Ƴɛ̀r-dɩrbɛ 7:8 - A SƐB-SÕW

⁸ A Zedeɔ̃ tɩ tɛr'ɩ a nɩbɛ kɔbr ata (300) bɛl, ɛ́ bɛr a Ɩsɩrayɛl nɩbɛ ŋmãa bɛl na cɛ a, bɛ lɛb kul, ɛcɛ bɛ tɩ de nɩ a bɛl na lɛb kule a bʋ̃-dɩrɩ nɩ a bɛ wɩɩr. A Madian tẽw dem laɩ tɩ be n a Zedeɔ̃ laɩ pile, a tɩ̃tal pʋɔ.

Ƴɛ̀r-dɩrbɛ 7:8 ပူးပေါင်းရင်းမြစ်များ

Ɩzayi 27:13

A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.

Levitɩ mɩnɛ 23:24

k'ʋʋ tɛr wulu á ŋá a Ɩsɩrayɛl nɩbɛ zie: “A cuwr ayopõi sob bibi-dãw-niwn sob na ɩ n zɩ̃-pɩ̃ɛnʋ bibir a nyɩ zie, cãà-bãwnɩ nɩ nʋ̃ɔ̀-cɛlsɩ ŋmɛb bibir nyɩ na na mɩ́ ɓã taa a ɩ̃ ƴãwfʋ ƴãw a.

Levitɩ mɩnɛ 25:9

Al pùorí, a cuwr ayopõi sob bibie pie sob na ɩ a yel-bebe suur-dɩ-kʋ̀b bibi-kpɛ̃ɛ a, nyɩ na pɛbl'ɩ wɩ́ɛ ʋ yi a tẽw za pʋɔ, ɛ́ nyɩ lãwnɩ nʋ̃ɔ̀-cɛlsɩ-ŋmɛb.

Sɔr-nɛ́ɛ 10:9

«Nyɩmɛ wa be a nyɩ tẽw pʋɔ a lɛn daar, ɛ́ wa cere kɛ́ nyɩ tɩ zɛb'ɩ a nyɩ dɔ̃ dem na ŋmãa nɩ nyɩ zɛbr a, nyɩ na mɩ́ pɛbl'ɩ a wɩɩr, lãwnɩ cáarʋ. A lɛ pʋɔ a, ɩ̃ na lɛb'a bãwnɩ nyɩ. Lɛ n'a a mãa Sore nyɩ Naaŋmɩn na faa nyɩ a nyɩ dɔ̃ dem nuru pʋɔ.

1 Korɛ̃tɩ 15:52

daƴen daadaa, tɩ na lɩɛb'ɩ fɔ̃wlɛ a wɩ-pɛ-baara wa pɛblɩ a. Bʋ̃ʋ n'ʋ vɛ̃, a wɩ́ɛ wa pɛblɩ a, a kũuni na lɛb'a yi kʋ̃ lɛb kpi towtow ɛ, ɛ́ a tɩɩm ƴã-gamɛ na lɩɛb'a.

Zozue 6:20

Bɛ tɩ pɛbl'ɩ a ɩ́lɛ́. A Ɩsɩrayɛl nɩbɛ na wa wõ a ɩ́lɛ́ pɛblʋ a, bɛ lɔb'ɩ a zɛbr cɛl lawlawlaw, ɛ́ a dacĩ-kpɛ̃ɛ na piw a tẽw a, lo a pɛr nɛ pʋɔ. Daadaalɛ a Ɩsɩrayɛl nɩbɛ tɩ kpɛ n a tẽw pʋɔ a zɛbr ƴãw, ŋa za tori a ʋ nidaa ɛ́ cere, bɛ tɩ zɛb'a de a tẽw.

Zozue 6:4

Bàwr-maalbɛ ayopõi na de nɩ a wõ-taa daga niwn, ɛ́ ŋa za mɩ́ tɛr ɩɩl. A bibie ayopõi sob a, nyɩ na cen na viiri koli a tẽw gb'a ayopõi, ɛ́ a bàwr-maalbɛ pɛblɩ a ɩ́lɛ́.

Ƴɛ̀r-dɩrbɛ 3:27

Ʋ na tɩ tarɛ wa báarɛ a, ʋ pɛbl'ɩ wɩ̀ɛ a Efarayim tan vuo pʋɔ, bʋɔlɩ a Ɩsɩrayɛl nɩbɛ ɓã taa, ɛ́ de bɛ niwn bɛ yi a tãw zu siwr.

Ƴɛ̀r-dɩrbɛ 6:33

A Madian tẽw dem nɩ a Amalesitɩ mɩnɛ nɩ a Saa-pɛrɩ́ nɩ-yʋɔrɩ tɩ ɓã n taa gãw a Zurdɛ̃, tɩ maalɩ a bɛ laɩ a Izireyɛl fʋɔla pʋɔ.

Ƴɛ̀r-dɩrbɛ 7:7

A Sore tɩ yel'ɩ a Zedeɔ̃ à ŋá: «A nɩbɛ kɔbr ata (300) bɛ ŋa na kal a kʋ̃ɔ nyũ a nɛbɛ ɩ̃ na faa nɩ nyɩ, bɛlɛ nɛbɛ na ɩ ɩ̃ ƴãw a Madian tẽw dem a fʋ nuru pʋɔ. A ŋmaarɛ bɛl na cɛ a, bɛ lɛb kul bɛ za a bɛ yie pʋɔ.»

Ƴɛ̀r-dɩrbɛ 7:9

A ʋlɩ tɩ̃ɩsɔw nɛ a, a Sore tɩ yel'ɩ a Zedeɔ̃ à ŋá: «Ìr, siw tɩ zɛb'ɩ a Madian tẽw dem laɩ, ɩ̃ de ʋ na ƴãw a fʋ nuru pʋɔ.