Zã 13:8 - A SƐB-SÕW

⁸ A Pɩɛr lɛb yel ʋ: «Towtow, fʋ bɛ be na pɛ́w a ɩ̃ gbɛ́ɛ ɩ!» A Yeezu yel ʋ: «Mãa bɛ wa pɛ́w a fʋ gbɛ́ɛ a, fʋ kʋ̃ lãw nɩ mɛ̃ ɩ.»

Zã 13:8 ပူးပေါင်းရင်းမြစ်များ

Yele-za-pɛr-tib 42:38

A Zakɔb tɩ sɔw na: «A ɩ̃ bidɛb bɛ páwr nyɩ cere ɩ! A ʋ yɛb kpi na, ʋʋ cɛ ʋ yõ. Bʋ̃-kãw wa ɩ ʋ a sɔ́r zu a, nyɩmɛ nɛbɛ n'a so ɩ̃ cen a kpɩmɛ tẽw nɩ pʋ-sãwna, a mãa na kor à à ŋá a.»

2 Samɩɛl 20:1

A Gilgal be a, nɩr kãw na bɛ tɛr pɛr a tɩ be n be, ɩ Bɛ̃zamɛ dɔwlʋ nɩr Bikiri bidɛb, ɛ́ a yúor dɩ kɛ́ Seva. Ʋ tɩ pɛbl'ɩ wɩ́ɛ, ɛ́ ŋmɛ cɛl yel à ŋá: «Tɩ bɛ pʋɔ a Daviir bom kãw za pʋɔ ɩ, tɩɩm nɩ a Zese bidɛb ŋa bɛ lãw bom kãw za ɩ. Ɩsɩrayɛl nɩbɛ ɛ, ŋa za ʋ mɩ́ lɛb kul a ʋ yir!»

1 Na-mɩnɛ 12:16

A Saa-pɛrɩ́-gʋba-lowr Ɩsɩrayɛl nɩbɛ na tɩ nyɛ̃ k'aa nãà bɛ bɛr wõ a bɛ ƴɛ̀rʋ a, bɛ yel ʋ na: «Tɩ bɛ pʋɔ Daviir yele pʋɔ ɩ, tɩɩm nɩ Zese bidɛb bɛ lãw bom za ɩ! Ɩsɩrayɛl nɩbɛ ɛ, nyɩ ɩ tɩ lɛb kul a tɩ yie pʋɔ. Ɛ́ fʋ̃ʋ, Daviir bʋʋrɛ ɛ, pãa kaarɛ a fʋ naalʋ-tẽw zie!» Lɛ n'a bɛ tɩ lɛb kul a bɛ yie pʋɔ.

Sɛb-sõw yielu 51:2

A Daviir na tɩ gã nɩ a Bɛtɩsabe baarɩ, ɛ́ a naaŋmɩn-ƴɛ̀r-manɛ Natan cen tɩ páw ʋ a lɛn daar a n'a.

Sɛb-sõw yielu 51:7

Nyɛ̃, sãwna pʋɔ n'a bɛ dɔw mɛ̃, yel-bier pʋɔ n'a a ɩ̃ mã ŋmãa a ɩ̃ sɩɛ.

Ɩzayi 4:4

A Sore na ɩ na mɩnʋ nɩ vɩɛlʋ sɛsɛb fu. Ʋlɛ wa ír a Zerizalɛm pɔwbɛ dɛwr bɛr à à ŋá a, ʋlɛ wa pɛ́w a zɩ̃ɩ a Sɩyɔ̃ tẽw na ɩ a cir a ʋ pʋɔ a bɛr a,

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Zakari 13:1

«A lɛn daar a, kʋ̃ɔ na bule na yire a Daviir bʋʋrɛ nɩ a Zerizalɛm nɩbɛ yel-bebe nɩ a bɛ dɛwr pɛwfʋ ƴãw.»

Matie 16:22

Lɛ n'a a Pɩɛr tɩ tɛr ʋ yi n pùor tɩ nyɔw ʋ yere: «Naaŋmɩn kʋ̃ sàw ɛ, Sore e! Ʋ̃ʋ'hʋ̃, a yele á ŋá kʋ̃ ta b ɛ!»

Matie 21:29

A bie nɛ tɩ sɔw na: “Ɩ̃ bɛ cere ɩ”, ɛ́ blã wa pʋɔ ʋ nyɛ̃ a bɛ vɩɛl ɛ, ʋ cen.

Matie 26:33

Pɩɛr tɩ de nɩ a ƴɛ̀rʋ yel ʋ: «Bɛ za saa na zɔ kɛ́ bɛr fʋ a, mãa bɛ be za na zɔ kɛ́ bɛr fʋ ɛ.»

Matie 26:35

A Pɩɛr tɩ yel ʋ na: «Ɩ̃ bɛ be za na ciiri k'ɩ̃ɩ bɛ bãw fʋ ɛ, alɛ saa na fɛr kɛ́ mãa nɩ fʋ̃ʋ za lãw kpi a.» A po-tuurbɛ za mɩ̀ tɩ yere nɩ a lɛn tɔr za.

Zã 13:6

Ʋ na wa ta a Sɩmʋ̃ Pɩɛr zie a, a Sɩmʋ̃ Pɩɛr yel ʋ na: «Sore e, fʋ̃ʋ na pɛ́w mãa gbɛ́ɛ ɛ?»

Zã 13:9

A Sɩmʋ̃ Pɩɛr yel ʋ: «Alɛ wa ŋmɛ̃ lɛ a, Sore e, ta pɛ́w a ɩ̃ gbɛ́ɛ tɛwr ɛ, pɛ́w lãwnɩ a ɩ̃ nuru nɩ a ɩ̃ zu za!»

Zã 3:5

A Yeezu tɩ sɔw na: «Yel-mɩŋa sɩza sɩza n'a ɩ̃ yere kʋ̀rɛ fʋ: sob nɛ za na bɛ lɛb dɔw kʋ̃ɔ nɩ Vʋʋrʋ Sõw pʋɔ dɔwfʋ a, ʋ kʋ̃ tʋ̃ɔ́ kpɛ a Naaŋmɩn Naalʋ pʋɔ ɩ.

Nɩ-toni 22:16

A na ɩ à ŋá a, bʋ̃ʋ ƴãw n'a fʋ pãa na lɛb bʋ́nɛ a? Ìr de a suob bʋɔlɩ a ʋ yúor a fʋ yel-bebe pɛwfʋ ƴãw.”»

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

Efɛɛzɩ 5:26

Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw.

Wulu-ayi-sob 12:12

A Sore nyɩ Naaŋmɩn zi-sõw pʋɔ be a, nʋ̃ɔ̀ na mɩ́ ɩrɛ nyɩ na, a nyɩɩm, a nyɩ bibiir, a nyɩ tõ-tõ-bi-dɛbr nɩ a nyɩ tõ-tõ-bi-pɔwbɛ, lãwnɩ a levitɩ mɩnɛ na kpɩɛr a nyɩ tẽ-bɛrɛ pʋɔ a, bɛl na bɛ tɛr tẽsɔw bɛ na põ ír kʋ̀ bɛ a nyɩ sɔgɔ a ƴãw.

Kɔlɔsɩ 2:18

Nyɩ ta sàw a bɛlɩ dem na nɔnɛ tʋɔra-siwru ɩ-ɩrɩ a nɩbɛ niŋé a, bɩɩ na tɛr a malkɩ mɩnɛ ƴãwfʋ a, ɛ́ mɩ́ nyɛ̃ a bɛ bʋ̃-nyɛrɩ a ɩ bʋ̃-sɩza zuo a, nyɩ ta sàw bɛ wa yel kɛ́ nyɩ sãw na ɩ. A nɩbɛ bɛ ŋa taabɛ mɩ́ ɩrɛ nɩ pɔ̀l-ɩb zawla, bɛ na mɩ́ tɩɛrɛ a yele mɛ̃ nɩsaal tɛwr a ƴãw.

Kɔlɔsɩ 2:23

Sɩza n'a, a mɩ́ sãá na mɛ̃ yã-bãwfʋ be n a nɛ́ɛ á ŋá pʋɔ a, bʋ̃ʋ n'ʋ vɛ̃, a mɩ́ ƴɛ̀rɛ nɩ ŋa za nɩ ʋ puoru ƴɛ̀rʋ, tʋɔra-siwru ƴɛ̀rʋ, ƴã-gan dɔwrʋ ƴɛ̀rʋ, ɛcɛ a bɛ tɛr tɔnɛ kãw za ɩ, nɩsaal ƴã-gan yã-nɔn tɛwr'a a maalɛ.

Títɩ̀ 3:5

ʋ faa tɩ na, ɛ́ a bɛ ɩ yel-mɩŋa tɩ na tɛr a tɩ ɩ-ɩrɩ pʋɔ a n'a so ɩ, a ʋ su-ɓaarʋ zũú n'a ʋ so tɩ a suob kʋ̃ɔ tɩ lɛb dɔw, ʋʋ kʋ̀ tɩ a Vʋʋrʋ Sõw tɩ lɩɛbɩ nɩ-paalɛ.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.