Ƴɛ̀r-dɩrbɛ 8:33 - A SƐB-SÕW

³³ Ɛcɛ a Zedeɔ̃ kũu pùorí a, a Ɩsɩrayɛl nɩbɛ tɩ lɛb'a tĩ puore a Báàl mɩnɛ. Bɛ tɩ de nɩ Báàl-Beritɩ ʋ ɩ a bɛ ŋmɩn,

Ƴɛ̀r-dɩrbɛ 8:33 ပူးပေါင်းရင်းမြစ်များ

2 Na-mɩnɛ 12:2

a Ɩsɩrayɛl tẽw nãà, Yehu, naalʋ-dɩb yome ayopõi sob daar. A Zowasɩ tɩ dɩ n a naalʋ yome lɩz'a ayi a Zerizalɛm. A ʋ mã tɩ dɩ na kɛ́ Sɩvɩa, ɛ́ yi Bɛɛr-Seva.

Zeremi 23:27

Bɛ mɩ́ tɩɛr'a kɛ́ bɛ ɩ a ɩ̃ nɩbɛ yiiri a ɩ̃ yúor, a bɛ zánʋ bɛ na mɩ́ manɛ kʋ̀rɛ taa a zũú, mɛ̃ a lɛ a bɛ sãàkʋm-kore na tɩ tu a bɛ Báàl yiiri a ɩ̃ yúor bɛr a.

Zeremi 3:9

Ʋ maal'ɩ pɩ̃ɔ-yele nɩ kʋsɩɛr nɩ dàa ŋmɩmɛ, ʋ dɛw nɩ a tẽw nɩ a ʋ pɔw-yɛm ɩ-ɩrɩ na ɩrɛ vĩ a.

Zozue 24:31

A Ɩsɩrayɛl nɩbɛ tɩ maal'ɩ a Sore, a Zozue cãafʋ daar za, nɩ a nɩ-kore na vʋʋrɩ a Zozue pùorí a cãafʋ daar za, bɛl na tɩ bãw a tome al za a Sore na tɩ tõ a Ɩsɩrayɛl ƴãw a.

Ƴɛ̀r-dɩrbɛ 10:6

A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ: bɛ tɩ puor'ɩ a Báàl mɩnɛ nɩ a Asɩtarte mɩnɛ, lãwnɩ a Siiri tẽw dem, nɩ a Sɩdɔ̃ tẽw dem, nɩ Mowab tẽw dem, nɩ a Amɔ̃ tẽw dem, nɩ a Filisɩtɛ̃ mɩnɛ ŋmɩmɛ. Bɛ tɩ zawr'ɩ a Sore bɛr, bɛ cãà puore ʋ ɛ.

Ƴɛ̀r-dɩrbɛ 2:12

Bɛ tɩ zawr'ɩ a Sore bɛr, a bɛ sãàkʋm-kore Naaŋmɩn na ɩ bɛ yi a Eziptɩ tẽw a, ɛ́ tu a nɩ-bʋʋrɛ bɛl na kpɩɛr viiri koli bɛ a ŋmɩmɛ. Bɛ tɩ gbĩ n dume a ŋmɩmɛ á ŋá niŋé, ɛ́ lɛ n'a bɛ tɩ ɩ a Sore suur ír.

Ƴɛ̀r-dɩrbɛ 2:17

Ɛcɛ bɛ mɩ̀ cãà bɛ bɛr wõ a bɛ ƴɛ̀r-dɩrbɛ ɩ. Bɛ lɩɛb'a tu ŋmɩn yoru, gbine dume a ŋmɩmɛ á ŋá niŋé. A bɛ sãàkʋm-kore tɩ tu n a Sore nɛ-ƴãwnɩ, ɛcɛ bɛl bɛ cɔwrɩ a bɛ sãàkʋm-kore ɩ, bɛ zawr'ɩ a bɛ sɔ́r bɛr fɔ̃wlɛ.

Ƴɛ̀r-dɩrbɛ 2:19

Ɛcɛ a ƴɛ̀r-dɩrɛ wa kpi a, bɛ mɩ́ lɛb'a tĩ ɩrɛ a ɩ-faar, a nɩ̃ɛ zuo a bɛ sãàkʋm-kore dem. Bɛ mɩ́ tɩ puore nɩ ŋmɩn yoru, ɛ́ gbine dume a niŋé. Bɛ bɛ mɩ́ tɩ zawrɩ a bɛ ɩ-faar ɛ, ɛ́ cãà zawrɛ a Naaŋmɩn nʋɔr cere nɩ.

Ƴɛ̀r-dɩrbɛ 3:7

A Ɩsɩrayɛl nɩbɛ tɩ ɩ na a bɛ pɛlɩ a Sore pʋɔ ɩ: bɛ tɩ yiir'ɩ a Sore bɛ Naaŋmɩn bɛr, ɛ́ puore a Báàl mɩnɛ nɩ a Asera mɩnɛ.

Ƴɛ̀r-dɩrbɛ 8:27

A Zedeɔ̃ tɩ de nɩ a salm-zɩɛ al maal'ɩ ŋmɩn kãw dasule, bin a ʋ tẽw Ofɩra. A Ɩsɩrayɛl nɩbɛ za tɩ tĩ na puore a dasule ŋa. À ŋá n'a ʋ tɩ lɩɛbɩ bɛra a Zedeɔ̃ nɩ a ʋ yir dem ƴãw.

Ƴɛ̀r-dɩrbɛ 8:32

A Yowasɩ bidɛb Zedeɔ̃ tɩ wõ n nʋ̃ɔ̀ a ʋ koru pʋɔ ɛ́ bãw kpi, bɛ ũù ʋ a ʋ sãà Yowasɩ yaa pʋɔ, a Aviezɛɛr tẽw Ofɩra.

Ƴɛ̀r-dɩrbɛ 9:27

Bɛ tɩ yi n a bɛ divɛ̃ tɩɩr póru pʋɔ tɩ pɔr a bɛ divɛ̃ tɩɩr wɔmɛ, nɛb ír a divɛ̃, al pùorí, bɛ maalɩ cuw. Bɛ tɩ cen nɩ a bɛ ŋmɩn yir pʋɔ tɩ dɩ ɛ́ nyũ, ɛ́ ŋmɛ ƴãw a Abimelɛkɩ.

Ƴɛ̀r-dɩrbɛ 9:4

Bɛ tɩ ír'ɩ a Báàl-Beritɩ yir pʋɔ salm-pla libie lɩz'a ata nɩ pie kʋ̀ a Abimelɛkɩ. Ʋ tɩ de nɩ a libie á ŋá da n nɩ-bɛ-tɛr-bir mɩnɛ nɩ nyãnyu-nɩ-farbɛ bɛ tu ʋ.

Ƴɛ̀r-dɩrbɛ 9:46

A Migɩdal-Sɩsɛm tẽw ziir dem na wa wõ a yel ŋa a, bɛ za tɩ cen nɩ a dĩo ʋl na be a Bàál-Beritɩ yir pile a pʋɔ.