Ƴɛ̀r-dɩrbɛ 9:28 - A SƐB-SÕW

²⁸ A Evɛdɩ bidɛb Gaal tɩ yere na: «Tẽbowle n'ɩ tɩ a Sɩsɛm tẽw ka, a Abimelɛkɩ na dɩrɛ naalʋ a tɩ zu, ɛ́ ʋlɛ mɩ̀ n'ɩ anʋ? Yerubaal bidɛb'ʋ, ɛ́ Zevul bɛ n'ʋ sõwne ʋ a tẽw kaafʋ ƴãw ɛ? A na ɩ à ŋá a, a nyɩɩm, nyɩ tone a Hamɔɔr nɩbɛ tome, a Hamɔɔr'ʋ mɛ a Sɩsɛm.

Ƴɛ̀r-dɩrbɛ 9:28 ပူးပေါင်းရင်းမြစ်များ

Yele-za-pɛr-tib 33:19

Hamɔɔr'ʋ tɩ mɛ a Sɩsɛm tẽ-kpɛ̃ɛ ŋa. A Zakɔb tɩ dà n a zie ʋl ʋ na maalɩ a ʋ pɛn-sɛw a, a Hamɔɔr bʋʋrɛ zie. Salm-pla libie kʋba (100) n'a ʋ tɩ dà n.

Yele-za-pɛr-tib 34:2

A Hamɔɔr na tɩ ɩ a Hivitɩ mɩnɛ nãà a vuo ʋl pʋɔ a bidɛb na dɩ kɛ́ Sɩsɛm a tɩ nyɛ̃ nɩ a Dina. Ʋ tɩ nyɔw ʋ na fɛr gã nɩ.

Yele-za-pɛr-tib 34:6

A Sɩsɛm sãà Hamɔɔr tɩ yi na cen k'ʋʋ tɩ ƴɛ̀r sɔw a Zakɔb.

2 Samɩɛl 20:1

A Gilgal be a, nɩr kãw na bɛ tɛr pɛr a tɩ be n be, ɩ Bɛ̃zamɛ dɔwlʋ nɩr Bikiri bidɛb, ɛ́ a yúor dɩ kɛ́ Seva. Ʋ tɩ pɛbl'ɩ wɩ́ɛ, ɛ́ ŋmɛ cɛl yel à ŋá: «Tɩ bɛ pʋɔ a Daviir bom kãw za pʋɔ ɩ, tɩɩm nɩ a Zese bidɛb ŋa bɛ lãw bom kãw za ɩ. Ɩsɩrayɛl nɩbɛ ɛ, ŋa za ʋ mɩ́ lɛb kul a ʋ yir!»

1 Na-mɩnɛ 12:16

A Saa-pɛrɩ́-gʋba-lowr Ɩsɩrayɛl nɩbɛ na tɩ nyɛ̃ k'aa nãà bɛ bɛr wõ a bɛ ƴɛ̀rʋ a, bɛ yel ʋ na: «Tɩ bɛ pʋɔ Daviir yele pʋɔ ɩ, tɩɩm nɩ Zese bidɛb bɛ lãw bom za ɩ! Ɩsɩrayɛl nɩbɛ ɛ, nyɩ ɩ tɩ lɛb kul a tɩ yie pʋɔ. Ɛ́ fʋ̃ʋ, Daviir bʋʋrɛ ɛ, pãa kaarɛ a fʋ naalʋ-tẽw zie!» Lɛ n'a bɛ tɩ lɛb kul a bɛ yie pʋɔ.

Ƴɛ̀r-dɩrbɛ 9:26

Bibir kãw, Evɛdɩ bidɛb Gaal tɩ wa n a Sɩsɛm, ʋlɛ nɩ a ʋ yɛbr. A Sɩsɛm ziir dem tɩ de nɩ a ʋ yele.

Ƴɛ̀r-dɩrbɛ 9:41

Al pùorí, a Abimelɛkɩ tɩ cen na tɩ kpɩɛr Aruma, ɛ́ a Zevul diw a Gaal nɩ a ʋ yɛbr, bɛ sàw bɛ lɛb kpɛ a Sɩsɛm ɛ.

1 Samɩɛl 25:10

Ɛcɛ a Naval tɩ sɔw bɛ na yel à ŋá: «Ãa n'ɩ a Daviir? Ãa n'ɩ a Zese bidɛb? A dɩ̃a a, gbãgbaar yaga tɔ na sɔwlɛ zɔrɛ a bɛ nɩ-bɛrɛ zie a.