Zakari 1:12 - A SƐB-SÕW

¹² Lɛ n'a a Sore malkɩ tɩ lɛb yel: «Sore Kpɛnʋ-za-sob i, yome lɩz'a ata nɩ pie n'ɩ à ŋá fʋ na nyɛ̃ nɩ a Zerizalɛm nɩ a Zuda ten al na cɛ a, suur a. Debor'a fʋ na zawrɩ na zɔ a nɩbaalʋ tɩ ta n?»

Zakari 1:12 ပူးပေါင်းရင်းမြစ်များ

2 Bibie za yel-manɩ 36:21

À ŋá n'a a ƴɛ̀rʋ a Sore na tɩ ƴãw a ʋ ƴɛ̀r-manɛ Zeremi ƴɛ̀r a tɩ tu: «Bɛ na zawr'ɩ a tẽw bɛr tɩ maalɩ yome lɩz'a ata nɩ pie, ɛ́ gù a ʋ pɩ̃ɛnʋ daar tɩ baarɩ. A yome á ŋá na lɩɛr'ɩ a pɩ̃ɛnʋ voru al za bɛ na bɛ tu a.»

Sɛb-sõw yielu 102:10

Tãpɛlʋ n'ɩ a ɩ̃ bʋ̃-dɩrɩ, ɛ́ mãa wa nyúur bom a, ɩ̃ mɩ́ nyúur'a lãwnɩ a ɩ̃ mʋta-kʋ̃ɔ.

Sɛb-sõw yielu 102:13

Ɛcɛ fʋ̃ʋ a, Sore e, fʋ ɩ n nãà kʋralɛ, ɛ́ a nɩbɛ na dɔwr lɩɛrɛ taa a, kʋ̃ yiiri a fʋ yele ɩ.

Sɛb-sõw yielu 69:5

A bɛlɩ dem na hɩ̃ɛn mɛ̃ zawla a, bɛ yãwmɛ na zuo a ɩ̃ zukɔbɛ. A nɩbɛ bɛl na kʋrɛ mɛ̃ a, bɛ tɛr'ɩ fãw, a bɛl ɩ̃ na bɛ sãw, ɛ́ bɛ tɛr'ɩ mɛ̃ dɔ̃ a. A bom ɩ̃ na bɛ zu a, ɩ̃ na tʋ̃ɔ́ na lɛb tɩr ʋ bɩɩ?

Sɛb-sõw yielu 74:10

Naaŋmɩn i, debor'a a bɛ-nɔnɛ na tʋ b a zʋmɛ tɩ ta? Debor'a a dɔ̃ sob na ɩrɛ fʋ kʋralɛ laar tɩ ta?

Sɛb-sõw yielu 79:5

Sore e, debor'a fʋ na nyɛ̃ a suur tɩ ta? Kʋralɛ n'a a fʋ suur na 'lere mɛ̃ vũu a bɩɩ?

Ekilezɩasɩ 3:3

Kʋb daar be n be, sanʋ daar be be. Da-lɔbrʋ daar be n be, mɛb daar be be.

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

Zeremi 12:4

Debor'a a tẽw na be a wahala pʋɔ tɩ ta? Debor'a a póru na ko gã tɩ ta? A dʋn nɩ a lili za kpiir'a, a tẽw dem ɩ-faar zũú. Bɛ yere na: «Zeremi kʋ̃ cãà be nyɛ̃ a lɛ a na ŋmɛ̃ tɩ a ɩ.»

Zeremi 15:17

Ɩ̃ bɛ zɩ̃ a nɩ-ɩ-laarbɛ sɔgɔ k'ɩ̃ɩ dɩ̃ɛnɩ ɛ. Ɛcɛ fʋ fɛr mɛ̃ na ƴãw ɩ̃ be ɩ̃ yõ zie, fʋ na tɩ ɩ ɩ̃ ɩ suur tɛwr a ƴãw.

Zeremi 29:10

À ŋá n'a a Sore cãà lɛb yere: “A Babɩlɔn naalʋ-tẽw wa cɛlɩ tɩ ta yome lɩz'a ata nɩ pie a, ɩ̃ na kaa nɩ a nyɩ zie, ɛ́ maalɩ nyɩ a vla al za ɩ̃ na tɩ pɔ yel kʋ̀ nyɩ a: Ɩ̃ na ɩ na nyɩ lɛb wa a Zerizalɛm ka.

Zeremi 30:18

À ŋá n'a a Sore yere: «Ɩ̃ na ɩ na a Ɩsɩrayɛl yie lɛb ŋmɛ̃ mɛ̃ a koro za a, ɩ̃ na zɔ n a bɛ yie nɩbaalʋ. A tẽ-bɛrɛ na lɛb'a mɛ a be a na tɩ be wa lo a, ɛ́ yir-vɩɛlɩ lɛb mɛ a debo-kore zu.

Habakukɩ 1:2

Sore e, debor'a ɩ̃ na bʋɔlɩ fʋ a ɩ̃ faafʋ ƴãw tɩ ta, ɛ́ fʋ bɛ bɛrɛ wone? Ɩ̃ kone nɩ a po-to-fãw-ɩb na ɩrɛ a ƴãw, ɛ́ fʋ bɛ faarɛ tɩ ɛ.

Zakari 1:8

Bʋ̃-nyɛra kãw n'ʋ ɩ̃ nyɛ̃ a tɩ̃ɩsɔw: Nɩr na zɔm wur-zɩɛ a. Ʋ tɩ àr'ɩ mɩrtɩ tɩɩr pʋɔ, a bà-fʋɔla pɛrɩ́ za. Wie a mɩnɛ tɩ be n a ʋ pùorí ɩ zɩɩr, ulsɩ nɩ pɛlɛ.

Zakari 7:5

k'ɩ̃ɩ ɩ a bàwr-maalbɛ nɩ a tẽw dem za bãw a ʋ sɔwfʋ ŋa: «Yome lɩz'a ata nɩ pie n'ɩ à ŋá, nyɩ na mɩ́ tɛr a mʋta-tuo kone nɩ, a cuwr anũu nɩ a cuwr ayopõi sob daar a, ɛcɛ, nyɩ bɛ mɩ́ tɛr a mʋta-tuo á ŋá k'aa pɛlɩ a ɩ̃ pʋɔ ɩ!

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

Yel-wula 6:10

Bɛ tɩ cɩɩrɛ na nɩ kɔkɔr-kpɛ̃w yere: «Zu-sob na ɩ sõw, ɛ́ ɩ Zu-sob sɩza a, debor'a fʋ na gù n a ƴɛ̀rʋ-maalʋ nɩ a tɩ kũu san sowru a tẽw zu nɩbɛ zie tɩ ta?»