Zã 8:2 - A SƐB-SÕW

² A biɓaar-pipi, ʋ tɩ lɛb'a wa a Ŋmɩn-yir-kpɛ̃ɛ pʋɔ, ɛ́ a nɩbɛ za na tɩ zɔrɛ waar a ʋ zie a, ʋ tɩ zɩ̃ na ɛ́ nyɔw nɩ bɛ a kanʋ.

Zã 8:2 ပူးပေါင်းရင်းမြစ်များ

Ekilezɩasɩ 9:10

Alɩ bome nɛ za fʋ na na tʋ̃ɔ́ ɩ n a fʋ yõ fãw a, ɩ a. Bʋ̃ʋ n'ʋ vɛ̃, a kpɩmɛ tẽw fʋ na na cen a, nɩr kʋ̃ tʋ̃ɔ́ ɩ bom za ɩ, nɩr kʋ̃ tʋ̃ɔ́ tɩɛrɩ ɛ, bãwfʋ nɩ yã-bãwfʋ bɛ ka be ɩ.

Zeremi 25:3

«A Amɔ̃ bidɛb Zozɩasɩ na ɩ a Zuda tẽw nãà a naalʋ-dɩb yome pie nɩ ata daar za n'a, a pɛr lɛ kɛ́ yome lɩzɛr'ɩ ata, a Sore ƴɛ̀r a ɩ̃ zie, ɩ̃ɩ ƴɛ̀rɛ a ʋ ƴɛ̀rʋ kʋ̀rɛ nyɩ bɛ tɛr bàlʋ daar ɛ, ɛ́ nyɩ bɛ bɛr wõ ɩ.

Zeremi 32:33

Bɛ nãá lɩɛbɩ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃. Ɛcɛ ɩ̃ ƴãw nɩ nũu wul bɛ, ɛ́ bɛ bɛ bɛr wõ ɩ, bɛ bɛ de a wulu ɛ.

Zeremi 44:4

Ɩ̃ ƴãw nɩ nũu tõ a ɩ̃ tõ-tõ-biir na ɩ a ɩ̃ ƴɛ̀r-manbɛ, a nyɩ zie, kɛ́ bɛ yel nyɩ: Nyɩ ta maalɛ a yel-faar á ŋá na bɛ maal'ɩ wob ɩ̃ na bɛ nɔ̃w towtow a ɩ!

Matie 26:55

A ʋlɩ tɛm nɛ pʋɔ, a Yeezu tɩ yel'ɩ a nɩbɛ: «Nyɩ wa n nɩ zɛbr-sɔ-bɛrɛ nɩ dabɔlɛ kɛ́ nyɩ wa nyɔw nɩ mɛ̃, mɛ̃ nyãnyu-nɩ-kʋrɛ a, ɛ́ bibir za ɩ̃ mɩ́ tɩ be a Ŋmɩn-yir-kpɛ̃ɛ pʋɔ zɩ̃ kanɛ nɩ a nɩbɛ ɛ́ nyɩ bɛ nyɔw mɛ̃ ɩ.

Luka 21:37

A mʋ̃tɔ̃w, a Yeezu mɩ́ tɩ be n a Ŋmɩn-yir-kpɛ̃ɛ pʋɔ kanɛ nɩ a nɩbɛ, ɛ́ a zie wa sɔb a, ʋ̃ʋ cen a tãw ʋl zu bɛ na bʋɔlɛ kɛ́ Olivʋ tɩɩr tãw a, tɩ gã.

Luka 21:38

Ɛ́ a zie wa vɩɛrɛ a, a nɩbɛ za mɩ́ wa n a ʋ zie a Ŋmɩn-yir-kpɛ̃ɛ pʋɔ, kɛ́ bɛ wa bɛr wõ a ʋ ƴɛ̀rʋ.

Luka 4:20

A Yeezu tɩ lɛb'a pili a sɛbɛ kʋ̀ a sõwne, ɛ́ zɩ̃. A nɩbɛ za na tɩ be a puoru-dĩó be a, tɩ jɩ́rɛ ʋ nɩ gbẽgbẽ.

Luka 5:3

A Yeezu tɩ do na kpɛ a gbor kãw pʋɔ, na tɩ ɩ Sɩmʋ̃ gbor a, ɛ́ zɛlɩ ʋ k'ʋʋ taw zãá nɩ a kõkowr blã. Lɛ n'a a Yeezu pãa tɩ zɩ̃ a gbor pʋɔ ɛ́ kanɛ nɩ a zu-sɛbla.

Zã 4:34

A Yeezu yel bɛ: «A sob nɛ na tõ m a pʋ-tɩɛrʋ maalʋ nɩ a ʋ tome tob'a ɩ a ɩ̃ bʋ̃-dɩrɩ.

Zã 8:20

A Yeezu na tɩ kanɛ nɩ a nɩbɛ a Ŋmɩn-yir-kpɛ̃ɛ pʋɔ a n'a, ʋ tɩ ƴɛ̀r a ƴɛ̀r-bie á ŋá, a be bɛ na bin a dawr a nɩbɛ ƴãwnɛ a libie a. Nɩr za bɛ tɩ sàw zɛw nũu tɔ n ʋ ɛ, a ʋ daar na bɛ tɩ ta sɛr a ƴãw.

Zã 8:3

A Naaŋmɩn wulu sɛ-sɛbrbɛ nɩ a Faarizɩ̃ɛ mɩnɛ tɩ tɛr'ɩ pɔw kãw, bɛ na nyɔw pɔw-gaa yel-bier maalʋ zu a, wa n a ʋ zie. Bɛ tɩ ƴãw ʋ nɩ sɔwlɩsɔw

Nɩ-toni 5:21

Bɛ tɩ sàw na de a malkɩ ƴɛ̀rʋ, ɛ́ a zie na wa vɩɛrɛ wa báarɛ a, bɛ cen nɩ a Ŋmɩn-yir-kpɛ̃ɛ pʋɔ tɩ be a be kanɛ nɩ a nɩbɛ. A bàwr-maal-kara tɩ ta na. Ʋlɛ nɩ a ʋ nɩbɛ tɩ bʋɔl'ɩ a Zifʋ mɩnɛ ƴɛ̀rʋ-dɩb-lãw nɩbɛ ɓã taa, ɛ́ pãa tõ kɛ́ bɛ cen a gaso pʋɔ tɩ tɛr a nɩ-toni wa n.