Zã 3:3 - A SƐB-SÕW

³ A Yeezu tɩ sɔw ʋ na: «Yel-mɩŋa sɩza sɩza n'a ɩ̃ yere kʋ̀rɛ fʋ: nɩr bɛ wa lɛb dɔw a, ʋ kʋ̃ tʋ̃ɔ́ nyɛ̃ a Naaŋmɩn Naalʋ ɛ.»

Zã 3:3 ပူးပေါင်းရင်းမြစ်များ

Zeremi 5:21

Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Ezekɩɛl 36:26

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ vʋʋr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Matie 16:17

Lɛ n'a a Yeezu tɩ lɛb de a ƴɛ̀rʋ yel ʋ: «Zu-nʋ̃ɔ̀ sob nɛ b, Zonasɩ bidɛb Sɩmʋ̃ ʋ, nɩsaal bɛ n'ʋ wul fʋ a yel ŋa ɩ, a ɩ̃ Sãà na be a tẽ-vla pʋɔ a n'ʋ.

Matie 19:24

Ɩ̃ lɛb'a yere kʋ̀rɛ nyɩ, a nyɔ̃wmɛ na na yi mɩsɩn vʋɔrɩ́ a, a ɩ n mɔlɛ zuo tɛra sob na na kpɛ a Naaŋmɩn Naalʋ pʋɔ a.»

Matie 21:31

A bɛ ayi pʋɔ a, buor sob'ʋ maalɩ a ʋ sãà pʋ-tɩɛrʋ?» Bɛ tɩ sɔw na: «A dãw-niwn sob'ʋ.» Lɛ n'a a Yeezu tɩ yel bɛ: «Yel-mɩŋa sɩza, ɩ̃ yere na kʋ̀rɛ nyɩ: zuru-yar-dierbɛ nɩ pɔw-yɛmɛ na dãw nyɩ nɩ a Naaŋmɩn Naalʋ pʋɔ.

Matie 5:18

Yel-mɩŋa sɩza, ɩ̃ yere na kʋ̀rɛ nyɩ: a lɛn daar za a salom nɩ a tẽw na na cãà be a, kan-bi-pʋrɩ kãw za nɩ kan-bi-ŋmale kãw za kʋ̃ yi zaa a Wulu pʋɔ ɩ, ɛ́ gù a yele za baarʋ daar.

Markɩ 10:14

A Yeezu na tɩ nyɛ̃ a lɛ a, ʋ nyɛ̃ nɩ suur, ɛ́ yel a ʋ po-tuurbɛ: «Nyɩ bɛr a bibiir bɛ wa a ɩ̃ zie, nyɩ ta diwr bɛ bɛrɛ ɩ, a bɛlɩ dem na ŋmɛ̃ taa nɩ bɛ a, bɛlɛ so a Naaŋmɩn Naalʋ.

Markɩ 9:47

Ɛ́ a fʋ mimir wa n'ʋ tawr fʋ ƴãwn a yel-bier pʋɔ a, 'lòw ʋ ír bɛr. Fʋ na na kpɛ a Naaŋmɩn Naalʋ pʋɔ nɩ mimi-fɩɔ a, alɛ sa bɛ na na lɔb fʋ ƴãw a tẽ-faa pʋɔ nɩ a fʋ mimie a za ayi a,

Zã 1:13

bɛl na bɛ ɩ nɩsaal zɩ̃ɩ bɩɩ nɩsaal pʋ-tɩɛrʋ bʋ̃-dɔwrɩ a, ɛ́ ɩ Naaŋmɩn bi-dɔwrɩ a.

Zã 1:5

A cãà caalɛ nɩ a lige pʋɔ, ɛ́ a lige bɛ tʋ̃ɔ́ piw ʋ tɛr ɛ.

Zã 1:51

A Yeezu tɩ cãà na yel ƴãw pʋɔ: «Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na nyɛ̃ nɩ a salom ʋ yuo, ɛ́ a Naaŋmɩn malkɩ mɩnɛ be a Nɩsaal Bie zu-sɔw siwr ɛ́ dúor.»

Zã 12:40

«Naaŋmɩn ɩ na bɛ zɔ̃w, ʋʋ ɩ a bɛ socie kpawlɩ, kɛ́ bɛ ta tʋ̃ɔ́ nyɛ̃ nɩ a bɛ mimie ɩ, kɛ́ bɛ ta tʋ̃ɔ́ bãw a pɛr ɛ, kɛ́ bɛ ta tʋ̃ɔ́ lɩɛbɩ a bɛ ɩb ɛ, ʋ ta tʋ̃ɔ́ sanɩ bɛ ɩ.»

Zã 3:4

A Nikodem tɩ sowr'ʋ na: «Nɩr na kor a, ŋmɩŋmɩn n'a bɛ na ɩ lɛb dɔw ʋ? Ʋ na tʋ̃ɔ́ na lɛb kpɛ a ʋ mã púorí wa yi bɩɩ?»

2 Korɛ̃tɩ 4:4

a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

2 Korɛ̃tɩ 5:17

Lɛ so nɩr wa lãw nɩ a Kɩrɩta a, ʋ lɩɛb'ɩ nɩ-paala. Bʋ̃-kʋra tɔl'a, ɛ́ bʋ̃-paala n'ʋ be be.

Galasi 6:15

Bʋ̃ʋ n'ʋ vɛ̃, fʋ na ŋmãa a yʋ̀ɔr bɩɩ fʋ na bɛ ŋmãa a, a bɛ ɩ bom ɛ, fʋ na ɩ Naaŋmɩn bʋ̃-ír-paala a, ʋlɛ n'ʋ ɩ bom.

Efɛɛzɩ 2:1

A nyɩɩm a, nyɩ tɩ dãw na ɩ nɩ-kũuni a nyɩ sãwna nɩ a nyɩ yel-bebe zũú.

Wulu-ayi-sob 29:4

Ʋ ƴãw na nyɩ cen a wɛja-kpalɛ pʋɔ yome lɩz'a ayi: a nyɩ bʋ̃-suuri nɩ a nyɩ nafawr-ɓɛwlɩkɛl bɛ zaw ɛ.

Títɩ̀ 3:5

ʋ faa tɩ na, ɛ́ a bɛ ɩ yel-mɩŋa tɩ na tɛr a tɩ ɩ-ɩrɩ pʋɔ a n'a so ɩ, a ʋ su-ɓaarʋ zũú n'a ʋ so tɩ a suob kʋ̃ɔ tɩ lɛb dɔw, ʋʋ kʋ̀ tɩ a Vʋʋrʋ Sõw tɩ lɩɛbɩ nɩ-paalɛ.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.

1 Zã 2:29

Nyɩ na bãwnɩ a k'aa Kɩrɩta ɩ n nɩ-mɩŋa a, nyɩ sàw kɛ́ sob nɛ za mɩ̀ na tuur a mɩnʋ sɔ́r a, ɩ n Naaŋmɩn bʋ̃-dɔwra.

1 Zã 3:9

Nɩsaal za na ɩ Naaŋmɩn bʋ̃-dɔwra a, ʋ bɛ cãà maalɛ yel-bier ɛ, a nyɔ-vʋʋrʋ fãw na yi a Naaŋmɩn zie a na be a ʋ pʋɔ a ƴãw, ɛ́ a Naaŋmɩn na n'ʋ dɔw ʋ a, ʋ kʋ̃ tʋ̃ɔ́ cãà maalɛ yel-bier ɛ.

1 Zã 5:1

Nɩr za na sàw de k'aa Yeezu ɩ n a Kɩrɩta a ɩ n Naaŋmɩn bʋ̃-dɔwra. Ɛ́ sob nɛ za na nɔnɛ a dɔwrɛ a mɩ̀ mɩ́ nɔnɛ nɩ a ʋ bʋ̃-dɔwra.

1 Zã 5:18

Tɩ bãwnɩ a na kɛ́ Naaŋmɩn bʋ̃-dɔwra za bɛ maalɛ yel-bier ɛ, a Naaŋmɩn Bie gù ʋ na, ɛ́ a Faalʋ sob kʋ̃ tʋ̃ɔ́ ɩ ʋ bom ɛ.

1 Zã 5:4

bʋ̃ʋ n'ʋ vɛ̃, Naaŋmɩn bʋ̃-dɔwra za tʋ̃ɔ́ nɩ a tẽ-daa, ɛ́ a tʋ̃ɔ́fʋ tɩ na tʋ̃ɔ́ a tẽ-daa a n'ɩ a tɩ naaŋmɩn-sàw-deb.

Yel-wula 3:14

Sɛb yel a Lawdise tẽw Lãw-yir malkɩ: «À ŋá n'a a Amɛn, a dãsɩ-dɩrɛ mɩŋa na bɛ lɛbr pùor a yere, ʋl na ɩ a Naaŋmɩn bʋ̃-íri za yib zie a: