Zã 10:1 - A SƐB-SÕW

¹ «Yel-mɩŋa sɩza sɩza n'a ɩ̃ yere kʋ̀rɛ nyɩ, ʋlɩ sob na bɛ tuur a zaw dɩ̃dɔr ƴãw kpɩɛr a píir zaw pʋɔ, ɛ́ mɩ́ tu zi-yoru do kpɛ a, ʋ ɩ n nyãnyuge, nyãnyu-nɩ-kʋrɛ.

Zã 10:1 ပူးပေါင်းရင်းမြစ်များ

Zeremi 14:15

Alɛ n'a so a mãa, a Sore, ɩ̃ yere à ŋá a naaŋmɩn-ƴɛ̀r-manbɛ bɛ ŋa ƴãw: “A nɩbɛ bɛ ŋa yere na kɛ́ mãa yúor ƴãw n'a bɛ ƴɛ̀rɛ, ɛcɛ ɩ̃ bɛ tõ bɛ ɩ. Bɛ manɛ na kɛ́ zɛbr nɩ kɔ̃ kʋ̃ be a tẽw ŋa pʋɔ ɩ. Ɛcɛ a zɛbr nɩ a kɔ̃ n'a na baarɩ bɛ za!

Zeremi 23:21

«Ɩ̃ bɛ tõ a naaŋmɩn-ƴɛ̀r-manbɛ bɛ ŋa ɩ, ɛ́ bɛ zɔrɛ. Ɩ̃ bɛ ƴɛ̀r ƴɛ̀rʋ za a bɛ zie ɩ, ɛ́ bɛ ƴɛ̀rɛ a ɩ̃ yúor ƴãw.

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.

Zowɛl 2:9

A bʋwl'ɩ a tẽw pʋɔ, a zɔrɛ nɩ a tẽw dacine zu, a dúor'a kpɩɛr a yie pʋɔ, mɩ́ tu a tokoro vɛɛ ƴãw kpɛ mɛ̃ nyãnyuwr a.

Matie 7:15

«Nyɩ gùre nyɩ tʋɔra a naaŋmɩn-ƴɛ̀r-man-bɛlɛbɛlɛ mɩnɛ ƴãw. Bɛ mɩ́ sɔwl'ɩ bɛ tʋɔra ɩ mɛ̃ pi-nyan a, waar a nyɩ zie, ɛcɛ a bɛ pʋ̃ɔmɩ bɛ ɩ wɛ-bà-karɩ.

Zã 10:7

A Yeezu tɩ lɛb'a yel bɛ: «Yel-mɩŋa sɩza sɩza n'a ɩ̃ yere kʋ̀rɛ nyɩ: mãa n'ɩ a píir zaw dɩ̃dɔr.

Zã 3:3

A Yeezu tɩ sɔw ʋ na: «Yel-mɩŋa sɩza sɩza n'a ɩ̃ yere kʋ̀rɛ fʋ: nɩr bɛ wa lɛb dɔw a, ʋ kʋ̃ tʋ̃ɔ́ nyɛ̃ a Naaŋmɩn Naalʋ ɛ.»

Ʋrɔm 10:15

Ɛ́ ŋmɩŋmɩn n'a bɛ na ɩ hiere a ʋ yele, bɛlɛ bɛ wa tõ nɩbɛ a al ƴãw a? Mɛ̃ a lɛ a Sɛb-sõw na yel a: «Nyɛ̃ a yel-vɩɛlɩ yerbɛ waa na vɩɛl a!»

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

Títɩ̀ 1:11

A fɛr'a kɛ́ fʋ ɩ bɛ pàw a bɛ nɛ́ɛ, bʋ̃ʋ n'ʋ vɛ̃, yir-ɓile nɩbɛ tɩɛrʋ n'a bɛ damnɛ nyawr taa, bɛ na mɩ́ wule lɛ a na bɛ sɛw kɛ́ bɛ wule a, ɛ́ a ɩ nyãnyu-tɛra ƴãw a.

Ebre 5:4

Nɩr bɛ n'ʋ mɩ́ kʋ̀ ʋ tʋɔra a bàwr-maal-kara ƴãwfʋ ɛ, Naaŋmɩn n'ʋ mɩ́ bʋɔlɩ a sob ƴãw ʋ, mɛ̃ a lɛ a na tɩ ɩ a Aarɔ̃ zie a.

1 Pɩɛr 1:10

A faafʋ ŋa yele n'a a naaŋmɩn-ƴɛ̀r-manbɛ tɩ dãw jɛl bɔ, ɛ́ ƴɛ̀r naaŋmɩn-ƴɛ̀r-manbɛ ƴɛ̀rʋ yel a maalʋ a Naaŋmɩn na tɩ bãwnɩ nyɩ a.

2 Pɩɛr 2:1

Naaŋmɩn-ƴɛ̀r-man-bɛlɛbɛlɛ mɩnɛ mɩ̀ tɩ be n a Ɩsɩrayɛl bʋʋrɛ pʋɔ a koro za. Lɛ n'a wul-wul-bɛlɛbɛlɛ mɩnɛ mɩ̀ na be a nyɩ pʋɔ. Bɛ na wa n nɩ wulu na bɛ tu sɔ́r ɛ́ bɔrɛ a nɩbɛ a, mɔ̃ mɩ̀, bɛ na zawr'ɩ a Wul-wul-kara na ya de bɛ a bɛr. À ŋá n'a bɛ na ɩ ƴãw bɛ tʋɔra kũu na kʋ̃ yaa kɛ́ ta a pʋɔ.

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.