Ƴɛ̀r-dɩrbɛ 9:57 - A SƐB-SÕW

⁵⁷ A Naaŋmɩn mɩ̀ tɩ ɩ na a Sɩsɛm tẽw dem ɩ-faar za lɛb lo a bɛ zu. À ŋá n'a a ŋmɛ-ƴãw a Yerubaal bidɛb Yotam na tɩ ŋmɛ ƴãw bɛ a tɩ tu.

Ƴɛ̀r-dɩrbɛ 9:57 ပူးပေါင်းရင်းမြစ်များ

2 Samɩɛl 3:39

Mãa a, ɩ̃ na saa ɩ nãà a, ɛcɛ ɩ̃ cãà na nyɛ̃ ɩ̃ bɛ tɛr fãw a nɩbɛ bɛ ŋa a bɛ mã na dɩ kɛ́ Seruya a, nɩ-fa-ɩb niŋé ɩ. Ɛcɛ a Sore tɔr za, ʋ dɔwrɩ a nɩ-faa sɛwnɩ a ʋ nɩ-fa-ɩb.

1 Na-mɩnɛ 16:34

A ʋlɩ daar nɛ n'a, Hɩɛl na yi Betɛl a lɛb mɛ a Zeriko tẽ-kpɛ̃ɛ. Ɛcɛ ʋ na tɩ sʋ̃ɔ́nɛ a dacine pɛ́ɛ a, a ʋ bidɛb-kpɛ̃ɛ Aviram tɩ kpi na, ʋ wa ƴãwnɛ a dɩ̃dɛɛ pamɛ a ʋ bidɛb-bile Seguvʋ kpi, a tu a lɛ a Sore na tɩ ƴãw a Nun bidɛb Zozue yel a.

1 Na-mɩnɛ 2:32

Bʋ̃ʋ n'ʋ vɛ̃, a Ɩsɩrayɛl zɛbr-nɩbɛ nɩ-kpɛ̃ɛ Avɩnɛɛr, Nɛɛr bidɛb, nɩ a Zuda zɛbr-nɩbɛ nɩ-kpɛ̃ɛ Amasa, Yetɛɛr bidɛb, tɩ ɩ n nɩ-mɩn nɩ nɩ-vɩɛlɩ zuo a Zowab. Ɛcɛ ʋ kʋ bɛ na, ɛ́ a ɩ̃ sãà bɛ bãwnɩ a ɩ. A Sore tɔr za nyɛ̃ nɩ a Zowab ʋ ɩ a sãwna sob a nɩbɛ bɛ ŋa kũu ƴãw.

Sɛb-sõw yielu 7:17

A ɩ-faa ʋ na cɔbrɩ a lɛb'a waar a ʋ zu, a po-to-ɩb ʋ na tɩɛrɩ a lɛb'a lore a ʋ zu.

Sɛb-sõw yielu 94:23

Ʋ na ɩ na a bɛ sãwna lɛb lo a bɛ zu, a bɛ po-tuolu n'a ʋ na kʋ n bɛ pàw pɛr, a Sore tɩ Naaŋmɩn na kʋ bɛ na pàw pɛr.

Zʋkpaɩ 5:22

A nɩ-faa ɩ-faar tɛɛ za bɛra n'ʋ na nyɔw ʋ, ɛ́ a ʋ yel-bier mie lɩr ʋ tɛr.

Ɩzayi 3:11

Ɛcɛ a nɩ-faa ƴãw a, nyɛ̃ baw-bio a! Bʋ̃ʋ n'ʋ vɛ̃, bɛ na ɩ ʋ na tu n a ʋ ɩ-ɩrɩ.

Zozue 6:26

A lɛn daar a, a Zozue tɩ pɔ na yel: «A Sore ŋmɛ-ƴãw, a tuur nɩr ʋl na na bɔbr k'ʋʋ lɛb mɛ a Zeriko tẽw ŋa a. A ʋ bidɛb-dãw-dɔwra n'ʋ ʋ na sʋ̃ɔ́ nɩ a pɛr, ɛ́ a tuure n'ʋ ʋ na ƴãw nɩ a pamɛ.»

Ƴɛ̀r-dɩrbɛ 1:7

Lɛ n'a a Adoni-Bezɛkɩ tɩ yel: «Na-mɩnɛ lɩz'a ata nɩ pie, bɛ na tɩ ŋma a nobidaar nɩ a gbɛbidaar a, mɩ́ tɩ wobr'ɩ a ɩ̃ bʋ̃-dɩ-ŋmaarɛ na yi a tabal zu lore a. A Naaŋmɩn ɩ m'ɩ a lɛ ɩ̃ na ɩ a.» Bɛ tɩ tɛr ʋ na cen nɩ a Zerizalɛm ʋ tɩ kpi a be.

Ƴɛ̀r-dɩrbɛ 10:1

A Abimelɛkɩ kũu pùorí a, Puwa bidɛb, Tola, na ɩ Ɩsakaar dɔwlʋ nɩr nɩ Dodo yãw a n'ʋ tɩ ìr k'ʋʋ faa a Ɩsɩrayɛl nɩbɛ. Samiir'a ʋ tɩ kpɩɛr, a Efarayim tãw vuo pʋɔ.

Ƴɛ̀r-dɩrbɛ 9:20

Alɛ bɛ wa ɩ lɛ n'a a, vũu na yi n a Abimelɛkɩ zie dɩ a Sɩsɛm ziir dem za, nɩ a Bɛtɩ-Milo tẽw dem, ɛ́ vũu mɩ̀ na yi n a Sɩsɛm ziir dem zie nɩ a Bɛtɩ-Milo tẽw dem zie dɩ a Abimelɛkɩ.»

Ƴɛ̀r-dɩrbɛ 9:24

À ŋá n'a bɛ za na páw a ɩ-faa bɛ na ɩ a sã-ya: a Abimelɛkɩ, ʋ na kʋ a ʋ yɛbr, a Yerubaal bidɛbr lɩz'a ata nɩ pie a, ɛ́ a Sɩsɛm ziir dem, bɛ na sõw ʋ ʋ kʋ a ʋ yɛbr a.

Ƴɛ̀r-dɩrbɛ 9:45

A Abimelɛkɩ tɩ zɛb'ɩ a zɛbr a bibi-ɓil za, tɩ zɛb de a tẽw. Ʋ tɩ kʋ n a tẽw dem pàw pɛr, sãw a tẽw bɛr, ɛ́ yaarɩ nyaarʋ pàw ʋ.

Ƴɛ̀r-dɩrbɛ 9:56

À ŋá n'a a Naaŋmɩn tɩ ɩ a faa al za a Abimelɛkɩ na ɩ kʋ̀ a ʋ sãà a, a lɛb lo a ʋ zu, a lɛ ʋ na tɩ kʋ a ʋ yɛbr lɩz'a ata nɩ pie a.