Zã 5:7 - A SƐB-SÕW

⁷ A nɩ-kɔw nɛ tɩ sɔw ʋ na yel: «Sore e, ɩ̃ bɛ tɛr nɩr ʋ na mɩ́ nyɔw mɛ̃ ƴãw a kʋ̃ɔ pʋɔ a lɛn daar a na mɩ́ ɓuule a ɩ, ɛ́ mãa wa yel kɛ́ a cenu n'a a, kãw mɩ́ de nɩ niwn siw a ɩ̃ ƴãw.»

Zã 5:7 ပူးပေါင်းရင်းမြစ်များ

Sɛb-sõw yielu 142:4

Ɩ̃ na mɩ́ wa bàl bɛ cãà laar a, a fʋ̃ʋ a, fʋ mɩ́ bãw nɩ a be ɩ̃ na cere a. A sɔ́r ʋl zu ɩ̃ na cere a, bɛ ƴãw nɩ bɛra a ɩ̃ ƴãw.

Sɛb-sõw yielu 72:12

Ʋ na faa nɩ a nã́w sob na kone bʋɔlɛ a, nɩ a bãbàal na bɛ tɛr kpa-tɩɛrɛ a.

Zã 5:2

A Zerizalɛm a, kʋ̃ɔ-puulu zie kãw be n be pɩɛlɩ a Píir-Dɩdɔr. Bɛ bʋɔlɛ nɩ a zie nɛ kɛ́ Bezata a Zifʋ mɩnɛ kɔkɔr pʋɔ. Bɛ-caar anũu tɩ jil'a koli a kʋ̃ɔ-puulu zie ŋa.

Zã 5:3

Bàalbɛ mɩ́ tɩ gbõ n taa gã a bɛ-caar al pʋɔ: zɔn, wʋbr, gbɛɛ. [Bɛ mɩ́ tɩ gã na gù kɛ́ a kʋ̃ɔ wa ɓuule a, bɛ̃ɛ siw a kʋ̃ɔmɩ́.

Zã 5:4

Tɛm kãw pʋɔ, Sore malkɩ mɩ́ siw na dam a kʋ̃ɔ a ɓuule, ɛ́ sob nɛ wa de niwn siw a kʋ̃ɔ na ɓuule a pʋɔ a, a ʋ bàalʋ saa ŋmɛ̃ ŋmɩŋmɩn a, a mɩ́ baar'a.]

Zã 5:6

A Yeezu na tɩ nyɛ̃ ʋ ʋ gã a, ʋʋ wõ kɛ́ à ŋá n'a ʋ ŋmɛ̃ koro za a, ʋ sowr'ʋ na: «Fʋ bɔbr'a kɛ́ fʋ sanɩ bɩɩ?»

Ʋrɔm 5:6

Tɩ na bɛ tɩ tɛr fãw na ɩ bom za a, lɛ n'a a Naaŋmɩn daar na wa ta a, a Kɩrɩta kpi yel-bebe dem ƴãw.

1 Korɛ̃tɩ 9:24

Nyɩ bɛ bãw k'aa bɛlɩ dem na mɩ́ dãwnɛ taa a dɩ̃ɛnʋ zie a, bɛ za nɛbɛ mɩ́ zɔrɛ, ɛcɛ been yõ n'ʋ mɩ́ wa páw a zɔ-tʋ̃ɔ́fʋ bom ɛ? A na ɩ à ŋá a, nyɩ zɔrɛ zɔba na na ɩ nyɩ páw a zɔ-tʋ̃ɔ́fʋ sã-ya a.

Wulu-ayi-sob 32:36

A Sore na sɩrɩ na dɩ a ƴɛ̀rʋ nɩ mɩnʋ kʋ̀ a ʋ nɩ-bʋʋrɛ, ʋ na zɔ n a ʋ tõ-tõ-biir nɩbaalʋ, ʋlɛ wa nyɛ̃ a bɛ fãw za baarɩ a, ʋlɛ wa nyɛ̃ tɩ̀ɛrɛ nɩ sõwne za bɛ ka be a.