Zã 17:2 - A SƐB-SÕW

² Lɛ n'a ʋ na kʋ̀ a nyɔ-vʋʋrʋ na be kʋralɛ a a bɛlɩ dem za fʋ na de kʋ̀ ʋ a, a fãw fʋ na kʋ̀ ʋ bʋ̃-vʋʋra za zu a ƴãw.

Zã 17:2 ပူးပေါင်းရင်းမြစ်များ

Sɛb-sõw yielu 110:1

Daviir yielu. Sɛb-sõw yielu. A Sore Naaŋmɩn yel'ɩ a nãà ɩ̃ sore: «Wa zɩ̃ a ɩ̃ dʋrʋ lowr, ɛ́ gù ɩ̃ tɩ ɩ a fʋ dɔ̃ dem bɛ lɩɛbɩ a fʋ gbɛ́ɛ dɔwlʋ zie.»

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

Matie 25:46

A bɩɛrɩ bɛ ŋa na cen nɩ a dɔwrʋ na bɛ tɛr baarʋ a pʋɔ, ɛ́ a nɩ-mɩn cen a nyɔ-vʋʋrʋ na be kʋralɛ a pʋɔ.»

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Zã 17:24

Ɩ̃ Sãà a, a bɛlɩ dem fʋ na kʋ̀ m a, ɩ̃ bɔbr'a kɛ́ a be ɩ̃ na be a, bɛ mɩ̀ be a be lãwnɩ mɛ̃, ɛ́ nyɛ̃ a ɩ̃ yúor-vɩɛlʋ-danʋ, a yúor-vɩɛlʋ-danʋ ʋl fʋ na kʋ̀ m a, a fʋ na tɩ nɔ̃w mɛ̃ ɛ́ bɛ ír a tẽ-daa sɛr a ƴãw.

Zã 17:6

A nɩbɛ bɛl fʋ na ír a tẽ-daa pʋɔ kʋ̀ m a, ɩ̃ ɩ na kɛ̀ bɛ bãw a fʋ yúor. Fʋ̃ʋ tɩ so bɛ, ɛ́ de bɛ kʋ̀ m, ɛ̀ bɛ tɛr'ɩ a fʋ ƴɛ̀rʋ vla.

Zã 17:9

«A bɛl ƴãw n'a ɩ̃ puore, ɩ̃ bɛ puore a tẽ-daa ƴãw ɛ. A bɛlɩ dem fʋ na kʋ̀ m a ƴãw n'a ɩ̃ puore: fʋ̃ʋ so bɛ,

Zã 3:35

A Sãà nɔnɛ nɩ a Bie, ɛ́ de bom za ƴãw a ʋ nuru pʋɔ.

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

Zã 6:37

Bɛlɩ dem za a ɩ̃ Sãà na kʋ̀ m a, bɛ za na wa n a ɩ̃ zie, ɛ́ sob nɛ za na waar a ɩ̃ zie a, ɩ̃ kʋ̃ diw ʋ bɛr ɛ.

Zã 6:39

Ɛcɛ a ʋlɩ sob na tõ m a bɔbr'a kɛ́ a bɛlɩ dem za ʋ na kʋ̀ m a, a bɛ been za taa wa bɔrɛ ɩ, k'ɩ̃ɩ ɩ bɛ lɛb yi a kũu pʋɔ a bibi-pɛ-baara wa vɩɛ a.

Ʋrɔm 6:23

Bʋ̃ʋ n'ʋ vɛ̃, a yel-bier sã-ya n'ɩ a kũu, ɛcɛ a maalʋ a Naaŋmɩn na tɩrɛ zawla a, ʋlɛ n'ɩ a nyɔ-vʋʋrʋ na be kʋralɛ fʋ na mɩ́ tɛr lãwnɩ a Yeezu Kɩrɩta tɩ Sore a.

1 Korɛ̃tɩ 15:25

Bʋ̃ʋ n'ʋ vɛ̃, a fɛr'a k'aa Kɩrɩta dɩrɛ naalʋ ɛ́ gù a Naaŋmɩn wa tɩ nɛb a ʋ dɔ̃ dem za bin a ʋ pile.

Efɛɛzɩ 1:20

a lɛn daar ʋ na ɩ a Kɩrɩta lɛb yi a kũuni pʋɔ, ʋʋ ƴãw ʋ zɩ̃ a ʋ dʋrʋ lowr a tẽ-vla pʋɔ,

Filib 2:10

kɛ́ a Yeezu yúor ƴãwfʋ ƴãw, bʋ̃-vʋʋrɩ za gbine dume a salom zu, a tẽw zu nɩ a tẽw pile,

1 Timote 1:16

Ɛcɛ Naaŋmɩn zɔ n a ɩ̃ nɩbaalʋ, k'aa Kɩrɩta Yeezu tʋ̃ɔ́ de niwn tĩ a ɩ̃ zie, mãa na kpɛ faa zuo a nɩbɛ za a, wul a ʋ su-bɛ-pawra ɩb za a sãá ɩ bãwfʋ a bɛlɩ dem za nãà wa sàw de a Naaŋmɩn, kɛ́ bɛ tʋ̃ɔ́ páw a nyɔ-vʋʋrʋ na be kʋralɛ a.

Ebre 1:2

Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.

1 Pɩɛr 3:22

ʋl na do a tẽ-vla pʋɔ tɩ be a Naaŋmɩn dʋrʋ lowr dɩrɛ naalʋ a malkɩ mɩnɛ zu, a salom zu kpɛnʋ dem nɩ a fãw dem zu a.

1 Zã 1:2

Bʋ̃ʋ n'ʋ vɛ̃, a nyɔ-vʋʋrʋ ŋa sãá na, tɩ nyɛ̃ ʋ na, tɩ dɩrɛ nɩ a ʋ dãsɩɛ, tɩ manɛ nɩ a nyɔ-vʋʋrʋ na be kʋralɛ a yele kʋ̀rɛ nyɩ, a nyɔ-vʋʋrʋ ŋa na tɩ be a Naaŋmɩn Sãà zie ɛ́ wa sãá tɩ nyɛ̃ a.

1 Zã 2:25

Ɛ́ a ʋlɩ bom nɛ a Kɩrɩta na yel k'ʋʋ na kʋ̀ tɩ na a n'ɩ a nyɔ-vʋʋrʋ na be kʋralɛ a.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:21

Nyɩ be a Naaŋmɩn nɔ̃wfʋ pʋɔ gùre nɩ kɛ́ a tɩ Sore Yeezu Kɩrɩta wa kʋ̀ nyɩ a nyɔ-vʋʋrʋ na be kʋralɛ a, a ʋ su-ɓaarʋ pʋɔ.