Zakari 1:16 - A SƐB-SÕW

¹⁶ Alɛ n'a so ɩ̃ yere, a mãa, a Sore Kpɛnʋ-za-sob: Ɩ̃ lɛb'a waar a Zerizalɛm nɩ nɩbaal-zɔba. A ɩ̃ yir na lɛb'a mɛ a ʋ pʋɔ, ɛ́ bɛ na lɛb'a mɛ a Zerizalɛm tẽ-kpɛ̃ɛ.»

Zakari 1:16 ပူးပေါင်းရင်းမြစ်များ

A Zɔb sɛbɛ 38:5

Ãa n'ʋ manɩ a ʋ zɛ̃a? Fʋ bãw ʋ na a? Bɩɩ ãa n'ʋ dɔl a miwr manɩ nɩ ʋ?

Ɩzayi 12:1

Nɩ-bʋʋrɛ bɛ na faa a, nyɩ na yel'ɩ a ʋlɩ bibir nɛ: «Sore e, tɩ puore fʋ nɩ barka. Bʋ̃ʋ n'ʋ vɛ̃, fʋ tɩ nyɛ̃ nɩ tɩ nɩ suur, ɛcɛ a fʋ suur ɓãa na, ɛ́ fʋ mɔwlɛ tɩ.

Ɩzayi 34:11

Ʋ na ɩ n a vìí nɩ a zɔ̃po zie, vìí-kpãakpul nɩ gbagba na kpɩɛr'ɩ a be. A Sore na sãw nɩ a tẽw bɛr. A na ɩ na mɛ̃ a vo-kpɛ̃ɛ-zawla na tɩ be be ɛ́ a tẽ-daa bɛ ír sɛr a.

Zeremi 30:18

À ŋá n'a a Sore yere: «Ɩ̃ na ɩ na a Ɩsɩrayɛl yie lɛb ŋmɛ̃ mɛ̃ a koro za a, ɩ̃ na zɔ n a bɛ yie nɩbaalʋ. A tẽ-bɛrɛ na lɛb'a mɛ a be a na tɩ be wa lo a, ɛ́ yir-vɩɛlɩ lɛb mɛ a debo-kore zu.

Ezekɩɛl 40:3

Ʋ tɩ tɛr mɛ̃ na cen nɩ a be, ɛ́ bom ŋa n'ʋ ɩ̃ tɩ nyɛ̃: nɩr na ŋmɛ̃ taa nɩ kur-zɩɛ a tɩ àr'ɩ saaƴẽwn pɩɛlɩ dɩ̃dɔr. Ʋ tɩ tɛr'ɩ lɛ̃ miwr a nũú nɩ dali-mána a manʋ ƴãw.

Ezekɩɛl 47:3

A nɩr nɛ na wa yi a saa-pɛrɩ́ a, ʋ tɩ tɛr'ɩ miwr a nũú ɛ́ tɩ de ʋ manɩ nɩ mɛtɩr kɔbr anũu (500) a saa-pɛrɩ́ lowr. Al pùorí ʋ ƴãw ɩ̃ kpɛ gãw a kʋ̃ɔ: a tɩ ta n a ɩ̃ gbɛnakɔɛ ƴãw.

Ezekɩɛl 48:35

A dacine na na viiri koli a tẽ-kpɛ̃ɛ a wowr za na ɩ n mɛtɩr tùr-piwaɩ (9 000). A na dɛ tĩ a ʋlɩ bibir nɛ a, bɛ na bʋɔlɛ nɩ a tẽ-kpɛ̃ɛ kɛ́: “A-Sore-be-n-ka.”»

A naaŋmɩn-ƴɛ̀r-manɛ Aaze sɛbɛ 1:14

A Sore tɩ sɩ̃w nɩ a Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a tɩɛrʋ, ɛ́ sɩ̃w a Yehosadakɩ bidɛb, Zozue, tɩɛrʋ, ʋl na ɩ a bàwr-maal-kara a, ɛ́ sɩ̃w a Naaŋmɩn nɩ-bʋʋrɛ bɛl na cɛ lɛb wa a tɩɛrʋ. Bɛ tɩ nyɔw nɩ a Sore kpɛnʋ-za-sob bɛ Naaŋmɩn, yir-kpɛ̃ɛ lɛb-mɛb tome

Zakari 10:6

Ɩ̃ na ɩ na a Zuda nɩbɛ tɛr fãw, ɩ̃ na faa nɩ a Ɩsɩrayɛl nɩbɛ. Ɩ̃ na lɛb'a tɛr bɛ wa n a bɛ tẽw, ɛ́ wul bɛ a ɩ̃ nɔ̃wfʋ, mɛ̃ ɩ̃ bɛ dãw jɛ bɛ bɛr towtow a. Ɩ̃ ɩ n a Sore bɛ Naaŋmɩn, ɩ̃ɩ na sàw na de a bɛ puoru.

Zakari 2:4

Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Zakari 2:5

Ɩ̃ tɩ zɛw nɩ zu nyɛ̃ bʋ̃-nyɛra kãw: nɩr na tɛr miw-máná a.

Zakari 2:6

Ɩ̃ tɩ sowr'ʋ na: «Nyɩnɛ na fʋ cere?» Ʋ sɔw mɛ̃: «Zerizalɛm'a, k'ɩ̃ɩ tɩ manɩ a ʋ wogo nɩ a ʋ yɛ̀lʋ.»

Zakari 4:9

«A Zorobabɛl nuru n'a sʋ̃ɔ́ a Ŋmɩn-yir-kpɛ̃ɛ pɛr, ɛ́ na mɛ ʋ tɩ baarɩ.» A yele á ŋá za wa ta baar'a, nyɩ na bãw na k'aa Sore, a Kpɛnʋ-za-sob, sɩrɩ n'ʋ tõ m a nyɩ zie.

Zakari 8:3

Alɛ n'a so, mãa n'ʋ yere: ɩ̃ lɛbr'a waar a Zerizalɛm, ɩ̃ lɛb'a kpɩɛr a Sɩyɔ̃ tẽw. Bɛ na bʋɔlɛ nɩ a Zerizalɛm kɛ́ “Tẽ-kpɛ̃ɛ na bɛ lɛb pùor a”, ɛ́ a Sɩyɔ̃ tãw ɩ̃ na so a, yúor na dɩ na kɛ́ “Tãw-sõw”.