩnɛ, a Ŋmɩn-yir-kpɛ̃ɛ tõ-tõ-biir, a Salomɔ̃ tõ-tõ-biir bʋʋrɛ bɛl kpɩɛr a bɛ tẽ-bɛrɛ pʋɔ, ŋa za a ʋ zi-sóra pʋɔ.

Sɛb-sõw yielu 69:35

Ɛ́ nyɩɩm, salom nɩ tẽw, nyɩ danɛ ʋ, lãwnɩ a kʋ̃ɔ-bɛrɛ nɩ bom za na damnɛ a pʋɔ a!

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Ɩzayi 44:26

Ɛcɛ ɩ̃ mɩ́ ɩ n a ɩ̃ tõ-tõ-bie ƴɛ̀rʋ tu, ɛ́ ɩ a lɛ a ɩ̃ nɩ-toni na yel a maalɩ. Ɩ̃ yere nɩ a Zerizalɛm ƴãw: “Nɩbɛ na lɛb'a kpɛ ʋ, bɛ na lɛb a libri a ʋ deboru”. Ɩ̃ yere nɩ a Zuda tẽ-bɛrɛ ƴãw: “Bɛ na lɛb'a mɛ a”.

Ɩzayi 49:13

Salom i, ŋmɩɛr nʋ̃ɔ̀ cɛlsɩ! Ɛ́ fʋ̃ʋ, tẽw i, cɩlɛ! Tan i, nyɩ cáarɛ nʋ̃ɔ̀ cáarʋ! Bʋ̃ʋ n'ʋ vɛ̃, a Sore mɔwlɛ nɩ a ʋ nɩbɛ, ʋ zɔrɛ nɩ a kpɩɛrʋ dem nɩbaalʋ.

Ɩzayi 51:12

A Sore yere na: «Mãa n'ʋ mɔwlɛ nyɩ, ʋ̃ʋ, mãa n'ʋ. Ɩ̃ nɩbɛ ɛ, bʋ̃ʋ n'ʋ so nyɩ zɔrɛ a nɩsaal na ɩ bʋ̃-kpiira a, a nɩsaal na ɩ mɛ̃ mʋ̃ɔ a?

Ɩzayi 51:3

A Sore zɔrɛ nɩ a Sɩyɔ̃ nɩbaalʋ, ʋ zɔrɛ nɩ a ʋ deboru nɩbaalʋ. Ʋ na ɩ n a zie ŋa bɛ na bɛ cãà kpɩɛr a, ʋ lɩɛbɩ zi-vla vla. Ʋ na ɩ n a zi-kõw ŋa ʋ lɩɛbɩ Edɛn zaadɛ̃. Cɩlʋ nɩ nʋ̃ɔ̀ cɛlsɩ n'a na be a be, lãwnɩ danʋ yielu nɩ bʋ̃-ŋmɩɛrɩ ŋmɛb.

Ɩzayi 52:9

Zerizalɛm deboru u, nyɩ ŋmɩɛr nʋ̃ɔ̀ cɛlsɩ: a Sore mɔwlɛ nɩ a ʋ nɩbɛ, ʋ yarɛ na dier a Zerizalɛm.

Ɩzayi 54:8

Ɩ̃ tɩ nyɛ̃ nɩ fʋ nɩ suur yaga za, zawrɩ na nyɛ b zaa pʋrɩ. Ɛcɛ nɔ̃wfʋ na bɛ tɛr baarʋ a n'ʋ ɩ̃ wule nɩ fʋ a ɩ̃ su-ɓaarʋ. A mãa, a Sore, mãa n'ʋ yere à á ŋá kʋ̀rɛ fʋ, mãa na yarɛ dier fʋ a.

Ɩzayi 66:13

Sɩza, mɛ̃ a lɛ mã na mɩ́ mɔwlɩ a ʋ bie a, a mãa mɩ̀, ɩ̃ na mɔwlɩ nyɩ na. Nyɩ na nyɛ̃ nɩ mɔwlʋ a Zerizalɛm.

Zeremi 31:13

Lɛ n'a nʋ̃ɔ̀ na ɩrɛ a pɔwsɩrali bɛ ƴawr, lãwnɩ a pɔlbili nɩ a dɛb-nyamɛ. Ɩ̃ na ɩ na a bɛ wahala lɩɛbɩ nʋ̃ɔ̀, ɩ̃ na mɔwlɩ bɛ na. A pʋ-sãwna pùorí a, a na ɩ n a nʋ̃ɔ̀.

Zeremi 33:13

A Ho-Peyi, a Ba-Peyi nɩ a Negɛɛvʋ tẽ-bɛrɛ pʋɔ, a Bɛ̃zamɛ tẽw pʋɔ, a ziir na viiri koli a Zerizalɛm nɩ a Zuda tẽ-bɛrɛ a pʋɔ a, a píir nɩ a bʋʋr na mɩ́ lɛb'a cɔrɩ yire a sob nɛ na sɔrɛ a a niŋé.» À à ŋá n'a a Sore yel.

Zeremi 33:9

Lɛ n'a nʋ̃ɔ̀ na mɩ́ ɩrɛ mɛ̃ a Zerizalɛm yúor bʋɔlʋ ƴãw. A tẽ-kpɛ̃ɛ ŋa na ɩ na ɩ̃ tɛr yúor, ʋlɛ n'ʋ na so ɩ̃ nyʋʋr a tẽw zu nɩ-bʋʋrɛ za niŋé. Bɛlɛ wa wõ a vla al za ɩ̃ na na maal'ʋ a, bɛ na màwr'ɩ dɛ̃bɩ̃-mawfʋ, ɛ́ pʋ̀lá vʋ̃ɔnɛ bɛ, bɛ na nyɛ̃ a nʋ̃ɔ̀ nɩ a ƴã-ɓaarʋ al za ɩ̃ na na kʋ̀ ʋ a.»

Ezekɩɛl 36:33

À ŋá n'a a mãa Sore Naaŋmɩn yere: A lɛn daar mãa wa pɛ́w a nyɩ sãwna za bɛr nyɩ a, ɩ̃ na ɩ na a nyɩ tẽ-bɛrɛ lɛb tɛr nɩbɛ, ɛ́ a deboru na lɛb'a libri.

Amɔsɩ 9:14

Ɩ̃ lɛb'a maalɛ a ɩ̃ nɩ-bʋʋrɛ ƴãwn: bɛ na lɛb'a mɩɛr a ten al na tɩ sãw a, kɛ́ bɛ kpɩɛr a pʋɔ. Bɛ na sɛl'ɩ divɛ̃ tɩɩr nyúur a divɛ̃. Bɛ na kɔ n zaadɛnɩ dɩrɛ a zaadɛnɩ pʋɔ bome.

Abɩdɩasɩ 1:20

A saa-pɛrɩ́-gʋba-lowr Ɩsɩrayɛl nɩbɛ bɛ na diw cen nɩ tẽ-yũo a na lɩɛb'ɩ zɛbr-nɩbɛ na ta zɛbr-nɩbɛ a. Bɛ na so nɩ a Kanãa tẽw tɩ tɔ a Sarɛpta tẽw. A Zerizalɛm nɩbɛ bɛ na ír a bɛ tẽw pʋɔ bɛ kpɩɛr a Sefaradɩ a, na so nɩ a Negɛɛvʋ tẽw tẽ-bɛrɛ.

Zakari 1:14

A malkɩ na tɩ ƴɛ̀rɛ a ɩ̃ zie a, tɩ yel mɛ̃ na: Hieri yel: À ŋá n'a a Sore, a Kpɛnʋ-za-sob, yere: «Ɩ̃ nɔnɛ nɩ a Zerizalɛm nɩ a Sɩyɔ̃ tãw vũuvũu.

Zakari 2:12

A Sore Kpɛnʋ-za-sob na kʋ̀ m tõ-nɔ-kpɛ̃ɛ a, yere nɩ à ŋá a nɩ-bʋʋrɛ bɛl na fá nyɩ a ƴãw: «Nɩr za na tʋɔr nyɩ a, a ɩ̃ bʋ̃-tuo n'ʋ ʋ tʋɔr.

Zakari 2:4

Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Zakari 3:2

A malkɩ tɩ yel'ɩ a Sɩtaana: «A Sore, ʋ pàw fʋ a nʋɔr, Sɩtaana a, ʋ pàw fʋ a nʋɔr, ʋl na kaa ír a Zerizalɛm a! A Zozue bɛ sɩrɩ ɩ mɛ̃ da-ŋmãa bɛ na ír vũumí a ɩ?»

Efɛɛzɩ 1:4

Ʋ bɛ tɩ ír a tẽ-daa sɛr ɛ, ɛ́ de niwn kaa ír tɩ a Kɩrɩta ƴãw, kɛ́ tɩ wa lɩɛbɩ nɩ-son na bɛ tɛr sãwna bɛ yere a, a ʋ nɔ̃wfʋ pʋɔ, a ʋ niŋé.