Zã 10:8 - A SƐB-SÕW

⁸ A bɛlɩ dem za na de niwn wa a ɩ̃ ƴãw a, bɛ ɩ n nyãnyuwr, nyãnyu-nɩ-kʋrbɛ, ɛcɛ a píir bɛ bɛr wõ a bɛ ƴɛ̀rʋ ɛ.

Zã 10:8 ပူးပေါင်းရင်းမြစ်များ

Ezekɩɛl 34:2

«A fʋ̃ʋ nɩsaal bie, ƴɛ̀r naaŋmɩn-ƴɛ̀r-manɛ ƴɛ̀rʋ càar'ɩ a Ɩsɩrayɛl nɩbɛ nɩ-bɛrɛ. Ƴɛ̀r mɛ̃ naaŋmɩn-ƴɛ̀r-manɛ a yel bɛ: À ŋá n'a a mãa Sore Naaŋmɩn yere: Baw-bio páw nyɩ na, a nyɩɩm Ɩsɩrayɛl nɩbɛ cɩ̃ɩnbɛ! Nyɩ kaarɛ nɩ nyɩ mɩŋa zie! A píir zie bɛ tʋ̃ɔ́ n'a a pi-cɩ̃ɩnbɛ mɩ́ sɛw kɛ́ bɛ kaarɛ ɩ?

Zã 10:1

«Yel-mɩŋa sɩza sɩza n'a ɩ̃ yere kʋ̀rɛ nyɩ, ʋlɩ sob na bɛ tuur a zaw dɩ̃dɔr ƴãw kpɩɛr a píir zaw pʋɔ, ɛ́ mɩ́ tu zi-yoru do kpɛ a, ʋ ɩ n nyãnyuge, nyãnyu-nɩ-kʋrɛ.

Zeremi 23:1

A Sore yere na: «Nyɛ̃ baw-bio a! A ɩ̃ nɩbɛ kaarbɛ ɩ n dʋ̃-cɩ̃ɩn-faar na bɛr a ɩ̃ dʋn a kpiir ɛ́ bɔrɛ gʋɔr a.»

Nɩ-toni 5:36

Daar daar ŋa, Tedasɩ nɛ kãw tɩ ìr'a, yel kɛ́ ʋlɛ mɩ̀ n'ʋ. Nɩbɛ kɔbr anaar (400) tɩ ìr'a tu a ʋ pùor. Ɛcɛ bɛ tɩ kʋ ʋ na. A bɛlɩ dem na tɩ tu a ʋ pùor a, tɩ zɔ na yaarɩ, a ʋ dem baarɩ.

Zã 10:27

A ɩ̃ píir bɛrɛ na wone a ɩ̃ ƴɛ̀rʋ, ɩ̃ bãw a na ɛ́ a tuur mɛ̃.

Zã 10:5

A bɛ be za na tu nɩ-sãan ɛ, a na nɩ̃ɛ na mɩ́ zɔ, a na bɛ bãw a nɩ-sãanbɛ kɔkɔr a ƴãw.»

Zakari 11:16

Bʋ̃ʋ n'ʋ vɛ̃, ɩ̃ na tõ n dʋ̃-cɩ̃ɩn-sãan a tẽw pʋɔ: ʋ kʋ̃ ŋmɛlɛ kaar a píir al bɛ na na kʋ a ɩ, ʋ kʋ̃ bɔ a al na bɔr a ɩ, ʋ kʋ̃ mɩ́ sanɩ a al na tɛr natɩɛ a ɩ, ʋ kʋ̃ guole a al na cãà kpɛmɛ a ɩ. Ʋ na nɩ̃ɛ na kʋrɛ a al na 'wɔr a 'wɔbr, ɛ́ fowre a a nafɩlɛ.»

Sofoni 3:3

A ʋ nɩ-bɛrɛ ɩ na mɛ̃ gben na ùore a, a ʋ ƴɛ̀r-dɩrbɛ ɩ na mɛ̃ wɛ-baar na mɩ́ bawlɩ a zaanʋɔra, ɛ́ bɛ tɛr bom na 'wɔb a biɓaara a.