Zã 1:4 - A SƐB-SÕW

⁴ A ʋl zie n'a a nyɔ-vʋʋrʋ tɩ be, ɛ́ a nyɔ-vʋʋrʋ tɩ n'ɩ a nɩsaalbɛ cãà.

Zã 1:4 ပူးပေါင်းရင်းမြစ်များ

Sɛb-sõw yielu 49:6

Bʋnʋ ƴãw n'a ɩ̃ na zɔrɛ dɛ̃bɩ̃ɛ a bibi-faar na mɩ́ wa vɩɛ a? A lɛn daar nɩsaal-libelibe na mɩ́ wa viiri koli mɛ̃ bɔbr a ɩ̃ faa a?

Sɛb-sõw yielu 84:11

Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Matie 4:16

A nɩ-bʋʋrɛ bɛl na tɩ be lige pʋɔ a, nyɛ̃ nɩ cãà kpɛ̃ɛ. Cãà caal'ɩ a bɛl na tɩ be a kũu tẽ-lige pʋɔ a.»

Luka 2:32

ʋ ɩ n cãà na na ɩ a tẽ-daa nɩ-bʋʋrɛ za bãw fʋ a, ɛ́ ɩ a fʋ nɩ-bʋʋrɛ Ɩsɩrayɛl yúor-vɩɛlʋ-danʋ.»

Zã 11:25

A Yeezu lɛb yel ʋ: «Mãa n'ɩ a Kũu-pʋɔ-lɛb-yibu nɩ a Nyɔ-vʋʋrʋ. Ʋlɩ sob na sàw de m a, ʋlɛ saa kpi, ʋʋ na vʋʋrɛ na,

Zã 12:35

A Yeezu tɩ sɔw bɛ na: «A cãà na cãà nɩ a nyɩ sɔgɔ blãlɛ ƴãw. Nyɩ na tɛr a cãà a, nyɩ cere, kɛ̀ lige taa pile pàwr nyɩ ɛ. Sob nɛ na cere lige pʋɔ a bɛ bãw be ʋ na cere a ɩ.

Zã 12:46

A mãa na ɩ a cãà a, ɩ̃ wa n a tẽ-daa zu kɛ́ sob nɛ za na sàw de m a, ta be lige pʋɔ ɩ.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Zã 3:19

A ƴɛ̀rʋ bɛ na na maalɩ a n'ɩ ŋa: a cãà wa n a tẽ-daa zu, ɛ́ a nɩsaalbɛ wa nɔ̃w a lige gãw a cãà, a bɛ ɩ-ɩrɩ na bɛ vɩɛl a zũú.

Zã 5:21

Bʋ̃ʋ n'ʋ vɛ̃, mɛ̃ a lɛ a Sãà na mɩ́ ɩ a kũuni bɛ lɛb ìr, ʋʋ ɩrɛ bɛ vʋʋrɛ a, lɛ n'a a Bie mɩ̀ mɩ́ ɩrɛ sob nɛ ʋ na bɔbr a ʋ vʋʋrɛ.

Zã 5:26

Mɛ̃ a lɛ a Sãà na tɛr a nyɔ-vʋʋrʋ a ʋ pʋɔ a, lɛ n'a ʋ mɩ̀ kʋ̀ a Bie ʋ mɩ̀ tɛr a nyɔ-vʋʋrʋ a ʋ pʋɔ.

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Zã 9:5

Lɛn daar za ɩ̃ na be a tẽ-daa zu a, mãa n'ɩ a tẽ-daa cãà.»

Nɩ-toni 26:23

Bɛ tɩ dãw na yel kɛ́ a Kɩrɩta na wõ n tuo ɛ́ lɛb de niwn yi a kũuni pʋɔ, k'ʋʋ na hier'ɩ a faafʋ cãà kʋ̀ a tɩ bʋʋrɛ nɩ a nɩ-bʋʋr-yoru.»

1 Korɛ̃tɩ 15:45

Al ƴãw n'a a Sɛb-sõw yel a ƴɛ̀r-bie á ŋá: «A nɩsaal-dãw-niwn sob, a Adama, ʋ tɩ ɩ n bʋ̃-vʋʋra. A Adama pɛ-baara ɩ n Vʋʋrʋ nɩr na tɩrɛ nyɔ-vʋʋrʋ a.»

Efɛɛzɩ 5:14

Ɛ́ bom za na sãá cãàmɩ́ a ɩ n cãà. Alɛ so bɛ mɩ́ yel: «Ìr, fʋ̃ʋ na gúre a, lɛb ìr a kũuni pʋɔ, ɛ́ a Kɩrɩta na caalɩ fʋ na.»

Kɔlɔsɩ 3:4

A Kɩrɩta na ɩ a nyɩ nyɔ-vʋʋrʋ a, ʋlɛ wa sãá a lɛn daar a, nyɩ mɩ̀ na lãw nɩ ʋ na sãá a yúor-vɩɛlʋ-danʋ pʋɔ.

1 Zã 1:1

Bom nɛ na tɩ be a yele za pɛr-tib daar a, bom nɛ tɩ na wõ a, bom nɛ tɩ na nyɛ̃ nɩ mimir a, bom nɛ tɩ na jɩ́r gbẽgbẽ ɛ́ tɔ n a tɩ nuru a, ʋ càar'ɩ a ƴɛ̀rʋ na tɩrɛ a nyɔ-vʋʋrʋ a.

1 Zã 1:2

Bʋ̃ʋ n'ʋ vɛ̃, a nyɔ-vʋʋrʋ ŋa sãá na, tɩ nyɛ̃ ʋ na, tɩ dɩrɛ nɩ a ʋ dãsɩɛ, tɩ manɛ nɩ a nyɔ-vʋʋrʋ na be kʋralɛ a yele kʋ̀rɛ nyɩ, a nyɔ-vʋʋrʋ ŋa na tɩ be a Naaŋmɩn Sãà zie ɛ́ wa sãá tɩ nyɛ̃ a.

1 Zã 5:11

A dãsɩɛ ʋl n'ɩ ŋa: Naaŋmɩn kʋ̀ tɩ nɩ a nyɔ-vʋʋrʋ na be kʋralɛ a, ɛ́ a nyɔ-vʋʋrʋ ŋa n'ʋ tɩ páw a ʋ Bie zie.

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.

Yel-wula 22:16

«A mãa Yeezu, ɩ̃ tõ n a ɩ̃ malkɩ k'ʋʋ wa dɩ a yele á ŋá dãsɩɛ a nyɩ zie a Lãw-yie ƴãw. Mãa n'ɩ a Daviir bie nɩ a ʋ bʋʋrɛ, a zi-vɩɛ-ŋmara na nyɩwrɛ a.»